2 KORINTUS 11:12 - WUKE SUSI WATTI'U AL᷊AL᷊USASSA

¹² Apa apan a'olaangku orassa indi sidutu mammanarangku tadea'u “manga rasul” apan waine udde tawe pangiananne mapamarabungan watanganne wuṛṛu mabbisara manungku i mangitou mammanara ere lai yami.

2 KORINTUS 11:12 Referans Kwoze

1 KORINTUS 9:12

Amungkangngu manga taumata wotongnge mangantimma indi wuassi yamiu, wal᷊inewe yami lai lembon pia taṛṛino wuassi mangitou? Arawe i ya'u taambe nappaattu taṛṛino udde. Arawe i ya'u lembo maapulu maningkul᷊u sarangkanambone udde, wuassu i ya'u mapaal᷊aputu manga inolaanna apan mannal᷊are manara mamasingkatu Watti'u Al᷊al᷊uassa su ola'i Kristus.

1 TIMOTIUS 5:14

Ana waugu udde i ya'u maapulu tadea'u manga wawine wal᷊u ta'e dario'a maawingnga apia, maasomba ana'a wuṛṛu mammadul᷊i lal᷊oṛṛon bal᷊e, tadea'u manga seetti ite tawe maasomba tempone mandal᷊eo aranni ite.

GALATIA 1:7

Tumuṛṛuttu atonna tate lai “watti'u al᷊al᷊uassa apan waine”. Tumba'u pia manga taumata apan mammasingkata si yamiu “watti'u al᷊al᷊uassa”, su ola'i Kristus apan niwal᷊elongngi mangitou na'oman sara i yamiu nial᷊iwune.

2 KORINTUS 11:18

Atonna manambo taumata apan lulluassu manga inolaannu runia, nariaddi ya'u maapulu lumuassa lai ere i mangitou.

2 KORINTUS 11:9

Amungkangngu su tempo udde i ya'u sulal᷊ummu paa'asiangnga, i ya'u tawe mapaasusa saran sangkatou wuassu wallatti yamiu. Anambon apa apan pappandumangku suete nissaddian manga tuṛṛangnga apan nirumanta wuassu Makedonia. I ya'u uariaga mapia-pia tadea'u i ya'u tawe mapaasusan kamiu su al᷊awo'u inolaanna, wuṛṛu i ya'u sidutu uariaga tadea'u olangnge udde tawe mawal᷊u.

2 KORINTUS 10:17

Sulal᷊ummu Wuke Susi uawoṛṛetta, “Taumata apan sidutu lulluassu sambau sarannapa, ṛinone lai lumuassu apa apan buatte niola'u Mawu.”

2 KORINTUS 5:12

Ringannu indi yami tawe madorongnga tadea'u i yamiu maddalo wadangngi yami. I yami tumba'u mangonggolu sambau pinangiananne apan mapia si yamiu tadea'u i yamiu mal᷊uassa si yami, tadea'u i yamiu masingkata ereapa i yamiu sumimbakka manga taumata apan tumba'u ma'ellega pahuddu taumata wal᷊ine ma'ellega pallal᷊agune.

2 KORINTUS 1:17

Arawe i ya'u buatte namal᷊u ṛiinna udde; ei, apa udde mapaal᷊iatta'a manungku naungku tawe matatana'a? Su tempo naṛṛiinna, apa i ya'u naṛṛiinna tumuṛṛuttu apulu'u sassane, tanal᷊anna'a addio'a mabbisara, “Ore”, wuṛṛu tanal᷊anna'a adio'a mabbisara “Tawe”?

1 KORINTUS 5:6

Tawe su ṛinone i yamiu mamunga. Asinungka i yamiu naasingkate sasanato'a indi, “Ragi apan adio'a ma'aola'a aompengu taponna tumuwo!”

AYUB 23:13

Ruata udde tawe mawal᷊u, taweddu maal᷊awangnga si Tou. I Tou ma'ola'a sarangkanambone apan ipaapulu-Ne.

MATIUS 26:16

Nanattakka wuassu tempo udde i Yudas maddea'a tempone apan mapia ipandal᷊eo Mawu Yesus.