2 KORINTUS 13:5 - WUKE SUSI WATTI'U AL᷊AL᷊USASSA

⁵ Annama'o i yamiu maannammu watanganni yamiu sassane, apa i yamiu atonna-tonna mabbiakka ana waugu mangngimanna si Kristus! I yamiu sarun maatutukka manungku Kristus Yesus udde sulal᷊ummu naungngi yamiu! – waine lai olangnge amungkangngu i yamiu tawe mangngimanna atonna-tonna.

2 KORINTUS 13:5 Referans Kwoze

LAL᷊ALLU 3:40

Mappianne i ite manaṛṛassidda wiakki ite, wuṛṛu mabbelengnga ringannu Mawu Ruata su surga. Wette i ite mamu'a naungnga wuṛṛu umal᷊iomanna,

1 KORINTUS 11:28

Nariaddi, suapan taumata ṛinone mamarikissa ririne paarorone, wua'udde i tou wotongnge umanna roti wuṛṛu ma'inumma anggore udde.

1 KORINTUS 9:27

I ya'u namalan wadangku aṛṛaanna ringannu matohassa ma'oman sara i ya'u wotongnge maasingkatta atonna. I ya'u ma'ola'a aroddi, ana waugu i ya'u maddiri ma'oman sara mariaddi manungku napawe i ya'u mangahe taumata waine mattandinganna i ya'u sassane tawe niwal᷊i ara'e nito'e.

SONDAPPA 2:5

Ana waugu udde, paanaungete tumaniten marau i yamiu nanawo! Awal᷊ute wuassu manga rosanu, wuṛṛu pa'ola'e ere inolaanni yamiu rorone. Amungkangu tawe, ne i Ya'u sarun rumanta ringanni yamiu wuṛṛu manawutta leddan sol᷊onu udde wuassu tampane.

GALATIA 6:4

Suapan taumata, ṛinone mamarikissa sassane apa pallal᷊agune mapia ara'e lal᷊eo. Amungkangu mapia, i tou wotongnge mamarabungan inolaanne udde. Arawe arie i tou manumandingi tou ringannu apa apan a'olaannu taumata waine.

IBRANI 12:15

Paariagai arie ma'oman sara piaddu sangkatou apan sumabbanga wuassu alindongannu apapia naungngu Ruata, tadea'u tawe piaddu maola'a ere sasuanna apan pia pasangkade su pattangnganni yamiu ma'oman sara mandantan asasusa wuṛṛu mandal᷊eo anambon taumata ringannu pasangkade.

1 KORINTUS 11:31

Arawe amungkangngu i ite mamarikissa wadangngi ite rorone, i ite tawe iṛṛuumannu Ruata.

TITUS 1:16

I mangitou mabbisara manungku i mangitou maaillal᷊a Ruata, wutte'e inolaanni mangitou massinaaddu Ruata. I mangitou maarantinna, wuṛṛu i mangitou tawe tumuṛṛutta, ete i mangitou udde taumata apan tawe maaola'a manarane apan mapia.

GALATIA 2:20

Orassa indi wal᷊inewe i ya'u mabbiakka, arawe ete Kristus apan mabbiakka sulal᷊ummu wadangku. Wiakka apan iraṛṛingi'u orassa indi eteudde mabbiakka ipangngimanna Ana'u Ruata apan marangngu si ya'u wuṛṛu buatte nanantillu watangan-Ne ana waugu i ya'u.

YOHANES 14:23

Mawu Yesus sinumimbakka, “Taumata apan mandangngu si Ya'u, sarun tumuṛṛutta al᷊aṛṛa-U. Iamang-Ku sarun mandangngu si tou. Iamang-Ku wuṛṛu i Ya'u sarun rumanta ringanni tou wuṛṛu matana'a su sampunna ringanni tou.

DARALO 26:2

Saṛṛasirewe i ya'u, oh Mawu, wuṛṛu sal᷊u'ate'o i ya'u, parikisewe apulu'u wuṛṛu ṛingirangku.

ROMA 8:10

Arawe amungkangngu Kristus mabbiakka sulal᷊ummu ririnu, ne salaiwe wadangngu mate ana waugu rosa, arawe Ghaṛṛahon Duata sidutu mangngonggolu wiakka si yamiu, ana waugu paa'aukki yamiu ringannu Ruata mapiate.

DARALO 119:59

I ya'u buatte naṛṛingiddu pallal᷊aghu'u, wuṛṛu maddiandi sarun tumuṛṛutta parenta-Nu.

HAGAI 1:7

Taambe maatutukka lai i yamiu, anio olangnge udde mariaddi?

IBRANI 4:1

Aroddi pa'aire Mawu ta'e ipappa'atta, wuṛṛu i ite sarun iapaillol᷊o ere suete nipa'ire-Ne. Nariaddi, ṛinone i ite mandiaga tadea'u arie piaddu sangkatou wuassu wallatti yamiu apan tawe maatemma allom pangillol᷊oanna apan suete nipai're udde.

