2 KORINTUS 12:14 - WUKE SUSI WATTI'U AL᷊AL᷊USASSA

¹⁴ Orassa indi paatallute i ya'u nasaddiate inai mattembo si yamiu. Wuṛṛu i ya'u maddiri mapaasusan kamiu, ana waugu apulu'u wal᷊inewe apa apan tatahuananni yamiu, ewe'e ririnu. Ana waugu wal᷊ine al᷊aṛṛana'a apan maddea'a wiakka iapaanna su hagurangnge, ewe'e ete hagurangnga udde mappadul᷊i al᷊aṛṛanangnge.

2 KORINTUS 12:14 Referans Kwoze

AMSAL 19:14

Wal᷊en wuṛṛu darotongnga wotongnge asombanganna wuassu hagurangnga, arawe awingnga apa pande udde aonggollu Mawu.

1 KORINTUS 10:33

Pabbiakke ere i ya'u. I ya'u maddea'a mapaal᷊uassu naungngu anambon taumata wuassu al᷊awo'u inolaanna, ringannu tawe pandumanne mapaal᷊uassu riri'u sassane. Tudda'u eteudde tumba'u tadea'u i mangitou sarangkanambone wotongnge masal᷊amatta.

1 KORINTUS 10:24

Arie pia sangkatou taumata maddea'a asasuungngu ririne sassane. Suapan taumata sarun maddea'a hausannu taumata waine.

AMSAL 13:22

Taumata mapia mannantangngu pussa'ane su ana'a pulunne; paa'alan taumata marosa sahipunanna maola'a tatahuannu taumata apan matul᷊idda wiakke.

YEHEZKIEL 34:2

“Ei taumata apan mattate, tagguete manga ratun Israel, wuṛṛu wal᷊oa'e apa apan i Ya'u, Mawu Apan Atanggaṛṛanne mabbisara si mangitou, ‘Nasilakate i yamiu, ei manga mallal᷊u'addu Israel. I yamiu tumba'u maṛṛingiddu hausannu watangannu sassane, wal᷊ine hausannu manga dombanu.

2 KORINTUS 1:15

Ana waugu ete pangangimanna udde i ya'u paarorone maapulu mattembo si yamiu tadea'u i yamiu maasomba al᷊amatta paarua anambone.

1 TESALONIKA 2:11

I yamiu masingkata manungku i yami ma'ola'a si yamiu sambau-sambau ere sangkatou iamangnga mammadul᷊i al᷊aṛṛanangnge.

WATTI'U MANGA RASUL 20:33

Taambe saran paassa i ya'u ninumemman roitta ara'e laubbu taumata waine.

1 TESALONIKA 2:8

Ana waugu darangngung kami, yami uasaddia mangonggolla si yamiu wal᷊ine tumba'u Watti'u Al᷊al᷊uassa wuassu Ruata udde arawe wiakki yami lai. Ana waugu i yami tumaniten marangngu si yamiu!

FILIPI 4:17

Udde wal᷊ine i ya'u tumba'u maapulu manengkamma aonggola. Apa apan ipaapulu'u eteudde, tadea'u i ya'u wotongnge maasilo manga pabbawuan manaranu apan maatamba auntungannu.

FILIPI 4:1

Ana waugu udde, manga tuṛṛangku apan arangnguanna, aroddite ṛinone i yamiu mabbiakka ringannu atonna-tonna mangngimanna Mawu. Naungku maapulu maisasomban kamiu! Ete i yamiu ipaapulu'u apan maal᷊uassa naungku.

1 KORINTUS 16:5

I ya'u sarun mattembo si yamiu napawe i ya'u sumabbi Makedonia, ana waugu i ya'u maapulu sumabbi isudde.

1 KORINTUS 11:34

Amungkangngu piaddu mal᷊unussa, i tou ṛinone umanna asuene su wal᷊e. Amungkangngu i yamiu maddaringikka al᷊aṛṛa'a indi, ammul᷊annu pamamisanu tawe mapaarantan ṛuumanna wuassu Ruata su wadangngi yamiu sassane. Su ola'u manga hatto apan waine, sarun ital᷊aa'u si yamiu, amungkangngu i ya'u rumanta isindi.

1 KORINTUS 4:19

Arawe amungkangngu Mawu mamala'u, tate mal᷊annu lai ya'u rumanta ringanni yamiu. Su tempo udde lai ya'u sarun maasilo apa apan a'olaannu taumata mawunga udde; wal᷊ine tumba'u wisara mangitou sassane.

AMSAL 11:30

Taumata apan susi sarun maatokka wiakke; taumata apan pande aatambanna mallal᷊aṛṛenggene.

1 KORINTUS 9:12

Amungkangngu manga taumata wotongnge mangantimma indi wuassi yamiu, wal᷊inewe yami lai lembon pia taṛṛino wuassi mangitou? Arawe i ya'u taambe nappaattu taṛṛino udde. Arawe i ya'u lembo maapulu maningkul᷊u sarangkanambone udde, wuassu i ya'u mapaal᷊aputu manga inolaanna apan mannal᷊are manara mamasingkatu Watti'u Al᷊al᷊uassa su ola'i Kristus.

1 KORINTUS 9:18

Amungkangngu aroddi, apa bawaekke si ya'u? Indi bawaekke: manungku i ya'u wotongnge mamasingkatu Watti'u Al᷊al᷊uassa udde ringannu tawe mamakkata saran sangkatou iapasumbala si ya'u, ana waugu i ya'u maddiri madorongnga bawaekke su ola'u i ya'u mabbatti'u Watti'u Al᷊al᷊uassa udde.

1 KORINTUS 9:19

I ya'u indi wal᷊inewe allangngi sai-sai; i ya'u uapallosa. Salaiwe aroddi, ya'u suete na'ola'a watangangku indi maola'a allangngu anambon taumata. I ya'u na'ola'a udde tadea'u i ya'u wotongnge mapaasal᷊amattu anambon taumata sulal᷊ummi Kristus.

2 KORINTUS 11:9

Amungkangngu su tempo udde i ya'u sulal᷊ummu paa'asiangnga, i ya'u tawe mapaasusa saran sangkatou wuassu wallatti yamiu. Anambon apa apan pappandumangku suete nissaddian manga tuṛṛangnga apan nirumanta wuassu Makedonia. I ya'u uariaga mapia-pia tadea'u i ya'u tawe mapaasusan kamiu su al᷊awo'u inolaanna, wuṛṛu i ya'u sidutu uariaga tadea'u olangnge udde tawe mawal᷊u.

2 KORINTUS 12:13

Sulal᷊ummu inolaanna apa i yamiu tawe pandumanna, amungkangngu isumandinga ringannu manga jamaatta waine? Asinungka tumba'u su ola'u inolaanna indi: manungku i ya'u tawe mapaasusan kamiu ana waugu massumbala si ya'u. Ampunge i ya'u su pasasal᷊a'u udde!

GALATIA 4:19

Manga al᷊aṛṛana'u arangnguanna! I ya'u orassa indi uatataṛṛanga lai ana waugu i yamiu. I ya'u uatataṛṛanga ere sangkatou inangnga apan uatataṛṛanga su tempo mangunsiwe. I ya'u sidutu sarun matataṛṛanga, amungkangu pallal᷊agun Kristus taambe nusippa su wadangu!