Biblia Todo Logo
Bib sou entènèt

- Piblisite -




2 KORINTUS 10:7 - WUKE SUSI WATTI'U AL᷊AL᷊USASSA

7 Ṛinone i yamiu maatutukka inolaanna apan atonna. Amungkangngu sangkatou mangngimanna manungku i tou tatahuananni Kristus, ṛinone i tou managu watanganne sassane wuṛṛu manualaga manungku i yami lai tatahuananni Kristus ere lai i tou.

Gade chapit la Kopi




2 KORINTUS 10:7
21 Referans Kwoze  

Ringannu indi yami tawe madorongnga tadea'u i yamiu maddalo wadangngi yami. I yami tumba'u mangonggolu sambau pinangiananne apan mapia si yamiu tadea'u i yamiu mal᷊uassa si yami, tadea'u i yamiu masingkata ereapa i yamiu sumimbakka manga taumata apan tumba'u ma'ellega pahuddu taumata wal᷊ine ma'ellega pallal᷊agune.


Amungkangngu pia taumata uatahuanna al᷊amatta ipammasingkatu watti'u Ruata, ara'e i tou pia al᷊amatta waine wuassu Ghaṛṛahon Duata, taumata udde ṛinone manutukka manungku apa apan ta'u niwoṛṛetta indi eteudde darolokka wuassu Mawu.


I mangitou lai daroloṛṛanni Kristus? Aringiṛṛanna naal᷊ihida ere i ya'u inawul᷊ianten apande, arawe atonna i ya'u daroloṛṛanna apan lembon apianne wuassi mangitou sarangkanambone! I ya'u aṛṛimaranne mammanara, i ya'u asokkanne itaṛṛo sulal᷊ummu tuttupanna, i ya'u asokkanne sansaranna wuṛṛu masokka lai maraniten mate.


Arie mamarikissa taumata ana waugu pinangiananne apan aasiloanna, arawe ana waugu atatul᷊idda.”


Arawe ete i ite indi al᷊aṛṛana'u Ruata; wuṛṛu taumata apan maaillal᷊a Ruata, madaringikka wisaran kite. Taumata wal᷊ine pussa'an Duata maddiri maddaringikka wisaran kite. Aroddiwe olangnge i ite maasingkattu paṛṛalanne Ghaṛṛaho apan mangngonggolu al᷊aṛṛa'a apan atonna, wuṛṛu ghaṛṛaho apan mangngal᷊iwu.


Wal᷊inewe i ya'u taumata uapallose? Wal᷊inewe ya'u sangkatou rasul? Apa i ya'u taambe naasilo Mawu Yesus, Mawun kite? Apa i yamiu wal᷊inewe ina'ul᷊en manara'u su Mawu?


Wuṛṛu i yamiu udde tatahuanni Kristus, wuṛṛu Kristus tatahuannannu Ruata.


Amungkangngu i yamiu tatahuanni Kristus ne eteudde i yamiu papapulunni Abraham. Ne i yamiu sarun manengkamma apa apan buatte pina'iren Duata.


Orassa indi ya'u, Paulus, maapulu mabbal᷊on sambau hatto si yamiu. I ya'u indi, unnu taumata, masaṛṛionto'a amungkangngu uasasaruanna ringanni yamiu, arawe waṛṛani amungkangngu mararau. Ne ana waugu asasaṛṛionto'a wuṛṛu apapia naungngi Kristus,


Pandumangku eteudde manungku su wallatti yamiu piaddu mabbisara, “I ya'u tumantalongnga si Paulus,” piaddu lai mabbisara, “I ya'u tumantalongnga si Apolos,” waine lai mabbisara, “I ya'u tumantalongnga si Petrus,” waine lai mabbisara, “I ya'u tumantalongnga si Kristus.”


Ne i yamiu sarun maasomba anambon tatialane apan ipaapulun kamiu manungku Kristus atonna-tonna mabbisara si ya'u. Amungkangngu Kristus mamasingkata si yamiu, i Tou tawe mamasingkata ringannu al᷊allome, arawe ṛinone i Tou mapaal᷊iatta'u taṛṛino-Ne su wallatti yamiu.


Atonna i ya'u buatte nattanno ere taumata woddo – arawe ete i yamiu na'ola'a si ya'u aroddi. Ṛinone ete i yamiu maddalo si ya'u. Ana waugu salaiwe i ya'u tawe aregane saran kadio'a, i ya'u mangke ere “manga rasul” apan wahewalla udde!


Atonna manambo taumata apan lulluassu manga inolaannu runia, nariaddi ya'u maapulu lumuassa lai ere i mangitou.


Ana waugu ellehanna i yamiu mal᷊uassa manarimmattu taumata apan rumanta ringannu wuṛṛu mangngaṛṛa'u Mawu Yesus waine – wal᷊ine Mawu Yesus apan niapaasingkati yami si yamiu. Wuṛṛu i yamiu lai mal᷊utu manal᷊oho ghaṛṛaho wuṛṛu “watti'u al᷊al᷊uassa” apan uapapaṛṛalan Ghaṛṛahon Duata wuṛṛu Watti'u Al᷊al᷊uassa apan suete nitarimmatti yamiu wuassi yami.


Arawe sangkatou-sangkatou sarun iapaawiakka tumuṛṛuttu wageangnge: Paarorone Kristus, wua'udde napawe su tempo i Tou rumanta apia, manansunna wageangngu manga taumata apan nareengnga tatahuananni Kristus.


Arawe Mawu Yesus nabbisara si mangitou, “Ete i yamiu taumata apan su saruannu taumata waine ellehanna mapia, arawe Ruata masingkattu lal᷊oṛṛo naungngu. Ana waugu apa apan sassunnannu taumata matanggakka, su aellegu Ruata udde mawawo.


Sarangkanambone apan niola'i mangitou tumba'u iapa'ellega su taumata. I mangitou malluṛṛen tal᷊in aal᷊iomanna apan mal᷊ala-l᷊alakka wuṛṛu mal᷊o'engnga uatungkele su jubah mangitou!


Arawe Mawu nabbisara si Samuel, “Arie i'o umanggangu al᷊aṛṛamage wuṛṛu wadangnge mal᷊angkassa; wal᷊ine i tou Ta'u pileanna. I Ya'u tawe ma'ellega wa'ikke, arawe i Ya'u ma'ellega naungnge.”


Swiv nou:

Piblisite


Piblisite