2 KORINTUS 2:15 - WUKE SUSI WATTI'U AL᷊AL᷊USASSA

^15-16 Ana waugu i yami naal᷊ihida hal᷊urun amania apan mawangngi, apan tinutungngu Mawu Yesus hunane su Ruata. Su saruannu manga taumata apan mattudan papate, i yami indi naal᷊ihida hal᷊urun papate apan maapate; arawe su taumata nambo apan tantal᷊anna iapaasal᷊amatta, i yami indi naal᷊ihida hal᷊uru mawangngi apan mandantan pabbawiakka. Ei, isai wotongnge maasuungngu manara indi?

2 KORINTUS 2:15 Referans Kwoze

EFESUS 5:2

Wiakku ṛinone aintaṛṛoannu darangngu, ere lai Kristus marangngu si ite. I Tou nanantillu watangan-Ne ana waugu i ite, maola'a sambau sasamba apan mawangngi wuṛṛu maal᷊uassa naungngu Ruata.

1 KORINTUS 1:18

Ana waugu su taumata apan mattudam papate, watti'a su ola'u papaten Kristus su alu arussa naudde watti'a wahia. Arawe si ite apan buatte niapaasal᷊amattu Ruata, watti'a udde maola'a lal᷊annu Ruata mapaal᷊iatta'u taṛṛino-Ne.

YEHEZKIEL 20:41

Napawe i yamiu Ta'u niapidda sinumabbangnga wuassu manga wanua sutampa i yamiu nisal᷊iawukka, i Ya'u sarun mangammulli i yamiu wuṛṛu manengkamma al᷊awo'u sasambanu itattambunna. Ne anambon balahanna maasingkatte manungku i Ya'u indi Ruata Apan na'ukkassa.

FILIPI 4:18

I ya'u suete nanengkamma sarangkanambone – ewe'e nilumebete lai! Anambon aonggolla apan nirohon kamiu si ya'u, suete nitarimmata wuassi Epafroditus. Orassa indi ya'u uatahuanna anambon apa apan pappandumangku. Manga aonggola wuassi yamiu eteudde maola'a sambau sasamba hal᷊urune mawangngi apan nionggole su Ruata wuṛṛu nisengkammu Ruata ringannu naungnga mal᷊uassa.

PANDARIADDI 8:21

Hal᷊urun sasamba apan mawangngi udde naal᷊uassa naungngu Mawu, wuṛṛu i Tou nabbisara sulal᷊ummu naungnga, “I ya'u tate lai mamontoga runia indi ana waugu inolaannu taumata; i Ya'u masingkatta manungku ro'en i tou ta'e dario'a, ṛingirannu taumata udde lal᷊eo. I ya'u tate saran paassa mamate alawo'u riadianna wiakka naal᷊ihidda ere buatte Ta'u niola'a indi.

2 TESALONIKA 2:10

I tou sarun mappaattu al᷊awo'u awusune apan lal᷊eo ipangal᷊iwu manga taumata apan sarun mate. I mangitou sarun mate ana waugu tawe maddaringikka wuṛṛu maddirin wattia'a apan naṛṛino wuassu Ruata apan wotongnge manal᷊amatta si mangitou.

SASABANGNGA 29:18

Onggol᷊a'e domba esakka sarangkanambone udde su wowon mezbah maola'a sasamba itattambunna. Hal᷊urune ma'al᷊uassa naung-Ku.

SASABANGNGA 29:25

Ana see anute roti udde wuassi mangitou wuṛṛu tambuna'e su wowon mezbah, su wowon aonggolla itattambunna udde. Hal᷊urun sasamba udde ma'al᷊uassa naung-Ku.

REENGANNA 15:3

Su sasamba itattambunna ara'e sasamba wawaekka riandi ara'e sasamba apulune sassane ara'e sasamba su manga ramea mamiallo, i yamiu wotongnge mangonggola su Mawu: sapi esakka, domba esakka, domba ara'e ambinga. Hal᷊uru manga sasamba udde ma'al᷊uassa naungngu Mawu.

ANTARI MAWANTUGA 1:3

I'o mawangngi-wangngi, arannu ere lana mawangngi nabboso; ana waugu udde manga maṛṛuala maapulunu!