2 KORINTUS 11:10 - WUKE SUSI WATTI'U AL᷊AL᷊USASSA

¹⁰ Alal᷊ua'u indi tawe iapappassa suapan tampa su leta'u Akhaya, ana waugu al᷊ara'i Kristus apan naṛṛino udde si ya'u.

2 KORINTUS 11:10 Referans Kwoze

ROMA 9:1

Apa apan sarun iwisara'u indi atonna ana waugu i ya'u tatahuananni Kristus. I ya'u tawe mamahia. Naungku apan aehetannu Ghaṛṛahon Duata mannohassa si ya'u lai manungku wisara'u indi atonna.

ROMA 1:9

I ya'u sidutu uanaungnga si yamiu amungkangngu i ya'u umal᷊iomanna. Ruata matatialane manungku apa apan iwabbatti'u udde atonna. Tumba'u i Tou Ruata apan sassubbangku ringannu ahewallu naungku ringannu namasingkattu Watti'u Al᷊al᷊uassa su ola'u Anang-Nge.

WATTI'U MANGA RASUL 18:12

Napawe i Galio naola'a gubernuren Akhaya, manga taumatan Yahudi na'ammulla mannal᷊are si Paulus wuṛṛu mangapiddi tou watukku mallaṛṛuungnga.

2 KORINTUS 1:23

Ruata maola'a tiala'u – ana waugu i Tou masingkatu lal᷊oṛṛo naungku – manungku i ya'u tawe nariaddi watukku Korintus, ana waugu i ya'u maddiri ma'ola'a naungngi yamiu masusa.

1 TIMOTIUS 2:7

Wuṛṛu ana waugu eteudde i ya'u nirolokka inai ringannu manga taumata wal᷊ine Yahudi iapapasingkata si mangitou watti'a su ola'u pangangimanna apan atonna. Apan ta'u iwabbatti'a indi udde atonna, i ya'u tawe mamahia.

1 TESALONIKA 2:10

I yami mabbiakka ringannu na'ukkassa, su ṛinone wuṛṛu tawe angngone su saruanni yamiu apan mangngimante si Kristus. Ete i yamiu udde naola'a tialan kami; aroddi lai Ruata.

1 TESALONIKA 2:5

I yamiu sassane masingkata manungku tawe saran paassa i yami nassal᷊o'a ara'e nangawusu si yamiu ipamunin pandumma apan lal᷊eo udde. Ruata mattatialane!

GALATIA 1:20

Apa apan ta'u niwoṛṛeta indi atonna. Ruata masingkata manungku i ya'u tawe mangawusu!

2 KORINTUS 12:19

Wotongnge mariaddi yamiu massunna, al᷊annunete indi yami tantal᷊anna mangngambangnga watanganni yami su saruanni yamiu? I yamiu nial᷊iwune atonna! Ruata masingkata manungku al᷊awo'u wisaran kami udde tumuṛṛuttu apulun Kristus. Wuṛṛu al᷊awo'u inolaanni yami udde niola'a ipannohassa pangangimanni yamiu.

2 KORINTUS 11:31

Ruata, Iamangngu Mawu Yesus masingkata manungku i ya'u tawe mangawusu. Aranne raloanna saran mal᷊annu-l᷊annu.

2 KORINTUS 11:12

Apa apan a'olaangku orassa indi sidutu mammanarangku tadea'u “manga rasul” apan waine udde tawe pangiananne mapamarabungan watanganne wuṛṛu mabbisara manungku i mangitou mammanara ere lai yami.

2 KORINTUS 10:15

I yami tawe naddalo watanganni yami su manaran taumata waine apan su liuddu passaranna apan buatte tinantunnu Ruata si yami. Arawe i yami sidutu sulal᷊ummu passaranna apan suete tinantunnu Ruata si yami wuṛṛu mangngantimma manungku i yamiu lembon mangngimanna si Kristus, tadea'u i yami wotongnge mappa'ola'a manara apan lembon ahewal᷊anne su wallatti yamiu.

2 KORINTUS 9:2

I ya'u masingkata yamiu maapulu mantul᷊ungnga, wuṛṛu ya'u buatte nilumuassi yamiu su manga taumatan Makedonia. I ya'u nabbisara si mangitou, manungku ro'en tonna nal᷊iu manga tuṛṛangnga su Akhaya nasaddiate mangonggolu sumbala. Wuṛṛu apulunu udde naatohassa lai apulun sangkawageanganna wuassi mangitou.

2 KORINTUS 1:1

Manga tuṛṛangnga jamaattu Ruata su Korintus wuṛṛu al᷊aṛṛana'u Ruata sarangkanambone su ahewallu leta'u Akhaya. I Ya'u Paulus, rasulli Kristus Yesus, apan nitenega wuassu apulun Duata, suadio'a ringannu tuṛṛangngi ite Timotius,

1 KORINTUS 16:15

I yamiu asinungka massingkatti Stefanus wuṛṛu amonanne; i mangitou apan paarorone naola'a taumatan Saṛṛani su Akhaya. I mangitou ringannu ahewallu naungnge mammanara tumba'u mangngimbe walahannu Ruata.

ROMA 16:5

Wal᷊oa'a lai tabea'u su jamaatta apan uasemodda su wal᷊en mangitou. Tabea si Epenetus apan aranguangku. Ete i tou taumata apan paarorone nangimanna si Kristus su leta'u Asia.

WATTI'U MANGA RASUL 18:27

Wua'udde i Apolos pia pandumma inai su Akhaya. Ne manga taumata apan mangngimanna Mawu Yesus su Efesus namoṛṛetu suratta su manga tuṛṛangnga apan mangngimanna su Akhaya tadea'u i mangitou wotongnge manarimmatti Apolos. Wuṛṛu su tempo i Apolos na'omate su Akhaya, sasumbalane mangke mahuna su manga taumata apan ana waugu al᷊amattu Ruata nangngimante Mawu Yesus.

GALATIA 2:20

Orassa indi wal᷊inewe i ya'u mabbiakka, arawe ete Kristus apan mabbiakka sulal᷊ummu wadangku. Wiakka apan iraṛṛingi'u orassa indi eteudde mabbiakka ipangngimanna Ana'u Ruata apan marangngu si ya'u wuṛṛu buatte nanantillu watangan-Ne ana waugu i ya'u.