2 KORINTUS 11:26 - WUKE SUSI WATTI'U AL᷊AL᷊USASSA

²⁶ Masokka i ya'u ma'ola'a amamatta apan pia silakane: silakannu manawangnga, silaka mangangaṛṛo, silaka wuassu taumatan Yahudi ara'e lai wuassu taumata wal᷊ine Yahudi, silaka sulal᷊ummu soa, silaka su liuddu soa, silaka su tahal᷊oangnga, wuṛṛu silaka wuassu manga tuṛṛangnga apan mangnga'u ririne Saṛṛani wutte'e wal᷊ine.

2 KORINTUS 11:26 Referans Kwoze

WATTI'U MANGA RASUL 14:5

See manga taumatan Yahudi wuṛṛu manga piaṛṛangnge su sampunna ringannu manga taumata wal᷊ine Yahudi na'ire manansara wuṛṛu manuntungngu watu su manga rasul udde.

WATTI'U MANGA RASUL 25:3

tadea'u wuassu apapia naungnge si mangitou, i tou mandolokku taumata mangapiddi Paulus watukku Yerusalem; ana waugu i mangitou suete na'ire mamate si tou su tangngan dal᷊anna.

WATTI'U MANGA RASUL 20:19

Ringannu awawawon dal᷊ummu naungnga wuṛṛu ringannu allo mata, i ya'u mammanara manara Mawu su pattangngannu asasusa apan niapendamangku ana waugu pandumma lal᷊eo wuassu taumatan Yahudi.

WATTI'U MANGA RASUL 17:5

Arawe manga taumatan Yahudi mannihikka arae madengki. I mangitou namago manga taumata ul᷊allele su manga lal᷊anna wuṛṛu na'ola'a ammul᷊anna mangal᷊iba'ukka. See i mangitou nangal᷊iba'ukke su ahewallu soa udde wuṛṛu nattudam bal᷊en sangkatou apan mangngimanna aranne i Yason maddea'a si Paulus wuṛṛu si Silas, ana waugu i mangitou ma'apulu mangapiddi Paulus wuṛṛu i Silas sumabangnga iapasaruanna awada'alla.

WATTI'U MANGA RASUL 13:50

Arawe manga tembonannu soa udde wuṛṛu manga wawine wuassu wageangngu taumata papunna apan matta'uttu Ruata, niwal᷊oannu manga taumatan Yahudi. I mangitou na'ola'a pabbawawul᷊o su saruanni Paulus wuṛṛu Barnabas, wuṛṛu nallimbuakka sitarua wuassu leta'a udde.

GALATIA 2:4

salaiwe pia manga taumata mammata'u olangnge udde. I mangitou udde manga taumata apan sinumutta awagananna sulal᷊ummu ammul᷊anni ite wuṛṛu mattingkaola'a ere tuṛṛangnga. I mangitou sinumutta ringannu mal᷊anna-l᷊annaba mannaṛṛassida al᷊al᷊uassa apa niola'i ite ana waugu i ite uaaukke ringanni Kristus. I mangitou maapulu mapaawelengngi ite su olangnge paarorone ere sangkatou allangnga,

2 KORINTUS 11:32

Su tempo i ya'u uatana'a su Damsyik, gubernure apan uaparenta isudde su al᷊ungngu parentan Ratu Aretas, nandolokku tantara mandiaga ngaran soa udde see iapasametta si ya'u.

1 KORINTUS 15:32

Amungkangngu udde tumba'u wuassu taumata sassane, apa auntunganne si ya'u mammanara naal᷊ihida ere uasaruanna winatangnga waṛṛani su soa indi, su Efesus? Amungkangngu atonna taumata nate tate iapaawiakka apia, ei, mappianne i ite tumuṛṛutta sasanato'a indi: “Wette i ite umanna wuṛṛu ma'inumma wuṛṛu lumuassa, ana waugu tiṛṛabi lai i ite sarun mate.”

