2 KORINTUS 11:13 - WUKE SUSI WATTI'U AL᷊AL᷊USASSA

¹³ Manga taumata ere udde, uddewe rasul awusu. I mangitou mammamanara mangngawusu taumata wuṛṛu mattingkaola'a naal᷊ihida ere manga rasul wuassi Kristus.

2 KORINTUS 11:13 Referans Kwoze

SONDAPPA 2:2

I Ya'u masingkatu apa apan a'olaanni yamiu: I yamiu mammanara maṛṛimadda wuṛṛu yamiu matammuda atonna. I Ya'u masingkata manungku i yamiu tawe mangonggolu naungnga su taumata lal᷊eo. Wuṛṛu manga taumata mangnga'u watanganne rasul, wutte'e wal᷊ine, suete niannamanni yamiu wuṛṛu niasombanganni yamiu, manungku i mangitou taṛṛa awusu.

FILIPI 3:2

Paatehamma su saruannu manga taumata apan ma'ola'a inolaanna lal᷊eo, manga taumata apan wotongnge isaggo ‘asu’. I mangitou mammata'a tadea'u manga taumata udde iapa sunatta.

GALATIA 1:7

Tumuṛṛuttu atonna tate lai “watti'u al᷊al᷊uassa apan waine”. Tumba'u pia manga taumata apan mammasingkata si yamiu “watti'u al᷊al᷊uassa”, su ola'i Kristus apan niwal᷊elongngi mangitou na'oman sara i yamiu nial᷊iwune.

1 YOHANES 4:1

Manga tuṛṛangnga apan arangnguanna! Arie pangimanna anambon taumata apan mangnga'u Ghaṛṛahon Duata, arawe annama'a asuene i mangitou tanne ghaṛṛaho mangitou udde niarantanne wuassu Ruata ara'e tawe. Ana waugu manambonabi awusu apan u'amatta su al᷊awo'u tampa.

GALATIA 2:4

salaiwe pia manga taumata mammata'u olangnge udde. I mangitou udde manga taumata apan sinumutta awagananna sulal᷊ummu ammul᷊anni ite wuṛṛu mattingkaola'a ere tuṛṛangnga. I mangitou sinumutta ringannu mal᷊anna-l᷊annaba mannaṛṛassida al᷊al᷊uassa apa niola'i ite ana waugu i ite uaaukke ringanni Kristus. I mangitou maapulu mapaawelengngi ite su olangnge paarorone ere sangkatou allangnga,

WATTI'U MANGA RASUL 20:30

Ewe'e wuassu wallattu manga tuṛṛangnga sassane lai sarun lumapputa manga taumata apan sarun mabatti'u watti'a awusu. I mangitou ma'ola'a aroddi, tadea'u manga taumata apan nangngimante Mawu Yesus umal᷊iwu wuṛṛu tumantalongke si mangitou.

SONDAPPA 19:20

Ne winatangnga udde niasametta suadio'a ringannu nabi awusu apan suete na'ola'a manga al᷊aṛṛindu'a su saruannu winatangnga udde. (Ringannu manga al᷊aṛṛindu'a uddewe winatangnga udde nangawusu manga taumata apan uatahuanna tatialam binatangnga udde, wuṛṛu manga taumata apan massubba paal᷊uannu winatangnga udde.) See winatangnga udde wuṛṛu nabi awusu udde niramme ta'e wiakka sulal᷊ummu tahal᷊oangngu putungnga apan lukkenggama ringannu belerangnga.

KOLOSE 2:8

Ṛinone i yamiu paatehamma, arie ma'oman sara piaddu mamono'a si yamiu ringannu manga al᷊aṛṛa'u taumata apan tawe gunane, ewe'e tumba'u mangngal᷊iwu. Manga al᷊aṛṛa'a udde wal᷊ine wuassi Kristus, ewe'e wuassu ṛingiṛṛannu taumata sassane wuṛṛu wuassu manga ghaṛṛahon tembonannu runia.

KOLOSE 2:4

I ya'u namasingkatu indi tadea'u i yamiu tawe awahianni sai-sai apan pande mamal᷊onotta si yamiu.

EFESUS 4:14

Ne i ite tate maola'a lai al᷊aṛṛana'a apan nial᷊iwune, wuṛṛu iaapiddu al᷊awo'u hatin al᷊aṛṛa'u manga taumata apan taṛṛa awusu. I mangitou mangngal᷊iwun taumata ringannu wawahian mangitou.

2 KORINTUS 11:15

Nariaddi tawe iaherangnga lai amungkangngu mammamanaran Setanna mattingkaola'a naal᷊ihida ere mangangimbe apan tuttuṛṛutta apulun Duata. Panginsueanne i mangitou lai sarun manengkamma wawal᷊inne apan uasul᷊ungngu inolaanni mangitou.

SONDAPPA 2:20

Arawe indi sasimba-U si yamiu: I yamiu nangonggolu naungnga si Izebel, wawine apan mangnga'u watanganne daroloṛṛannu Ruata udde. Manambote manga allang-Ku niawusuanne wuṛṛu niaṛṛaanna sussandaga wuṛṛu u'anna anna apan suete pinassubba paal᷊uanna.

