2 KORINTUS 2:14 - WUKE SUSI WATTI'U AL᷊AL᷊USASSA

¹⁴ Arawe aadiangkamanna su Ruata! I Tou sidutu mangngehetta si yami tumantalongnga su amatanni Kristus ana waugu i yami mabbiakka su sambau ringanni Tou. Ruata nappaatti yami tadea'u watti'a su ola'i Kristus massal᷊iawukka naal᷊ihida hal᷊uru mawangngi su al᷊awo'u tampa.

2 KORINTUS 2:14 Referans Kwoze

ROMA 8:37

Tawe! Ewe'e sulal᷊ummu sarangkanambone udde i ite naasomba auntunganna apan nasuungnga ana waugu i Tou apan niumakkani ite!

EFESUS 5:2

Wiakku ṛinone aintaṛṛoannu darangngu, ere lai Kristus marangngu si ite. I Tou nanantillu watangan-Ne ana waugu i ite, maola'a sambau sasamba apan mawangngi wuṛṛu maal᷊uassa naungngu Ruata.

ROMA 6:17

Arawe adiangkamanna su Ruata! Ana waugu paarorone yamiu naola'a allangngu rosa, arawe orassa indi yamiu ringannu ahewallu naungngu tuttuṛṛutta al᷊aṛṛa'a naṛṛino apan buatte nionggola si yamiu.

2 KORINTUS 9:15

Ṛinone i ite maadiangkamanna su Ruata ana waugu aonggole apan wahewalla udde!

KOLOSE 2:15

Su alu arussa udde Kristus na'ola'a al᷊awo'u ghaṛṛaho apan uaparenta wuṛṛu uataṛṛino naola'a tawe atatohanne. I mangitou naola'a wawialannu awadaalla su tempo Kristus nangapiddi mangitou ere taumatan ṛuumanna sulal᷊ummu amamattu awawantu-Ge.

ANTARI MAWANTUGA 1:3

I'o mawangngi-wangngi, arannu ere lana mawangngi nabboso; ana waugu udde manga maṛṛuala maapulunu!

DARALO 106:47

Sal᷊amatewe i yami, oh Mawu Ruatan kami, ammul᷊aawe i yami wuassu wallattu manga walahanna, tadea'u i yami wotongnge maadiangkamanna wuṛṛu maddalo aran-Nu apan susi.

ROMA 15:19

wuṛṛu manga al᷊aṛṛindu'a wuṛṛu manga inolaanna apan wahewalla; sarangkanambone udde wuassu taṛṛinon Ghaṛṛahon Ruata. Watti'u Al᷊al᷊uassa su ola'u Mawu Yesus suete ta'u niapaasingkatta su anambon taumata, nanattaka wuassu Yerusalem na'oman sara watukku Ilirikum.

SONDAPPA 7:12

I mangitou u'ui, “Amin! Dalo su Ruatang kite apan mawantuga wuṛṛu pande. I Tou ṛinone onggol᷊annu al᷊awo'u aadiangkamanna wuṛṛu addata. I Tou uataṛṛino wuṛṛu matohassa saran mal᷊annu-l᷊annu! Amin.”

KOLOSE 1:23

Arawe i yamiu ṛinone sidutu matuṛṛutta mangngimanna wuṛṛu matohassa uarisikka su pangangimannu. Imbaṛṛanga i yamiu mamallosu antimma apan suete nionggolla si yamiu su tempo i yamiu nanengkamma Watti'u Al᷊al᷊uassa wuassu Ruata. Watti'a udde suete niapaasingkata su anambon taumata su ahewallu runia. Wuṛṛu ana waugu udde lai ya'u, Paulus, naola'e darol᷊oṛṛan-Ne.

DARALO 148:14

I Tou buatte nanohassa walahan-Ne, na'oman sara i Tou raddaloannu al᷊aṛṛanang-Nge, Israel umatta arangnguan-Ne. Paddalote Mawu!

KOLOSE 1:6

Watti'a wuassu Ruata udde nassal᷊iawukke su ahewallu runia, wuṛṛu wiakku taumata sidutu aal᷊amatannu watti'a udde, ere lai wiakku nial᷊amatanna ro'en su tempo i yamiu naaringikka ola'u darangngun Duata wuṛṛu atonna-tonna nusippa sulal᷊ummu naungngu.

