2 KORINTUS 3:7 - WUKE SUSI WATTI'U AL᷊AL᷊USASSA

⁷ Su tempo paaire apan mangngapiddu papate udde niola'a wuṛṛu nipaangnga su watu, semakku Ruata lullansiangnga ringannu sussal᷊endapa su hatin Musa. Semakke aroddi atilangnge na'oman sara walahannu Israel tawe maasilo hati Musa, salaiwe lansiangnga su hatine udde mal᷊abukke su tempo udde. Ne amungkangngu maaola'a paaire apan mangngapiddu papate udde nitenega ringannu awawantuga apan aroddi ahewalle,

2 KORINTUS 3:7 Referans Kwoze

1 KORINTUS 13:10

Sal᷊immurine sarun a'omanna tempone Ruata ma'ola'a sarangkanambone nasuungnga, wuṛṛu apan tawe nasuungnga udde sarun mawul᷊i.

ROMA 10:4

Titan agama buatte nitipussi Kristus. Nariaddi suapan taumata apan mangngimanna si Kristus, paa'aukki mangitou ringannu Ruata maola'a apia.

SASABANGNGA 31:18

Napawe buatte naggahatton i Musa su puiddu Wowon Sinai, Ruata nangonggola si tou ruan kul᷊appa watu apan buatte niwoṛṛetannu Ruata ringannu manga tita-Ne.

2 KORINTUS 3:6

Ete i Tou apan na'ola'a si yami mappammanara su sambau paaire apan wakku; paaire apan uaantimma Ghaṛṛahon Duata, wal᷊ine su tita apan uawoṛṛetta. Ana waugu apan uawoṛṛetta udde mangngapiddu papate, arawe Ghaṛṛahon Ruata udde mangngonggolu wiakka.

2 KORINTUS 3:3

I mangitou sassane wotongnge maasilo manungku tuṛṛangnga naola'a suratta apan niwoṛṛetti Kristus, wuṛṛu niapaapidda si yami. Suratta udde wal᷊ine niwoṛṛettu tinta, arawe ringannu Ghaṛṛahon Duata apan wiakka; wal᷊ine lai su wowon batu pamamoṛṛetanna, arawe sulal᷊ummu naungngu taumata.

SASABANGNGA 24:12

Wua'udde Mawu nabbisara si Musa, “Rantate ringang-Ku su puiddu wowone. Isudde sarun Ta'u ionggolla si'o watu darua apan buatte Ta'u niwoṛṛetannu anambon tita-U. Anambon tita udde Ta'u nionggolla maola'a al᷊aṛṛa'a su walahanna udde.”

ROMA 4:15

Titan agama Yahudi mandantan ṛuumannu Ruata. Arawe amungkangngu tawe tita, ne tawe lal᷊awangnga lai.

DARALO 119:97

Aroddi arangnguangku tita-Nu; ta'u iraṛṛingidda su al᷊o'engngu allo.

ROMA 7:10

Ne titan agama udde, apan paarorone tuddane mangngonggolu wiakka, ewe'e sal᷊immurine nandantan papate si ya'u.

WATTI'U MANGA RASUL 6:15

Awada'alla apan uasemodda sulal᷊ummu ammul᷊annu Mallaṛṛuungngu Agama udde nanutudda si Stefanus. Wuṛṛu su tempo udde hatin Stefanus aellehanna naal᷊ihidda hati mala'ekatta.

DARALO 119:174

Naungku luṛṛintulun al᷊amatta wuas-Si'o, tita-Nu maal᷊uassa naungku.

TAHIUL᷊E 9:15

Ana see i ya'u nanaile, wuṛṛu nangapiddu darua watu pa'aire ringannu lima'u ruan ba'an, i ya'u sinumossokka wuassu wowone apan tantal᷊anna lukkenggamma.

ROMA 7:22

Naungku maapulun titan Duata,

TAHIUL᷊E 4:13

Poiaroddi i Tou namasingkatta si yamiu sarangkanambone apan sarun olaanni yamiu su ipanipussa pa'aire-Ne apan niola'a ringanni yamiu. Mapul᷊o Tita apan buatte niwoṛṛettu Mawu su daruan kul᷊appa watu udde ṛinone daringiṛṛanni yamiu.

SASABANGNGA 34:1

Wua'udde Mawu nabbisara si Musa, “Pamaangke ruan kul᷊appa watu ere dorone. Su watu udde i Ya'u sarun mamoṛṛettu manga wisara apan uasul᷊ungnga su watu appan buatte Ta'u nipesangnga udde.