1 KORINTUS 9:24

Tuṛṛangnga lai masingkatta manungku sulal᷊ummu tandinganna anambon matatalumma tuttal᷊angnga, arawe tumba'u sangkatou manengkamma lal᷊antake. Ana waugu udde tal᷊angke aroddi apiane, ma'oman sara i'o maasengkamma lal᷊antake.

1 KORINTUS 3:16

Masingkatawe tuṛṛangnga manungku eteudde i yamiu Wal᷊en Duata? Wuṛṛu manungku Ghaṛṛahon Duata uatana'a sulal᷊ummi yamiu?

HAGAI 1:5

Annama'e, panutukka olangngu!

YOHANES 15:4

Paasidutua'e uaaukka ringang-Ku wuṛṛu i Ya'u lai mangke sidutu ringanni yamiu. Ranna sassane tawe mabua, tabene'e i tou sidutu uaammullu punene. Aroddi lai yamiu tumba'u wotongnge mabua, amungkangngu sidutu su sambau ringang-Ku.

DARALO 17:3

Amungkangu I'o manal᷊u'atta naungku wuṛṛu rumanta manaṛṛassida si ya'u sutempo ṛabbi, I'o sarun maasingkatta manungku naungku matul᷊idda; wisara'u nassul᷊ungngu ṛingirangku.

TITUS 2:2

Aṛṛa'ete manga timmadde esakka, tadea'u i mangitou maṛṛaddanna, pande wuṛṛu mabbiakka ere sangkatou taumata apan ṛinone addatanna. Ṛinone lai i mangitou uaaggasa al᷊aṛṛa'a apan su ṛinone wuassu Ruata, mandangngu ringannu ahewallu naungnga wuṛṛu matataṛṛangnga ringannu sabbare.

EFESUS 3:17

Doronganna ana waugu i yamiu mangngimanna si Kristus, Kristus matana'a sulal᷊ummu naungngu, wuṛṛu wiakku niwantanna wuṛṛu niparentannu darangngu.

YOHANES 17:26

I Ya'u suete napaal᷊iatta'u arannu Iamangnga si mangitou; wuṛṛu i Ya'u sidutu sarun ma'ola'a aroddi, tadea'u darangngun Iamangnga si Ya'u sidutu sulal᷊ummu naungngi mangitou, wuṛṛu i Ya'u mangke sambau ringanni mangitou.”

YOHANES 17:23

I Ya'u ringanni mangitou, wuṛṛu Iamangnga ringang-Ku; tadea'u i mangitou atonna-tonna sambau. Ne runia indi sarun maasingkatta manungku ete Iamangnga apan nandolo-U, wuṛṛu manungku Iamangnga mandangngu si mangitou ere lai Iamangnga mandangngu si Ya'u.

YAKOBUS 4:4

I yamiu udde taumata mal᷊awangnga! I yamiu masingkate manungku amungkangu i yamiu uahahawen dunia, ne i yamiu sarun maola'a seettu Ruata? Nariaddi isai-sai apan maola'a hawen dunia indi, i tou maola'a seettu Ruata.

KOLOSE 2:7

wuṛṛu maṛṛamutta su lal᷊ummi Tou. Ṛinone i yamiu mapararisikku wiakku ringanni Kristus maola'a rapappake. Ṛinone i yamiu lembon mangngimanna si Kristus, tuttuṛṛutta apa apan suete niaṛṛa'a si yamiu. Wuṛṛu ṛinone naungngi yamiu lulluassa ringannu wisara aadiangkamanna.

KOLOSE 1:27

Su al᷊aṛṛanang-Nge udde Ruata maapulu mapaal᷊iatta'a aroddi apiane wuṛṛu awantuge addapinge udde su anambon walahannu taumata. Addapinge eteudde: Kristus udde sulal᷊ummu wadangu, atappasanne i yamiu lai sarun maapendamma awawantugu Ruata.

KOLOSE 1:23

Arawe i yamiu ṛinone sidutu matuṛṛutta mangngimanna wuṛṛu matohassa uarisikka su pangangimannu. Imbaṛṛanga i yamiu mamallosu antimma apan suete nionggolla si yamiu su tempo i yamiu nanengkamma Watti'u Al᷊al᷊uassa wuassu Ruata. Watti'a udde suete niapaasingkata su anambon taumata su ahewallu runia. Wuṛṛu ana waugu udde lai ya'u, Paulus, naola'e darol᷊oṛṛan-Ne.