FILIPI 4:18

I ya'u suete nanengkamma sarangkanambone – ewe'e nilumebete lai! Anambon aonggolla apan nirohon kamiu si ya'u, suete nitarimmata wuassi Epafroditus. Orassa indi ya'u uatahuanna anambon apa apan pappandumangku. Manga aonggola wuassi yamiu eteudde maola'a sambau sasamba hal᷊urune mawangngi apan nionggole su Ruata wuṛṛu nisengkammu Ruata ringannu naungnga mal᷊uassa.

EFESUS 5:20

Sidutu wuṛṛu su al᷊awo'u manara, ṛinone i yamiu maadiangkamanna su Ruata Iamangnga, sulal᷊ummu aranni Yesus Kristus Mawun kite.

2 KORINTUS 8:16

Lembon maadiangkamanna i yami su Ruata ana waugu i Tou suete na'ola'a si Titus maṛṛimadda ere i yami mantul᷊ungngi yamiu.

2 KORINTUS 1:11

I yami mangngimanna manungku ringannu manga aal᷊iomannu hunan kami, Ruata sarun manal᷊amatta si yami lai wuassu papate. Ruata mangonggolu al᷊amatta si yami maola'a sambau sasimbakku anambon aal᷊iomanni yamiu si yami wuṛṛu ana waugu udde, manambo taumata maadiangkamanna su Ruata.

1 TESALONIKA 3:9

Aroddi ahewalle apendammu aadiangkamanni yami su Ruata su al᷊awo'u al᷊al᷊uassa apan niapendamanni ami su saruan-Ne ana waugu yamiu.

1 KORINTUS 15:37

Wuṛṛu wualanna apan nisuannu su leta'a udde – asinungka wualannu gandumma ara'e wualanna waine – eteudde tumba'u watun bualanna udde sassane, wal᷊ine al᷊awo'u sasuanne apan sarun tumuwo udde.

YEHEZKIEL 20:41

Napawe i yamiu Ta'u niapidda sinumabbangnga wuassu manga wanua sutampa i yamiu nisal᷊iawukka, i Ya'u sarun mangammulli i yamiu wuṛṛu manengkamma al᷊awo'u sasambanu itattambunna. Ne anambon balahanna maasingkatte manungku i Ya'u indi Ruata Apan na'ukkassa.

YOHANES 16:33

Sarangkanambone indi iwabal᷊o-U si yamiu, tadea'u i yamiu maasomba al᷊al᷊uassa ana waugu su sampunna ringang-Ku. Su runia i yamiu sarun matataṛṛangnga. Arawe siddutu'a naungngu! I Ya'u suete napaarugin runia!”

ROMA 1:8

Paarorone sulal᷊ummi Yesus Kristus, i ya'u maadiangkamanna su Ruata ana waugu manga tuṛṛangnga sarangkanambone; ana waugu ahewallu runia naaringikke manungku i yamiu mangngimanna atonna su Mawu Yesus Kristus.

1 KORINTUS 12:8

Su sangkatou taumata, Ghaṛṛaho udde mangngonggolu apande ipabbisara ringannu saṛṛaungnga. Su taumata waine Ghaṛṛaho apan uasul᷊ungnga udde mangngonggolu apande ipanal᷊a'a su ola'u Ruata.

1 KORINTUS 15:57

Arawe aadiangkamanna su Ruata; i Tou nangonggolu auntunganna sulal᷊ummi Yesus Kristus Mawun kite.

1 TESALONIKA 1:8

Ana waugu nanattakka wuassi yamiu, watti'a su ola'u Mawu suete niapaasingkata na'oman sara watukku Makedonia wuṛṛu Akhaya. Wuṛṛu wal᷊ine tumba'u udde lai; arawe watti'a su ola'u ereapa i yamiu nangimanna Ruata na'omate su al᷊awo'u tampa, na'oman sara i yami lasa'e lai maggahaton al᷊awo'u hatto si yamiu.

1 TIMOTIUS 2:8

I ya'u maapulu tadea'u suapan tampan papunna esakka umal᷊iomanna ringannu naungnga susi, tawe asasa'u ara'e pabbawawul᷊o.

2 TIMOTIUS 2:2

Al᷊aṛṛa'a paarorone suete niaringiṛṛanu wuassia'u su saruannu awadaalla, ṛinone itantillu su manga taumata apan wotongnge apangimananna wuṛṛu pande mangaṛṛa'a taumata waine.