2 KORINTUS 12:11 - WUKE SUSI WATTI'U AL᷊AL᷊USASSA

¹¹ Atonna i ya'u buatte nattanno ere taumata woddo – arawe ete i yamiu na'ola'a si ya'u aroddi. Ṛinone ete i yamiu maddalo si ya'u. Ana waugu salaiwe i ya'u tawe aregane saran kadio'a, i ya'u mangke ere “manga rasul” apan wahewalla udde!

2 KORINTUS 12:11 Referans Kwoze

2 KORINTUS 11:5

I ya'u tawe maapendama saran kadio'a manungku i ya'u mabbawoanna wuassu “manga rasul” apan pande udde!

2 KORINTUS 11:1

Wala'e i ya'u mattingka woddo addio'a. Wotongnge are?

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

2 KORINTUS 12:12

Manga al᷊aṛṛindu'a wuṛṛu manga inolaanna apan tumaniten wahewalla wuṛṛu manga manara apan wahewalla buatte niapaasilo ringannu sabare si yamiu, ipattiala manungku i ya'u sangkatou rasul.

2 KORINTUS 12:6

Unnu wisara i ya'u lai maapulu mamarabungan sambau inolaanna, i ya'u maddiri mattal᷊imoṛṛonganna apan awusu; i ya'u sarun mabbisara ringannu atonna. Arawe i ya'u maṛṛadannu riri'u, tadea'u tawe taumata massunna i ya'u nangillembo wuassu apa buatte niasiloanni tou su inolaangku ara'e apa apan suete niaringiṛṛanni tou su wisara'u.

2 KORINTUS 1:6

Amungkangngu i yami uasaruanna asasusa, udde pandumanne ipannohassa naungngu, tadea'u i yamiu masal᷊amatta. Amungkangngu naungngi yami tohasanna, ne i yamiu lai tattohasanna ma'oman sara i yamiu maola'a masabbare sulal᷊ummu manga asasusa ere lai niapendamanni yami.

1 KORINTUS 3:22

Paulus, Apolos, Petrus, runia indi, mabbiakka wuṛṛu mate, tempo indi ara'e tempo apan sarun rumanta, sarangkanambone udde tatahuanannu.

LUKAS 17:10

Aroddi lai yamiu. Amungkangngu i yamiu suete tinumuṛṛutta anambon manara nirolokka si'o, wal᷊oa'e, ‘I yami tumba'u mangangimbe wiasa; i yami tumba'u ma'ola'a manarang kami.’ ”

AMSAL 27:2

Imbaṛṛangnga maddalo watangannu sassane; tanasa'e taumata waine apan ma'ola'a olangnge udde, ewe'e lai iapa awaganannu.

1 KORINTUS 13:2

Salaiwe i ya'u pande mabbatti'u watti'a wuassu Ruata, wuṛṛu maassunna anambon hatto apan malal᷊al᷊umma, wuṛṛu masingkatu manga al᷊awo'a wuṛṛu lembon mangngimanna Ruata na'oman sara wotongnge maaingkatu wowone, arawe i ya'u tawe mandangngu taumata waine, ne i ya'u tawe aregane saran kadio'a!

2 KORINTUS 3:1

Apa indi aasiloanna ere ola'u i yami maddalo watanganni yami lai? Ara'e wotongnge mariaddi yami mappandumma surattu daralo si yamiu, ara'e wuassi yamiu, ere lai raddeaannu taumata waine?

2 KORINTUS 5:13

Amungkangngu i yami atonna aasiloanna nabbewate, udde ana waugu manara Ruata. Wuṛṛu amungkangngu i yami aasiloanna ṛingiṛṛanna masemakka udde ana waugu hunane si yamiu.

GALATIA 6:3

Amungkangu sangkatou massunna watanganne mappianna, wutte'e tawe, taumata udde nangawusu watanganne sassane.