2 KORINTUS 11:25 - WUKE SUSI WATTI'U AL᷊AL᷊USASSA

²⁵ Paatallu i ya'u nipuullu manga taumatan Roma; i ya'u lai suete niwaretannu watu. Paatallu lai naapendama niṛṛammon kapalla su tahal᷊oangnga, wuṛṛu paassa i ya'u ual᷊allatto su tahal᷊oangnga al᷊annune massallo saṛṛabbi.

2 KORINTUS 11:25 Referans Kwoze

WATTI'U MANGA RASUL 14:19

Manga pira taumatan Yahudi apan nirumanta su Listra wuassu Antiokhia su Pisidia wuṛṛu Ikonium mammono'a awada'alla, na'oman sara taumata nambo udde nanamba'a si mangitou. I mangitou nanuntungngu watu si Paulus, wuṛṛu namol᷊engnga si tou watukku liuddu soa. I mangitou massunna naudde i tou natete,

IBRANI 11:37

I mangitou tinuntungannu watu na'oman sara nate, piaddu niponggo'u laṛṛahari, wuṛṛu piaddu nipaten hal᷊ele. I mangitou lullallele ringannu laubba wuassu pisin domba ara'e pising kambinga; i mangitou asiangnga, pappateanna wuṛṛu sassansaranna.

WATTI'U MANGA RASUL 16:37

Arawe i Paulus nabbisara su manga polisi udde, “I yami tumana'u Roma. Taambe niparikisanna i yami suete nipuulla su saruannu awada'alla wuṛṛu tinaṛṛo sulal᷊ummu tuttupanna. Wuṛṛu orassa indi i mangitou mandolokki yami mapul᷊e ringannu mal᷊anna-l᷊annaba? I yami maddiri! Dol᷊oṛṛa'a manga piaṛṛa'u pamarenta udde rumanta sassane isindi mamallosi yami.”

WATTI'U MANGA RASUL 16:33

Su ṛabbi mattangnga udde lai, tembonannu tuttupanna udde nangapiddi tarua see namaresi manga lessan tarua. Ne i tou wuṛṛu anambon lal᷊oṛṛon wal᷊ene lapiddu naisaṛṛani.

WATTI'U MANGA RASUL 14:5

See manga taumatan Yahudi wuṛṛu manga piaṛṛangnge su sampunna ringannu manga taumata wal᷊ine Yahudi na'ire manansara wuṛṛu manuntungngu watu su manga rasul udde.

MATIUS 21:35

Arawe manga mamamanaram bailla udde nanametta manga ralol᷊oṛṛannu tatahuannu leta'a udde. Sangkatou nipuulla, waine nipate wuṛṛu waine lai niwaretannu watu.

WATTI'U MANGA RASUL 22:24

Ne tembonannu tantaran Roma namarenta, tadea'u i Paulus iapidda su tampa mangitou, tadea'u i tou parikisanna isudde ringannu araṛṛagissa see asingkatanna anio manga taumatan Yahudi u'ui aroddi si tou.

MATIUS 20:19

wua'udde itantilla su manga taumata wal᷊ine Yahudi. I mangitou sarun mangal᷊uandaga si Tou, mannansara si Tou, wuṛṛu mangarussan Tou. Arawe su allo atallune, i Tou sarun iapawangunna apia.”

1 TIMOTIUS 1:19

Pammanarate ringannu pangangimanna apan atonna wuṛṛu ringannu lal᷊ummu naungnga apan waresi. Pia manga taumata apan tawe maddaringikka tingikku lal᷊ummu naungnge, na'oman sara naṛṛimunsa'e pangangimanni mangitou.