2 KORINTUS 11:6 - WUKE SUSI WATTI'U AL᷊AL᷊USASSA

⁶ Asinungka i ya'u tawe tumani masingkata mabbisara, arawe su ola'u asingkata, i ya'u wal᷊ine taumata woddo. Udde buatte niapaal᷊iatta'a si yamiu su al᷊awo'u inolaanna.

2 KORINTUS 11:6 Referans Kwoze

EFESUS 3:4

wuṛṛu amungkangu i yamiu mabbasa, i yamiu sarun maasunna addapingi Kristus ere lai ya'u maasunna.)

2 KORINTUS 4:2

I yami tawe mappaattu inolaanna marandumma apan maasili. Yami maddiri mammanara ringannu mangngapande ara'e mammal᷊elongngu wisaran Duata. I yami mangngimbe Ruata ringannu naungnga apan matul᷊ida tumuṛṛuttu apulu-Ne. Ana waugu udde, i yami mangngantimma anambon taumata ma'ellega si yami ringannu mapia sulal᷊ummu naungnge.

1 KORINTUS 1:17

Kristus nandolo'u wal᷊ine iapasaṛṛani taumata, ewe'e iapapasingkatu Watti'u Al᷊al᷊uassa wuassu Ruata; wuṛṛu udde lai sarun ta'u olaanna ringannu tawe mappaattu apande mabbisara ere ola'u taumata, tadea'u taṛṛino wuassu papateng Kristus su alu arussa maola'a pia gunane.

1 KORINTUS 1:21

Ana waugu salaiwe ereapa apanden taumata, i tou tawe maaillal᷊a Ruata wuassu apandene sassane. Arawe ana waugu Ruata lembon pande, i Tou wotongnge manal᷊amatta manga taumata apan mangngimanna si Tou wuassu Watti'a apan buatte niapaasingkati yami apan sassunannu runia indi awusu.

2 KORINTUS 12:12

Manga al᷊aṛṛindu'a wuṛṛu manga inolaanna apan tumaniten wahewalla wuṛṛu manga manara apan wahewalla buatte niapaasilo ringannu sabare si yamiu, ipattiala manungku i ya'u sangkatou rasul.

2 KORINTUS 10:10

Taumata mabbisara, “Manga suratti Paulus udde maṛṛagissa wuṛṛu maṛṛaubba, arawe amungkangngu i tou sassane udde su pattangnganni ite, naungnge masaṛṛionto'a wuṛṛu manga wisarane tawe atappasanne saran kadio'a!”

2 KORINTUS 5:11

I yami masingkata apa atappasanne mata'uttu Mawu; ana waugu i yami maapulu mangaṛṛa'a taumata see mangngimanna ola'u wadangngi ami. Ruata maaillal᷊a si yami, wuṛṛu i ya'u mangantimma i yamiu lai maaillal᷊a si yami sulal᷊ummu naungngu.

1 KORINTUS 2:13

Ana waugu udde amungkangngu i yami mannal᷊a'a manga inolaannu Ruata su manga taumata apan pia Ghaṛṛahon Duata, i yami maddiri mamasingkata tumuṛṛuttu apapanden taumata, ewe'e tumuṛṛuttu al᷊aṛṛa'u Ghaṛṛahon Duata.

2 KORINTUS 7:2

Sal᷊ohoite i yami sulal᷊ummu naungngu. I yami tawe nassal᷊a su sangkatou taumata, tawe taumata apan niwodoanni yami. I yami tawe saran paassa mangngal᷊iwun darotongngu sangkatou taumata lai.

1 KORINTUS 12:8

Su sangkatou taumata, Ghaṛṛaho udde mangngonggolu apande ipabbisara ringannu saṛṛaungnga. Su taumata waine Ghaṛṛaho apan uasul᷊ungnga udde mangngonggolu apande ipanal᷊a'a su ola'u Ruata.

2 KORINTUS 6:6

Ringannu pia inolaanna mapia, pande, masabbare, wuṛṛu naungnga mapia, i yami mapaal᷊iatta'a manungku i yami udde allangngu Ruata. Wuṛṛu lai ringannu uaantimma tatul᷊ungnga wuassu Ghaṛṛahon Duata, wuṛṛu ringannu darangngu apan su ṛinone,