2 KORINTUS 12:7 - WUKE SUSI WATTI'U AL᷊AL᷊USASSA

⁷ Arawe tadea'u i ya'u tawe tumaniten mamarabunga ana waugu aellega apan wahewalla udde, i ya'u nionggol᷊annu lihiddu radda'a su wadangku apan maola'a ahiddu Setanna. Radda'a udde nionggola ipamuulla si ya'u, tadea'u i ya'u tawe mamarabunga.

2 KORINTUS 12:7 Referans Kwoze

REENGANNA 33:55

Arawe amungkangngu tumana'u wanua udde tawe limbuaṛṛanni yamiu, manga taumata apan sidutu uatana'a isudde sarun mapaasusanu ere anne su matanu wuṛṛu ere larangnga su leddanu. Ne ete i mangitou udde mamangalo si yamiu.

MAL᷊AṚṚUUNGNGA 2:3

Nariaddi, orassa indi paddaringikka! I Ya'u sarun tawe mallimbuakka manga taumatam banua indi napawe i yamiu mapapangalon mangitou. I mangitou sarun maola'a manga seennu, wuṛṛu i yamiu sarun awono'anna ma'oman sara i yamiu lai massubbate manga monganni mangitou.”

GALATIA 4:13

Asinungka i yamiu ta'e maanaungnga apa apan naa'ola'a si ya'u paarorone namasingkatu Watti'u Al᷊al᷊uassa udde si yamiu. Panattaṛṛanne ana waugu i ya'u nirumadda'a.

DANIEL 5:20

Arawe sutempo i tou nabbal᷊i mawunga, tawe maddaringikka wuṛṛu maṛṛagissa, i tou niema'a wuassu adderan araratuanne na'oman sara i tou niawul᷊iannu awawantuge.

1 KORINTUS 5:5

i yamiu ṛinone manantillu taumata udde su Setanna, tadea'u wadangngu taumata udde mawinasa wuṛṛu ringannu aroddi ghaṛṛahone iapaasal᷊amatta su tempo Mawu rumanta apia.

PANDARIADDI 32:31

Su tempo matannallo sumabangke, i Yakub nanantangken Pniel, wuṛṛu i tou u'ento ana waugu passondorannu tapanangnge naggal᷊isa.

AYUB 2:7

Ne i Mamamono'a inaite wuassu saruannu Mawu, wuṛṛu napatuwon hanne su ahewallu awa'i Ayub wuassu pal᷊addu ledda maddatingngu tatuwonanne.

1 TIMOTIUS 3:6

Sangkatou mallal᷊u'ada jamaatta tawe wotongnge taumata wakkute sinumutta Saṛṛani, ana waugu takka i tou mabbal᷊i mawunga see awontohanna ere Setanna dorone.

2 TAWARIKH 26:16

Napawe i Ratu Uzia matohasse, i tou nabbal᷊i mawunga, wuṛṛu udde panattaṛṛannu nanawon araratuanne. I tou nilumawangnga parentan Mawu Ruatane ana waugu sinumutta su Wal᷊en Mawu manambunnu amania su wowon mezbah amania.

TAHIUL᷊E 8:14

paarigaite paapia-pia tadea'u i yamiu tawe mabbal᷊i mawunga wuṛṛu maabul᷊in Mawu Ruatanu apan namallossi yamiu wuassu Mesir, su tampa i yamiu mattaṛṛuallanga.

PANDARIADDI 32:25

Napawe taumata udde naapendamma manungku i tou tawe maauntungnga sulal᷊ummu pallaṛṛawa'a udde, i tou namuulla si Yakub su tapannangnge, na'oman sara pasasondoṛṛannu tapanangnge naggal᷊isa.

2 KORINTUS 11:20

I yamiu mangke mammalan taumata mapataṛṛuallangngi yamiu, ara'e mangngapande manaranu wuṛṛu mangnganu auntunganna wuassi yamiu, ara'e mammendama ririne mattanggaṛṛanna wuassi yamiu wuṛṛu waṛṛani mamero si yamiu.

1 KORINTUS 4:11

Na'oman sara orassa indi yami uatataṛṛanga lunussa, wuṛṛu ararou; laubbi yami ete indi ual᷊uṛṛe; taumata mangke mannansara si yami; yami tawe tampa atanaanna,

YEHEZKIEL 28:24

Mawu nabbisara, “Manga wanua al᷊indonganne apan buatte nallobbossa Israel, tate maola'a sambau roa'a wuṛṛu larangnga apan maataddu'a Israel. I mangitou sarun maatutukka manungku ete i Ya'u Mawu Apan Atanggaṛṛanne.”

2 TAWARIKH 32:31

Wuṛṛu sutempo manga daroloṛṛanna wuassu Babel nirumanta naiwal᷊o si tou su ola'u apapiane apan maatiangnga, Mawu namalan Hizkia mangatokka sassane, tadea'u wotongnge manaṛṛassidda naungnge.

TAHIUL᷊E 17:20

Amungkangngu i tou mabbasa ringannu maṛṛimadda, i tou tawe ma'ellega ete i tou apianne wuassu manga taumata walahanna sambau, wuṛṛu tawe lumawangnga parentan Mawu ringannu al᷊awo'u inolaanna. Ana see i tou wuṛṛu papapulunne sarun mamarenta walahanna udde ma'oman sara pallal᷊awanne.”

2 KORINTUS 10:5

wuṛṛu manggohakku tanda'u atatanggakka apan niola'a ipanompolla asingkattu Ruata. I yami nanametta ṛingiṛṛannu manga taumata wuṛṛu na'ola'a si mangitou massuṛṛubawa si Kristus.

LUKAS 13:16

Ne, orassa indi pia sangkatou wawine papapulunni Abraham, apan mapul᷊ote ual᷊u su tonnane al᷊annune aiitannu Setanna. Apa i tou tawe iapaapallossa wuassu aiitta udde su allon Sabatta?”

MATIUS 26:67

See i mangitou nangaddu hati Mawu Yesus, wuṛṛu namuulla si Tou. Piaddu lai namero si Tou,

AYUB 2:6

Ne Mawu nabbisarate si Mamamono'a, “Aroddite, walate i'o ma'inolaanna si tou, sawal᷊iate arie pappate i tou.”

HOSEA 2:6

Ana waugu udde, i Ya'u sarun maṛṛimputta si tou ringannu aputta ṛoaanna, wuṛṛu maṛṛapingnga lal᷊anne ringannu tanda'a meselle.

MATIUS 4:10

Mawu Yesus sinumimbakka, “Passal᷊iu i'o mamamono'a! Sulal᷊ummu Wuke Susi, uawoṛṛetta: Passubbate Mawu Ruatanu, wuṛṛu pangimbete si Tou sassane!”

2 KORINTUS 10:10

Taumata mabbisara, “Manga suratti Paulus udde maṛṛagissa wuṛṛu maṛṛaubba, arawe amungkangngu i tou sassane udde su pattangnganni ite, naungnge masaṛṛionto'a wuṛṛu manga wisarane tawe atappasanne saran kadio'a!”

2 KORINTUS 12:1

Atonna tawe auntunganne amungkangngu mamarabunga. Arawe i ya'u lai maapulu mamarabunga manga inolaanna apan niapaasilon Duata si ya'u sulal᷊ummu sondapa ara'e sulal᷊ummu aellega.