ROMA 15:19

wuṛṛu manga al᷊aṛṛindu'a wuṛṛu manga inolaanna apan wahewalla; sarangkanambone udde wuassu taṛṛinon Ghaṛṛahon Ruata. Watti'u Al᷊al᷊uassa su ola'u Mawu Yesus suete ta'u niapaasingkatta su anambon taumata, nanattaka wuassu Yerusalem na'oman sara watukku Ilirikum.

WATTI'U MANGA RASUL 23:10

Patatatiakka udde naola'a aroddi ahewalle na'oman sara piaṛṛangnge udde nata'utta, aṛṛengenne i Paulus ṛimpulananni mangitou. Nariaddi i tou nandolokku tantarane inai mangal᷊appa si Paulus wuassu pattangngannu manga taumata udde see niapidda su tampa mangitou.

WATTI'U MANGA RASUL 19:23

Iraṛṛangngo ete su tempo udde lai nariaddi patatatiakka apan wahewa su Efesus ana waugu su ola'u al᷊aṛṛa'u Mawu Yesus.

WATTI'U MANGA RASUL 19:1

Tantal᷊anna Apolos su Korintus, Paulus tantal᷊anna u'amatta su ul᷊un wanua udde, see na'omate su Efesus. Poiaroddi i tou nassomba manga pira taumata apan suete nangngimanna Mawu Yesus.

WATTI'U MANGA RASUL 18:12

Napawe i Galio naola'a gubernuren Akhaya, manga taumatan Yahudi na'ammulla mannal᷊are si Paulus wuṛṛu mangapiddi tou watukku mallaṛṛuungnga.

WATTI'U MANGA RASUL 15:40

I Paulus namile si Silas see inaite itarua napawe manga tuṛṛangnge su Antiokhia nanantilli tarua su al᷊amattu Mawu.

WATTI'U MANGA RASUL 14:19

Manga pira taumatan Yahudi apan nirumanta su Listra wuassu Antiokhia su Pisidia wuṛṛu Ikonium mammono'a awada'alla, na'oman sara taumata nambo udde nanamba'a si mangitou. I mangitou nanuntungngu watu si Paulus, wuṛṛu namol᷊engnga si tou watukku liuddu soa. I mangitou massunna naudde i tou natete,

WATTI'U MANGA RASUL 13:45

Napawe manga taumatan Yahudi naasilo taumata manambo udde, i mangitou mannihikka ara'e maddengki atonna. I mangitou mangngal᷊uandaga si Paulus wuṛṛu mannompola anambon bisarane.

WATTI'U MANGA RASUL 17:13

Napawe manga taumatan Yahudi su Tesalonika naaringikka manungku i Paulus mabatti'u wisara Mawu su Berea, i mangitou nirumanta lai su Berea wuṛṛu mammono'a see na'ola'a taumata isudde tawe matammuda.

WATTI'U MANGA RASUL 20:3

Tallu wul᷊anna al᷊annune i tou uatana'a poiaroddi. See napawe i tou uasasaddiate massenggote watukku Siria, pia batti'a manungku manga taumatan Yahudi tantal᷊anna ma'ire mamate si tou. Ana waugu udde i tou naṛṛawessa mabelengnga malliu Makedonia.

WATTI'U MANGA RASUL 27:42

Manga tantara su apalla udde pia pandumma mamate anambon taumatan ṛuumanna, ana waugu i mangitou matta'utta aṛṛengenne piaddu umalangnga watukku ammaranne see tumal᷊angnga.

ROMA 8:35

Apa pia taumata apan wotongnge maningaddi Kristus umakkanni ite? Wotongngewe asasusa maasingaddi Tou, ara'e asasahadda, ara'e pananansara, ara'e araṛṛutumma, ara'e paa'asiangnga, ara'e asasilaka, ara'e papate?

1 KORINTUS 15:30

Wuṛṛu apa lai hunane i yami sumaruanna silaka su al᷊awo'u tempo?