2 KORINTUS 11:15 - WUKE SUSI WATTI'U AL᷊AL᷊USASSA

¹⁵ Nariaddi tawe iaherangnga lai amungkangngu mammamanaran Setanna mattingkaola'a naal᷊ihida ere mangangimbe apan tuttuṛṛutta apulun Duata. Panginsueanne i mangitou lai sarun manengkamma wawal᷊inne apan uasul᷊ungngu inolaanni mangitou.

2 KORINTUS 11:15 Referans Kwoze

FILIPI 3:19

Wiakku manga taumata ereudde panginsueanne papate, ana waugu mawu mangitou eteudde apulun wadangngi mangitou sassane. Manga inolaanna apan maasili, eteudde ipammunga mangitou; ana waugu i mangitou tumba'u maṛṛingiddu manga inolaanna apan ipaapulun dunia indi.

SONDAPPA 9:11

I mangitou pia ratu apan uaparenta si mangitou, wuṛṛu ratu udde eteudde mala'ekatta apan uatahuanna rampisu papate. Aranne sulal᷊ummu wisaran Ibrani Abadon; wuṛṛu sulal᷊ummu wisaran Yunani Apolion (atappasanne “Manggahohakka”).

YUDAS 1:4

Ana waugu ringannu niawagananni ite, pia manga taumata waine apan sinumutta nail᷊al᷊o'a su pattangnganni ite. I mangitou manga taumata lal᷊eo, apan mammal᷊elongngu watti'a su ola'u darangngun Duatan kite, tadea'u i mangitou pia tempo mapaasabangngu apulun naungngi mangitou lal᷊eo. Wuṛṛu i mangitou mannol᷊a'u Mawu Yesus Kristus, eteudde sangkatou Tembonanne wuṛṛu Mawun kite. Roen al᷊amonane ṛuumanni mangitou suete niapaasingkata sulal᷊ummu Wuke Susi.

2 KORINTUS 3:9

Amungkangngu paaire apan maṛṛuumannu taumata udde aroddi awantuge, lembon mabbantuhanna lai paaire apan maaola'a taumata masasangkapia ringannu Ruata.

WATTI'U MANGA RASUL 13:10

wuṛṛu nabbisara, “Ei taṛṛa awusu, ana'u al᷊al᷊eo! I'o seettu al᷊awo'u apapia. Anio i'o tawe mangillol᷊o mandal᷊eo pandumannu Ruata, ipanal᷊amatta taumata?

SONDAPPA 13:14

Wuṛṛu anambon taumata apan mabbiakka su runia niawusuanne ringannu manga al᷊aṛṛindu'a apan botongnge olaanne su saruannu winatangnga apan paarorone udde. Wuṛṛu i mangitou sarangkanambone nirolokka mandarisikku sambau paal᷊uanna wuassu winatangnga apan suete nilessan hal᷊ele, arawe ta'e wiakka.

SONDAPPA 13:2

Winatangnga apan ta'u niasiloanna udde olangnge naal᷊ihidda ere macan tutul, wuṛṛu leddane naal᷊ihidda beruangnga, wuṛṛu sasumigge naal᷊ihidda sasumiggu singa. See winatangnga udde nionggol᷊annu naga atatohassi tou sassane, wuṛṛu adderan araratuanne, wuṛṛu taṛṛinone apan bahewalla.

2 PETRUS 2:3

Ana waugu i mangitou masaṛṛia'u, ne manga huru awusu udde sarun mabatti'a si yamiu manga watti'a iaaṛṛangnge sassane ana see maasomba auntunganna wuassi yamiu. Arawe pamamarikisanna apan maṛṛuumanni mangitou mal᷊annute nissaddia, wuṛṛu papate apan suete nitantuna si mangitou tantal᷊anna uaraṛṛaddo si mangitou.

EFESUS 6:12

Ana waugu i ite mammanara, wal᷊inewe lumawangnga atatohassu manga setanna apan uaparenta su tempo apan lel᷊eo indi. I ite lumawangnga atatohassu manga ghaṛṛaho lal᷊eo apan uaparenta winalanganna.

2 KORINTUS 11:23

I mangitou lai daroloṛṛanni Kristus? Aringiṛṛanna naal᷊ihida ere i ya'u inawul᷊ianten apande, arawe atonna i ya'u daroloṛṛanna apan lembon apianne wuassi mangitou sarangkanambone! I ya'u aṛṛimaranne mammanara, i ya'u asokkanne itaṛṛo sulal᷊ummu tuttupanna, i ya'u asokkanne sansaranna wuṛṛu masokka lai maraniten mate.

2 KORINTUS 11:13

Manga taumata ere udde, uddewe rasul awusu. I mangitou mammamanara mangngawusu taumata wuṛṛu mattingkaola'a naal᷊ihida ere manga rasul wuassi Kristus.

1 KORINTUS 9:11

I yami suete nangasi'u wualannu Ghaṛṛaho sulal᷊ummu pabbiaṛṛannu. Ne amungkangngu i yami mangitingnga manga al᷊amattu runia wuassi yamiu, apa udde atappasanne manungku i yami madorongnga tumaniten manambo wuassi yamiu?

YEHEZKIEL 13:22

Manga taumata mapia apan maddiri Ta'u olaanna lal᷊eo, niadio'i yamiu naungnge ringannu wawahianu. Manga taumata lal᷊eo niola'i yamiu wahewalla naungnge tadea'u sidutu marosa wuṛṛu tawe iapaasal᷊amatta.

YEREMIA 29:32

wuṛṛu ana waugu i tou buatte nandolokki yamiu lumawangnga si Ya'u, ne i Ya'u sarun makkuumanni tou wuṛṛu papapulunne. Tawe saran sangkatou wuassu wallatti mangitou apan sarun matana'a suwallatti yamiu tadea'u ma'ellega manga inolaanna mangkapia apan sarun Ta'u olaanna su anambon uma-U. I Ya'u, Mawu, buatte nabbisara.”

YEREMIA 5:31

manga nabi mangngawusu, manga imam mangngimbe tumuṛṛuttu apulun naungnge sassane wuṛṛu i yamiu uma-U mappulun inolaanna udde. Arawe apa apan sarun olaanni yamiu napawe nia'omante allo panginsueanne?”

2 MARARATU 5:13

Arawe manga allange nangundanin Naaman wuṛṛu nabbisara, “i Tuanga, unnu wisara i Tuanga irolokka iapaola'a sambau manara apan masahadda, i Tuanga sarun mammanara. Apa lai indi tumba'u nandolokki Tuanga mandeno tadea'u mapiate radda'a!”

ROMA 2:6

Ana waugu Ruata sarun mabal᷊issa anambon taumata uassul᷊ungngu inolaanne.

ROMA 3:8

Wuṛṛu anio i ite tawe wotongnge mabbisara, “Mappianne i ite ma'ola'e al᷊al᷊eo tadea'u lumiatta'e apapia?” Atonna pia manga taumata apan mangngadio'a si ya'u ringannu mabbisara manungku i ya'u suete nabbisara aroddi. Manga taumata ereudde ṛinone iṛṛuumannu Ruata.