2 KORINTUS 13:6 - WUKE SUSI WATTI'U AL᷊AL᷊USASSA

⁶ I ya'u mangantimma i yamiu maatutukka manungku i yami wal᷊inewe taumata mal᷊ihakka awono'anna.

2 KORINTUS 13:6 Referans Kwoze

2 KORINTUS 12:20

I ya'u sussinggawangnga manungku su tempo i ya'u mattembo si yamiu, i ya'u naaratingnga tawe ere apa apan aantimangku. Aṛṛengenne aratinganna piaddu uawawul᷊o, naungnge lal᷊eo, naungnge mal᷊oso, tumba'u madea'a hausannu watanganne, uaaumbilangnga, mappawawul᷊o, mawunga wuṛṛu ma'ola'a patatatiakka.

2 KORINTUS 13:10

Ana waugu udde, i ya'u namoṛṛettu suratta indi su tempo i ya'u taambe uatana'a su pattangnganni yamiu. Ringannu aroddi, amungkangngu i ya'u rumantate, i ya'u tawe mamarenta ringannu maṛṛagissa su saruanni yamiu ringannu taṛṛino apan nionggolu Mawu si ya'u. Taṛṛino udde nionggola ipannohassa pangangimanni yamiu, wal᷊inewe ipandal᷊eo si yamiu.

ROMA 1:28

Ana waugu taumata maddirite lai ma'illal᷊a Ruata, ne Ruata namalaten ṛingiddi mangitou malal᷊eo, na'oman sara i mangitou ma'ola'a manga inolaanna apan ṛinone tawe wotongnge olaanna.

2 KORINTUS 13:5

Annama'o i yamiu maannammu watanganni yamiu sassane, apa i yamiu atonna-tonna mabbiakka ana waugu mangngimanna si Kristus! I yamiu sarun maatutukka manungku Kristus Yesus udde sulal᷊ummu naungngi yamiu! – waine lai olangnge amungkangngu i yamiu tawe mangngimanna atonna-tonna.

2 KORINTUS 13:7

I yami u'al᷊iomanna su Ruata antimanna i Tou mantul᷊ungngi yamiu ana see tawe ma'ola'a pasasal᷊a. Wal᷊inewe mapaal᷊iatta'a manungku i yami indi pande mammanara, arawe tadea'u i yamiu tuttuṛṛutta apulun Duata – salaiwe aellehanna i yami tawe tumuṛṛutta, udde tawe apane!