2 KORINTUS 2:12 - WUKE SUSI WATTI'U AL᷊AL᷊USASSA

¹² Su tempo i ya'u na'omate su Troas ringannu pandumanna mabbatti'u Watti'u Al᷊al᷊uassa su ola'i Kristus, Mawu buatte namu'a lal᷊anna si ya'u ipammanara su tampa udde.

2 KORINTUS 2:12 Referans Kwoze

WATTI'U MANGA RASUL 16:8

Nariaddi itarua inumamatta nanassukke su Misia wuṛṛu lapiddu nasal᷊a watukku Troas.

WATTI'U MANGA RASUL 14:27

Napawe na'omate su Antiokhia, i mangitou nangammullu manga taumata wuassu jamaatta udde, see nabatti'u sarangkanambone apan suete niola'u Ruata sulal᷊ummi mangitou. I mangitou nabbati'a lai su ola'u ereapa Ruata suete namantingidu lal᷊anna tadea'u manga taumata apan bal᷊ine Yahudi mangngimanna Mawu Yesus.

KOLOSE 4:3

I yami lai aal᷊iomana'a tadea'u Ruata mangoggolu allo mapia si yami manal᷊iawukku watti'a su ola'a addapingingi Kristus. Ana waugu olangnge udde ne i ya'u orassa indi uatana'a sulal᷊ummu tuttupanna.

1 KORINTUS 16:9

Manambo allo'u isindi ipammanara manara apan pia gunane, salaiwe manambo lai taumata mannal᷊are.

ROMA 1:1

Manga tuṛṛangnga sarangkanambone su Roma apan arangnguannu Ruata wuṛṛu apan buatte niwagoannu Ruata maola'a al᷊aṛṛanang-Nge. Ruata buatte namile wuṛṛu i ya'u sassane niapaatenega mammasingkattu Watti'u Al᷊al᷊uassa wuassu Ruata.

WATTI'U MANGA RASUL 20:8

Sulal᷊ummu wabbo'a su ṛengkenne al᷊iu rosone, su tampa nipaammul᷊anni yami udde, pia manambo sol᷊o.

WATTI'U MANGA RASUL 16:11

I yami nanantangken Troas wuṛṛu nassenggotte watukku Samotrake, wuṛṛu tiṛṛabbine watukku Neapolis.

1 KORINTUS 9:12

Amungkangngu manga taumata wotongnge mangantimma indi wuassi yamiu, wal᷊inewe yami lai lembon pia taṛṛino wuassi mangitou? Arawe i ya'u taambe nappaattu taṛṛino udde. Arawe i ya'u lembo maapulu maningkul᷊u sarangkanambone udde, wuassu i ya'u mapaal᷊aputu manga inolaanna apan mannal᷊are manara mamasingkatu Watti'u Al᷊al᷊uassa su ola'i Kristus.

1 KORINTUS 9:14

Aroddi lai Mawu buatte nanantunna manungku taumata apan mabbatti'u Watti'u Al᷊al᷊uassa udde ṛinone maasomba pabbawiakke wuassu manarane udde.

1 KORINTUS 9:16

Ana waugu amungkangngu udde tumba'u su ola'u mabbatti'u Watti'u Al᷊al᷊uassa wuassu Ruata, ne i ya'u tawe maapamunga, ana waugu Ruata buatte namarenta si ya'u iapamanara. Nasilakate i ya'u, amungkangngu i ya'u tawe nabbatti'u Watti'u Al᷊al᷊uassa udde!

2 KORINTUS 4:3

Amungkangngu Watti'u Al᷊al᷊uassa apan niapaasingkati yami udde taambe niasunnanna, ne tumba'u manga taumata apan mattudan papate apan tawe maasunna.

2 KORINTUS 4:4

Monganna lal᷊eo apan uaparenta runia indi nakkapingnga ṛingirannu manga taumata apan tawe mangimanna udde. Monganna apan sidutu mannal᷊are si mangitou tadea'u i mangitou tawe maasilo semakka wuassu Watti'u Al᷊al᷊uassa udde, su ola'u awawantugi Kristus, apan naola'a lihiddu Ruata.

2 KORINTUS 8:18

Suadio'a ringanni tou i yami nandolokku sangkatou tuṛṛangnga apan aadatannu anambon jamaatta ana waugu manarane mammasingkatu Watti'u Al᷊al᷊uassa wuassu Ruata.

2 KORINTUS 9:13

Wuṛṛu wuassu apapian kamiu udde, manambo taumatan Saṛṛani su Yudea sarun maddalo Ruata ana waugu i mangitou naasilo tatuṛṛuti yamiu su Watti'u Al᷊al᷊uassa su ola'i Kristus apan tatantalonganni yamiu udde. I mangitou lai maddalo Ruata, ana waugu i yamiu naungnge mapia mattahia si mangitou wuṛṛu su anambon taumata waine sarannapa apan pia si yamiu.

2 KORINTUS 10:14

Nariaddi, su tempo i yami nattembo si yamiu wuṛṛu nangapiddu Watti'u Al᷊al᷊uassa su ola'i Kristus si yamiu, i yami tawe nallinga passarannu leta'a pammanaranni yami.

2 KORINTUS 11:4

Ana waugu ellehanna i yamiu mal᷊uassa manarimmattu taumata apan rumanta ringannu wuṛṛu mangngaṛṛa'u Mawu Yesus waine – wal᷊ine Mawu Yesus apan niapaasingkati yami si yamiu. Wuṛṛu i yamiu lai mal᷊utu manal᷊oho ghaṛṛaho wuṛṛu “watti'u al᷊al᷊uassa” apan uapapaṛṛalan Ghaṛṛahon Duata wuṛṛu Watti'u Al᷊al᷊uassa apan suete nitarimmatti yamiu wuassi yami.

2 KORINTUS 11:7

Su tempo i ya'u mabbati'u Watti'u Al᷊al᷊uassa wuassu Ruata si yamiu, i ya'u tawe nadorongnga i yamiu mappadul᷊i si ya'u; wuṛṛu ringannu aroddi ya'u napaawawon wadangku. I ya'u na'ola'a udde see i yamiu maola'a matanggakka. Apa udde maola'a sambau pasasal᷊a su saruannu?

1 TESALONIKA 3:2

tantal᷊anna i yami nandolokku tuṛṛangi ite Timotius. I tou sangkatou mamamanara Duata apan mammanara suadio'a ringanni ami mammasingkatu Watti'u Al᷊al᷊uassa su ola'i Kristus. I yami nandolokki Timotius ringanni yamiu tadea'u i tou mannohassa si yamiu wuṛṛu mangonggolu sasasa si yamiu ana see lembon mangngimanna lai si Kristus.