SASABANGNGA 32:19

Napawe i Musa maraniten paddasananna udde, i tou naasilo sapi wul᷊awanna wuṛṛu manga taumata tantal᷊anna massal᷊aingnga, ne i tou nasa'ute. Isudde lai, su wawal᷊annu wowone udde, i Musa namantingngu watu apan niapiddi tou na'oman sara naṛṛimunsa'a.

PANDARIADDI 3:21

Ne Ruata na'ola'a laubbi Adam wuṛṛu i Hawa wuassu pisin binatangnga ana see niluṛṛe sitarua.

IBRANI 9:4

Sulal᷊ummu wabbo'a udde pia medda pangangadoannu sasamba apan niola'a wuassu wul᷊awanna panutunganna dupa, wuṛṛu pia lai Wantalu Pa'aire apan sarangkahewalle papi'unannu wul᷊awanna. sulal᷊ummu wantala udde pia urinna wul᷊awanna lal᷊oṛṛoannu manna, ta'inni Harun apan nassollate, wuṛṛu ruang kul᷊appa watu pamamoṛṛetanna apan su wowone wawoṛṛetannu mapul᷊o titan Ruata.

NEHEMIA 9:13

Wuassu langitta I'o sinumossokka su puiddu Wowon Sinai, ana see I'o naggahatton uman-Nu sassane. I'o nangonggollu tita, atoranna wuṛṛu parenta apan matul᷊idda, naṛṛino wuṛṛu pia gunane.

TAHIUL᷊E 4:8

Wuṛṛu walahanna wahewalla suapa apan pia manga tita apan aroddi atul᷊idde ere manga tita apan ta'u niaṛṛa'a si yamiu allo indi?

TAHIUL᷊E 5:22

Eteudde manga parenta apan nionggolu Mawu si yamiu su tempo i yamiu uasemodda su wowone. Su tempo i Tou nabbisara ringannu tingikka ruddallu'a wuassu putungnga wuṛṛu winabbawa maapala, i Tou nangonggolu manga parenta udde, wuṛṛu wal᷊ine parenta waine. Ana see i Tou namoṛṛetta su ruan kul᷊appa watu wuṛṛu nionggola si ya'u.”

ROMA 5:20

Apan nangonggolu titan agama Yahudi eteudde Ruata sassane. Arawe napawe taumata lembon tuttuṛṛutta tita udde, i mangitou lembon lullawangnga wuṛṛu ma'ola'a rosa su saruannu Ruata. Arawe salaiwe taumata lembon ma'ola'a rosa, Ruata lembo marangngu lai si mangitou.

ROMA 7:5

Ana waugu dorone, i ite mabbiakka tuttuṛṛutta pallal᷊agun taumata. Su tempo udde manga apulu apan ma'aola'a rosa, apan nilumapputa ana waugu titan agama, uataṛṛino su wadangngi ite. Ana waugu udde i ite ma'ola'a inolaanna apan maapate.

2 KORINTUS 3:8

asinungka paaola'a paaire apan nionggolu Ghaṛṛaho Ruata nitenega lembo mawantuga lai.

GALATIA 3:10

Manga taumata apan uatundeeta su titan agama, sarangkanambone mabbiakka su al᷊ungngu awawontoga. Ana waugu sulal᷊ummu Wuke Susi uawoṛṛetta, “Taumata apan tawe tumuṛṛutta mappaamattu sarangkanambone apan uawoṛṛetta sulal᷊ummu Wuke Titan Agama, awontohannu Ruata!”

GALATIA 3:21

Apa udde atappasanne manungku titan agama uapapaṛṛalan paaire Ruata? Tawe! Ana waugu amungkangngu titan agama nionggolla maola'a lal᷊annu wiakku taumata, ne taumata wotongnge masasangkapia Ruata ringannu lal᷊anne tumuṛṛutta titan agama.

IBRANI 3:3

Arawe Mawu Yesus lai ṛinone addatanna lembon ahewal᷊anne wuassi Musa. Ana waugu taumata apan mapararisikku wal᷊e, ṛinone maasomba aaddata maggewal᷊anne wuassu wal᷊e udde sassane.

IBRANI 12:18

Manga tuṛṛangnga tawe nirumanta sumaruanna apa-apa ere sinaruanannu walahannu Israel dorone. I mangitou sinumaruanna apa apan botongnge iapita, eteudde Wowon Sinai ringannu putungnge apan lukkenggama; i mangitou sinumaruanna araranduma, wasa tuudda wuṛṛu tandi'a;