SONDAPPA 2:9

I Ya'u masingkatu manga asasusanu; i Ya'u masingkata i yamiu asiangnga arawe wutte'e yamiu ala! I Ya'u masingkatu manga aal᷊uandaga apan ipangal᷊uandaga si yamiu wuassu manga taumata apan mangnga'u ririne Yahudi, wutte'e wal᷊ine; ete i mangitou udde walahannu Setanna!

YUDAS 1:4

Ana waugu ringannu niawagananni ite, pia manga taumata waine apan sinumutta nail᷊al᷊o'a su pattangnganni ite. I mangitou manga taumata lal᷊eo, apan mammal᷊elongngu watti'a su ola'u darangngun Duatan kite, tadea'u i mangitou pia tempo mapaasabangngu apulun naungngi mangitou lal᷊eo. Wuṛṛu i mangitou mannol᷊a'u Mawu Yesus Kristus, eteudde sangkatou Tembonanne wuṛṛu Mawun kite. Roen al᷊amonane ṛuumanni mangitou suete niapaasingkata sulal᷊ummu Wuke Susi.

1 YOHANES 2:18

Al᷊aṛṛana'u panginsueannu tempo maranite! Suete niapaasingkata si yamiu paarorone, manungku Seetti Kristus sarun rumanta; wuṛṛu orassa indi nirumantate anambon taumata apan masseetti Kristus. Udde tatialane manungku panginsueannu runia maranite.

GALATIA 6:12

Manga taumata apan maapulu mapaatolon batanganne ringannu inolaannu runia, ete i mangitou apan mappandumma mamata'i yamiu tumuṛṛutta atorannu sunatta. Arawe i mangitou na'ola'a udde tumba'u tadea'u i mangitou tawe sansarannu taumatan Yahudi ana waugu arussa Mawu Yesus.

2 KORINTUS 4:2

I yami tawe mappaattu inolaanna marandumma apan maasili. Yami maddiri mammanara ringannu mangngapande ara'e mammal᷊elongngu wisaran Duata. I yami mangngimbe Ruata ringannu naungnga apan matul᷊ida tumuṛṛuttu apulu-Ne. Ana waugu udde, i yami mangngantimma anambon taumata ma'ellega si yami ringannu mapia sulal᷊ummu naungnge.

WATTI'U MANGA RASUL 15:24

I yami naaringikka pia sire pira taumata wuassu wallatti ami apan suete nirumanta ringanni yamiu nanongkakka wuṛṛu naapatiangngang kamiu ringannu al᷊aṛṛa'i mangitou. Sumbal᷊i yami tawe nandolokki mangitou ma'ola'a manara udde.

GALATIA 4:17

Manga taumata waine udde ringannu maṛṛimada maddea'a si yamiu, arawe manga pandumanni mangitou lal᷊eo. I mangitou tumba'u maapulu mapatal᷊eing kamiu wua dingani yami, tadea'u i yamiu tumantalongnga si mangitou ringannu maṛṛimada.

2 KORINTUS 2:17

I yami tawe naal᷊ihida ere taumata nambo apan ma'ola'a Watti'u Ruata ere saranapa wal᷊u'anna. Manga pandumanni yami udde waresi, ana waugu i yami nirolokku Ruata. Wuṛṛu Ruata sassane ua'ellega manungku i yami mammasingkatu watti'a udde naola'a allangngi Kristus.

ROMA 16:18

Ana waugu manga taumata inolaanne aroddi, wal᷊inewe mammanara manaran Kristus Mawun kite, ewe'e tumba'u mappaal᷊uassu apulu naungngi mangitou sassane. Ringannu sasal᷊o'a wuṛṛu manga wisara apan mapia, i mangitou mammahia manga taumata apan waggan apa-apa.

WATTI'U MANGA RASUL 15:1

Manga pira taumata wuassu Yudea nirumanta su Antiokhia wuṛṛu mangngaṛṛa'a manga taumata mangngimanna su Antiokhia udde manungku amungkangngu i mangitou tawe sunatanna tumuṛṛuttu Tita Musa, i mangitou tawe masal᷊amatta.

MATIUS 25:24

Wua'udde mangangimbe apan nanengkamma saṛṛiwu roitta wul᷊awanna udde nirumanta wuṛṛu nabbisara, ‘Mawu, i ya'u masingkatta i'o mawu sangkatou apan maṛṛagissa. Mawu mangngitingnga wuane su tampa mawu tawe nassuanna, wuṛṛu mammurutta wuane su tampa mawu tawe nangasi'u wualanna.

YEREMIA 23:16

Su tumana'u Yerusalem, Mawu Apan Lembontaṛṛino nabbisara, “Imbaṛṛangnga maddaringikka wisara manga nabi apan sidutu tumba'u mangngonggollu antimma apan tawe loṛṛone. I mangitou tumba'u mammasingkattu wal᷊iawa mangitou sassane wuṛṛu wal᷊ine tanata-U.

YEREMIA 27:14

Ariete paddaringikka manga nabi apan manningaddi Tuangnga massuṛṛubbawa su ratun Babel, ana waugu i mangitou mammahia si Tuangnga.

FILIPI 3:18

I ya'u masokkate mamasingkata si yamiu, wuṛṛu orassa indi ta'u isul᷊e apia ringannu lulluai, manungku pia manambo taumata apan mabbiakka mangngal᷊iwun atappasannu papaten Kristus su alu arussa.