2 KORINTUS 3:17 - WUKE SUSI WATTI'U AL᷊AL᷊USASSA

¹⁷ Ne, Mawu apan iwabbatti'a isindi, eteudde Ghaṛṛaho. Wuṛṛu suapan pia Ghaṛṛaho Mawu, isudde lai pia al᷊al᷊uassa.

2 KORINTUS 3:17 Referans Kwoze

ROMA 8:2

Ana waugu titan Ghaṛṛahon Duata apan na'ola'a si ite mabbiakka su sambau ringannu Mawu Yesus Kristus apan suete napaal᷊iu'u wuassu tita apan maarosa wuṛṛu maa'ate.

GALATIA 5:13

I yamiu suete niwagoanna maola'a taumata apan napallose. Arawe arie mappaattu apapallosi yamiu udde sidutu ma'ola'a apulun naungngi yamiu sassane. Arawe ṛinone i yamiu sidutu uaa'akkana wuṛṛu sidutu uaa'imbe.

GALATIA 4:6

Ana waugu ete i yamiu udde al᷊aṛṛana'u Ruata, Ruata nandolokku Ghaṛṛahon Anang-Nge sinumutta sulal᷊ummu naungngu wuṛṛu naungku, eteudde Ghaṛṛaho apan mabbisara, “Iamangnga, oh Iamangku.”

YOHANES 8:32

ne i yamiu sarun maaillal᷊a Ruata apan naṛṛino, wuṛṛu ana waugu udde i yamiu sarun ipallossa.”

GALATIA 5:1

I ite orassa indi nal᷊iute, ana waugu Kristus buatte namallosi ite! Ana waugu udde paa'agassa apapallosa udde, wuṛṛu ariete pattingka allangnga apia.

2 TIMOTIUS 1:7

Ana waugu Ghaṛṛaho apan nionggolu Ruata si ite, wal᷊inewe Ghaṛṛaho apan ma'ola'a si ite matal᷊o. Arawe Ghaṛṛahon Duata udde maatohassa si ite, nepenen darangngu wuṛṛu maaṛṛaddannu watanganne.

YOHANES 6:63

Apan maawiakka taumata eteudde Ghaṛṛahon Ruata. Atatohassu taumata tawe gunane. Manga wisara apan niwisara-U si yamiu indi eteudde wisara Ghaṛṛahon Ruata wuṛṛu manga wisara apan mangngonggolu wiakka.

DARALO 51:12

Olaawe naungku apan tutune, oh Ruata, limbakuewe naungku ringannu atatohassa apan masabbare.

2 KORINTUS 3:6

Ete i Tou apan na'ola'a si yami mappammanara su sambau paaire apan wakku; paaire apan uaantimma Ghaṛṛahon Duata, wal᷊ine su tita apan uawoṛṛetta. Ana waugu apan uawoṛṛetta udde mangngapiddu papate, arawe Ghaṛṛahon Ruata udde mangngonggolu wiakka.

1 KORINTUS 15:45

Sulal᷊ummu Wuke Susi uawoṛṛetta arendi, “Taumata paarorone eteudde Adam, naola'a riadianna apan wiakka,” arawe Adam panginsueanne eteudde Ghaṛṛaho apan mangngonggolu wiakka.

2 KORINTUS 3:18

Orassa indi hatin kite tawe lal᷊indumannu tatindunga wuṛṛu i ite mangngapiddu awawantugu Mawu Yesus. Wuṛṛu ana waugu udde i ite sidutu wal᷊uanna maola'a ere i Tou; mallannu i ite maola'a mawantuga. Awawantuga udde wuassu Ghaṛṛaho, wuṛṛu Ghaṛṛaho udde eteudde Mawu.