GALATIA 4:19

Manga al᷊aṛṛana'u arangnguanna! I ya'u orassa indi uatataṛṛanga lai ana waugu i yamiu. I ya'u uatataṛṛanga ere sangkatou inangnga apan uatataṛṛanga su tempo mangunsiwe. I ya'u sidutu sarun matataṛṛanga, amungkangu pallal᷊agun Kristus taambe nusippa su wadangu!

2 KORINTUS 6:16

Apa sul᷊ungnge Wal᷊e Mawu wuṛṛu wal᷊em paal᷊uanna? I ite indi Wal᷊en Mawu, eteudde Ruata apan wiakka. Ruata sassane nabbisara, “I Ya'u sarun matana'a su pattangnganni mangitou, wuṛṛu mabbiakka suadio'a ringanni mangitou. I Ya'u sarun maola'a Ruata mangitou wuṛṛu i mangitou sarun maola'a al᷊aṛṛana-U.

1 KORINTUS 6:19

I yamiu ṛinone masingkata manungku eteudde wadangngu atatanaannu Ghaṛṛahon Duata. Ghaṛṛaho udde uatana'a sulal᷊ummi yamiu. Wuṛṛu Ghaṛṛahon Duata sassane apan nangonggolu Ghaṛṛaho udde si yamiu. Wadangngu wal᷊inewe pussaanu. Udde pussa'an Duata.

1 KORINTUS 6:2

Apa i yamiu wagga manungku al᷊aṛṛana'u Ruata sarun mamarikissa runia indi? Nariaddi, amungkangngu atonna i yamiu mamarikissa runia indi, apa i yamiu tawe maapanginsue manga hatton mallaṛṛuungnga apan tawe gunane?

YOHANES 6:56

Taumata apan umanna ṛeme-U wuṛṛu ma'inumma raṛṛa-U sidutu su sambau ringang-Ku wuṛṛu i Ya'u ringanni tou.

YOHANES 6:6

Mawu Yesus masingkatte apa apan sarun olaan-Ne, arawe i Tou nabbisara aroddi ana waugu i Tou ma'apulu maannamma si Filipus.)

1 PETRUS 5:9

Roopete i tou ringannu pangangimanna apan matohassa, ana waugu i yamiu masingkata manungku manga tuṛṛangnga sansul᷊ungnga Saṛṛani apan waine su ahewallu runia uatataṛṛanga lai ere i yamiu.

IBRANI 6:8

Arawe amungkangu leta'a udde tatuwoannu manga akke wuṛṛu sasuanna ṛoaanna, ne leta'a udde tawe gunane wuṛṛu sarun bontohannu Ruata wuṛṛu panginsueanne tutunganna ma'oman sara masue.

YEHEZKIEL 18:28

I tou buatte naatutukka al᷊awo'u inolaanne ana see nangillol᷊ote ma'ola'a rosa. Ringannu aroddi i tou sarun tawe mate, ewe'e sidutu wiakka.

1 KORINTUS 6:15

Manga tuṛṛangnga masingkata manungku wadangngu eteudde wageangngu wadangngi Kristus. Nariaddi wotongngewe i ya'u manganu sambau wageangngu wadangngi Kristus, see olaanna wageangngu wadangngu sangkatou wawine masandaga? Mangke tawe wotongnge!

ROMA 1:28

Ana waugu taumata maddirite lai ma'illal᷊a Ruata, ne Ruata namalaten ṛingiddi mangitou malal᷊eo, na'oman sara i mangitou ma'ola'a manga inolaanna apan ṛinone tawe wotongnge olaanna.

TITUS 1:13

Apa apan suete niwisara nabi udde mangke atonna. Ana waugu udde ṛinone i'o managu si mangitou ringannu maṛṛagissa; tadea'u i mangitou siddutu uaagassa al᷊aṛṛa'a su ṛinone,

2 TIMOTIUS 3:8

Su ereapa Yanes wuṛṛu Yambres nilumawangnga si Musa rorone, aroddi lai manga taumata udde nilumawangnga al᷊aṛṛa'a wuassu Ruata. Ṛingidi mangitou nahohakke, wuṛṛu pangangimanni mangitou nisiladde.

1 TIMOTIUS 2:15

Salaiwe aroddi, wawine sarun masal᷊amatta ringannu mangunsiwen ana'a, sambal᷊iate i tou ringannu masaṛṛionto'a sidutu mangngimanna si Kristus wuṛṛu sidutu marangngu taumata waine wuṛṛu mabbiakka hunane su Ruata sassane.

KOLOSE 2:19

na'oman sara tate mangngimanna si Kristus apan naola'a tembonanne. Su al᷊ungngu piaṛṛa'i Kristus, ahewallu wadanga papadul᷊iananna wuṛṛu niammulla manga latto'anne, see tinumuwo tumuṛṛuttu apulun Duata.

YEREMIA 6:30

I mangitou sarun isaggo sal᷊a'a niramme, ana waugu i Ya'u, Mawu, buatte nandamme mangitou.”