2 KORINTUS 2:7 - WUKE SUSI WATTI'U AL᷊AL᷊USASSA

⁷ Orassa indi yamiu ṛinone mangampunga si tou wuṛṛu mangonggolu sasasa lai si tou tadea'u i tou tawe tumaniten masusa naungnge ma'oman sara tate antimma saran kadio'a.

2 KORINTUS 2:7 Referans Kwoze

EFESUS 4:32

Arawe ṛinone naungngi yamiu waresi wuṛṛu uaa'akkana sangkatou ringannu waine, wuṛṛu uaaonggolu ampunga ere lai Ruata nangampunga si yamiu sulal᷊ummi Kristus.

KOLOSE 3:13

I yamiu ṛinone masabare sangkatou ringannu waine, wuṛṛu maapulu mangampunga sangkatou ringannu waine. Mawu ringannu naungnga mal᷊uassa mangampunga si yamiu, nariaddi yamiu lai ṛinone mangampunga sangkatou ringannu waine.

YESAYA 28:7

See lai manga nabi wuṛṛu manga imam wu'anna ana waugu tumanite manambo na'inumma anggore wuṛṛu tubba. I mangitou u'amatta lullallengge wuṛṛu mangke mattara ana waugu ṛingiranni mangitou nassongkakka. Manga nabi tate lai maasunna manga sondappa apan ia'onggollu Ruata si mangitou. Manga imam tate lai maaṛṛawessu manga hatto apan iappaola'a si mangitou.

AMSAL 17:22

Naungnga apan lulluassa maapia waddangnga; naungnga apan massusa maal᷊eo ikkatta.

2 TESALONIKA 3:6

Manga tuṛṛangnga, wuassu taṛṛinon Mawu Yesus Kristus, i yami nandolokka tadea'u i yamiu mangindau manga tuṛṛanga, apan mabbiakka wolo'a, wuṛṛu maddiri tumuṛṛutta manga al᷊aṛṛa'a apan niapaasingkati yami si mangitou.

1 TESALONIKA 4:13

Manga tuṛṛangnga, i yami maapulu tadea'u i yamiu maasingkata apa apan ṛinone su ola'u manga taumata apan natete; tadea'u i yamiu tawe masusa naungnga ere manga taumata waine apan tawe antimme.

FILIPI 2:27

Atonna i tou marada'a na'oman sara maraniten mate. Arawe Ruata niumakkani tou; wuṛṛu wal᷊ine tumba'u si tou sassane, arawe si ya'u lai, tadea'u i ya'u tawe lembon masusa apia.

2 KORINTUS 7:10

Ana waugu asasusa ereudde maawal᷊u naungnga apan mandantan asasal᷊amatta. Wuṛṛu taumata tawe sumassilla su olangnge udde. Arawe asasusa apan su lal᷊annu apulun taumata maawawa papate.

2 KORINTUS 5:4

Su al᷊o'engngu allo i ite uatana'a sulal᷊ummu wal᷊e wuassu runia indi, i ite sussal᷊iomanna ana waugu winabbawan kite mawakkata. Wal᷊inewe ana waugu i ite maapulu mapallosa wuassu wadangngi ite, apan wuassu runia indi, ana waugu i ite maapulu mappaattu wadangnga wuassu surga udde, ana see wadangngi ite apan wotongnge mate indi pia taṛṛino apan wiakka.

1 KORINTUS 15:54

Amungkangngu wadangnga apan wotongnge mate buatte nihantiannu wadangnga apan tawe mate, wuṛṛu wadangnga wuassu runia, buatte nihantiannu wadangnga wuassu surga, su tempo udde matipusse apa apan uawoṛṛetta sulal᷊ummu Wuke Susi, “Papate buatte nial᷊iuanna; auntunganna nia'omante!”

AMSAL 1:12

Orassa indi i mangitou mabbiakka su al᷊al᷊uassa wuṛṛu wadangnga mapia, arawe sal᷊immurine i mangitou sarun maola'a ere taumata apan tumaniten susa.

DARALO 124:3

ne i ite buatte niallupi mangitou wiakka, ana waugu asasa'un mangitou apan lukkenggama.

DARALO 21:9

I Tou sarun manametta anambon seenne, wuṛṛu manametta anambon taumata apan maddantinni Tou.

DARALO 57:3

I ya'u sussal᷊annde su Mawu Apan Atanggaṛṛanne, su Ruata apan mammanara ana waugu i ya'u.

2 KORINTUS 2:8

Ana waugu udde i ya'u sumal᷊ande, tadea'u i yamiu mapaal᷊iatta'a apia si tou, manungku i yamiu atonna-tonna marangngu si tou.