2 KORINTUS 12:10 - WUKE SUSI WATTI'U AL᷊AL᷊USASSA

¹⁰ Nariaddi ya'u lulluassa ringannu al᷊allome'u. I ya'u lai lulluassa amungkangngu ana waugu Kristus i ya'u nial᷊uandahanna, i ya'u naasomba asasusa, a'enggenanna, wuṛṛu i ya'u naapendama sahadda. Ana waugu amungkangngu i ya'u lome, su tempo udde i ya'u naola'a matohassa.

2 KORINTUS 12:10 Referans Kwoze

2 KORINTUS 12:9

Arawe Mawu sinumimbakka, “I Ya'u mandangngu si'o wuṛṛu ete indi wuannu; ana waugu taṛṛino-U ahewal᷊anne amungkangngu i'o sulal᷊ummu al᷊allome.” Ana waugu udde naungku mal᷊uassa mamarabungan al᷊allome'u, ana waugu amungkangngu i ya'u lome, ne su tempo udde i ya'u maapendama manungku Kristus uariagga si ya'u ringannu atatohan-Ne.

EFESUS 6:10

Pangudusanne, ṛinone i yamiu maola'a matohassa ringannu atatohassa apan niasombanganni yamiu wuassu Mawu, ana waugu i yamiu uaaukka ringanni Tou.

ROMA 5:3

Wuṛṛu nangillembo wua isudde, i ite lai lulluassa sulal᷊ummu asasusa, ana waugu i ite masingkata manungku asasusa ma'aola'a taumata maṛṛimadda,

2 KORINTUS 13:4

Atonna su tempo i Tou niarussa, i Tou lome, arawe orassa indi i Tou mabbiakka ringannu taṛṛino Ruata. I yami lai lome sulal᷊ummu wiakki yami apan uaaukka ringanni Kristus, arawe napawe sumaruanna si yamiu, i yami lai matohassa su sambau ringanni Kristus ana waugu taṛṛinon Duata.

YAKOBUS 1:2

Manga tuṛṛangnga! Amungkangu yamiu sumaruanna al᷊awo'u hatin bawono'a, ṛinone itarimatti yamiu ere auntunganna.

2 KORINTUS 6:4

Arawe sulal᷊ummu al᷊awo'u inolaanna i yami mapaal᷊iatta'a manungku ete i yami allangngu Ruata. Ana waugu al᷊awo'u hatin asasusa buatte niapendamanni yami ringannu sabare;

WATTI'U MANGA RASUL 5:41

Manga rasul udde nanantangngu Mallaṛṛuungngu Agama ringannu lulluassa ana waugu Ruata suete na'ola'a si mangitou naasomba aal᷊uandaga ana waugu Mawu Yesus.

2 KORINTUS 13:9

I yami lulluassa amungkangngu i yami lome wuṛṛu i yamiu matohassa. I yami u'al᷊iomanna lai tadea'u i yamiu maola'a masuungnga.

2 KORINTUS 1:4

I Tou mannohassa naungngi yami sulal᷊ummu asasusa apan aapendamanni ami, tadea'u ringannu atatohassa apan nisengkammi yami wuassu Ruata udde, i yami lai wotongnge manohassa naungngu taumata nambo sulal᷊ummu asasusa.

LUKAS 6:22

Lal᷊umanna'a i yamiu amungkangngu ia'arantinna, ia'adiri, a'adio'anna wuṛṛu hagal᷊usaanna ana waugu Ana'u Taumata!

2 KORINTUS 5:15

Kristus nate ana waugu anambon taumata, tadea'u manga taumata apan wiakka, tate lai mabbiakka hunan wadangnge sassane, arawe mabbiakka hunan Kristus apan buatte nate wuṛṛu niapaawiakka apia ana waugu hunane si mangitou.

2 KORINTUS 4:17

Wuṛṛu asasusa apan tawe tumaniten mawakkata indi, apan tumba'u papendamanni yami tal᷊an kadio'a, sarun mangonggolu hessine si yami sambau al᷊al᷊uassa apan wahewalla wuṛṛu tawe pangudusanne. Al᷊al᷊uassa udde maggewal᷊anna marau amungkangngu isul᷊ungngu asasusa udde sassane.

YOHANES 15:21

Sarangkanambone udde sarun olaanni mangitou si yamiu, ana waugu i yamiu mallal᷊aṛṛenggeng-Ku, ana waugu i mangitou tawe maaillal᷊a si Tou apan nandolo-U.

1 KORINTUS 4:10

Ana waugu Kristus, ete i yami indi taumata woddo, wuṛṛu i yamiu taumatan Saṛṛani apan pande! I yami lome, i yamiu matohassa, i yami aal᷊uandahanna, wuṛṛu i yamiu raddaloanna!

SONDAPPA 2:3

I yamiu masabare wuṛṛu i yamiu uatataṛṛanga ana waugu i Ya'u, wuṛṛu naungngi yamiu tawe maadio'a.

2 KORINTUS 10:18

Ana waugu taumata apan raddaloanna eteudde taumata apan raddaloannu Mawu, wal᷊ine taumata maddalo watanganne sassane.

2 TESALONIKA 1:4

Ana waugu udde anio i yamiu uahahatto su ola'i yamiu suapan i yami mattembo manga jamaattu Ruata. Ringannu mal᷊uassa i yami mabatti'a ereapa i yamiu siddutu mangngimanna si Kristus sulal᷊ummu pananansara wuṛṛu asasusa apan niapendamanni yamiu.

FILIPI 1:29

Ana waugu Ruata suete nangonggolu al᷊amatta si yamiu, wal᷊ine tumba'u ipangimanna si Kristus, arawe lai matataṛṛangnga asasusa ana waugu Kristus.

KOLOSE 1:24

Orassa indi ya'u mal᷊uassa matataṛṛanga hunan kamiu. Ana waugu ringannu asasusan wadangku, i ya'u manuungngu apa apan ta'e ṛinone niapendamanni Kristus su jamaan-Ne, eteudde wadang-Nge.

2 KORINTUS 7:4

I ya'u mangngimanna atonna si yamiu. Wuṛṛu lai ya'u mal᷊uassa atonna si yamiu! Salaiwe i yami naasomba manambo asasusa, naungku nal᷊uassa ana waugu i yamiu. Naungku lembon lulluassa!

2 KORINTUS 4:5

Watti'a apan iwabbatti'i yami udde wal᷊inewe watti'a su ola'i ami sassane. Watti'a uddewe watti'a su ola'i Kristus; manungku eteudde i Tou Mawu; wuṛṛu ete i yami manga allang-Nge ana waugu i Tou.

2 KORINTUS 5:20

Nariaddi ete i yami udde daroloṛṛanni Kristus. Sulal᷊ummi yami Ruata nabbal᷊on tanata-Ne. Sulal᷊ummu aranni Kristus i yami sumal᷊ande, sengkamawe liman Duata apan namalan kamiu uaaukka apia ringanni Tou.

2 TIMOTIUS 3:11

I'o naasilote si ya'u sassansaranna wuṛṛu i ya'u uatataṛṛanga. I'o masingkatu anambon apan nariaddi si ya'u su Antiokhia, su Ikonium, wuṛṛu su Listra; wuṛṛu i'o masingkata lai anambon asasusa'u! Arawe Mawu nanal᷊amatta si ya'u wuassu sarangkanambone udde.