2 KORINTUS 10:5 - WUKE SUSI WATTI'U AL᷊AL᷊USASSA

⁵ wuṛṛu manggohakku tanda'u atatanggakka apan niola'a ipanompolla asingkattu Ruata. I yami nanametta ṛingiṛṛannu manga taumata wuṛṛu na'ola'a si mangitou massuṛṛubawa si Kristus.

2 KORINTUS 10:5 Referans Kwoze

IBRANI 4:12

Wisaran Ruata eteudde wisara apan biakka wuṛṛu matohassa; maṛṛoroanna wuassu hal᷊el᷊e rorone ruam ba'a. Wisara udde uusippa ma'oman sara su wallatu niawa wuṛṛu ghaṛṛaho; ma'oman sara su wallattu manga passi'uanna wuṛṛu duṛṛin liudda, na'oman sara maasingkata al᷊al᷊ummu ṛingiranna wuṛṛu apulu naungngu taumata.

YESAYA 55:7

Ṛinone taumata lal᷊eo mangapia pabbiaṛṛanne, wuṛṛu mamal᷊u lal᷊annu ṛingidde. Wala'e i tou mabbelengnga ringannu Mawu, wuṛṛu maasomba darangngu-Ne. Ṛinone i tou mabbal᷊i'a ringannu Ruatan kite, ana waugu Mawu mangampungnga ringannu naungnga awasa.

ROMA 7:23

arawe i ya'u naatutukka manungku sulal᷊ummu riri'u pia lai tita waine apan uaagassa parenta – eteudde tita apan uapapaṛṛalan tita apan buatte nia'u naungku. Ana waugu udde i ya'u mangke paparentannu titan rosa apan uaparenta sulal᷊ummu riri'u.

MATIUS 15:19

Ana waugu wuassu naungnga sumabangnga manga ṛingiṛṛanna lal᷊eo, apan maaola'a taumata mammate, sussandaga, ma'ola'a al᷊al᷊eo, manna'o, mammahia, wuṛṛu ma'umbilangnga.

ROMA 1:21

Taumata maaillal᷊a Ruata, arawe taumata maddiri mangadata ere sangkatou Ruata wuṛṛu tawe lai maadiangkamanna. Arawe taumata sidutu maṛṛingiddu al᷊awo'a apan tawe gunane; naungngi mangitou nadandumpe.

1 KORINTUS 3:19

Ana waugu apan sassunnannu runia pande, udde awawoddo su aelleggu Ruata. Sulal᷊ummu Wuke Susi uawoṛṛetta, “Ruata mapaasal᷊a manga taumata pande sulal᷊ummu asingkati mangitou sassane.”

YEREMIA 4:14

Yerusalem, rammea'e al᷊al᷊eonu wuassu naungngu tadea'u i'o masal᷊amatta. Ma'oman sara tingngera manga ṛingiranna lal᷊eo udde sahipunanna sulal᷊ummu naungngu?

DARALO 139:2

I'o masingkattu al᷊awo'u inolaangku; wuassu marau I'o maasunna ṛingirangku.

1 KORINTUS 1:19

Ana waugu sulal᷊ummu Wuke Susi, Ruata nabbisara, “Apapanden taumata pia asingkanne sarun Ta'u isongkakka, wuṛṛu pasasunna manga taumata pia si'ol᷊ane Ta'u iapaawul᷊i.”

AMSAL 15:26

Mawu maddantinnu hol᷊aga apan dal᷊eo; arawe manga wisara apan mapia maal᷊uassa naung-Nge.

DARALO 10:4

Taumata marosa tawe maddaringikka Mawu, ana waugu awungane i tou maṛingidda manungku tawe Duata.

IBRANI 5:9

Ne napawe i Tou niola'a mananal᷊amatta apan nasuungnga, i Tou naola'a punnu asasal᷊amatta saran mal᷊annu-l᷊annu hunane su anambon taumata apan matuṛṛuta si Tou,

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

YEHEZKIEL 17:24

Al᷊awo'u alu su wanua sarun maasunna manungku ete i Ya'u Mawu. Alu apan al᷊angkasanne Ta'u tuwanganna; alu apan mawawo Ta'u iapatuwo matanggakka. Alu apan mapia ta'u iapaaṛṛagassa; wuṛṛu alu apan naṛṛangu Ta'u onggol᷊annu lal᷊uwo wuṛṛu bungane. I Ya'u, Mawu, buatte nabbisara, al᷊awo'u wisara-U sarun matipussa.”

2 TESALONIKA 2:8

wakkute udde asiloante Taumata Lal᷊eo udde. Napawe Mawu Yesus rumantate, i Tou sarun mamate Taumata Lal᷊eo udde ringannu singangu wuassu moṛṛo-Nge, wuṛṛu mamate si tou ringannu asasemakku daranta-Ne.

AMSAL 24:9

Suapan hol᷊agu taumata woddo uddewe rosa. Taumata apan sidutu mappasal᷊an taumata waine, tawe aranguannu anambon taumata.

LUKAS 1:51

Ringannu lima-Ne apan matohassa I Tou napaatal᷊ein taumata mawunga, wuṛṛu nanongkakku pandumanni mangitou.

2 TESALONIKA 2:4

Ringannu mawunga i tou sarun lumawangnga wuṛṛu mananggaku watangan-Ne su anambon inolaanna apan sassubbannu taumata, ara'e anambon paal᷊uanna apan sassunnannu taumata udde Ruata. Ewe'e lai i tou sarun uma'ianna sulal᷊ummu Wal᷊e Duata wuṛṛu mamasingkata manungku eteudde i tou Ruata.

DANIEL 4:37

Nariaddi orassa indi i ya'u, Nebukadnezar maddalo, mannanggakka wuṛṛu mammantuga Ratun Surga. Al᷊awo'u inolaan-Ne atonna wuṛṛu matul᷊idda wuṛṛu i Tou wotongnge mapaawawon taumata apan pallal᷊anune mawunga.

YESAYA 59:7

I ya'u tawe illol᷊one makkiinnu al᷊al᷊eo, wuṛṛu mangke mappulute mal᷊ihakka olaanna. Ringannu tawe go'ane i yamiu mammate taumata apan tawe sal᷊ane; suapan tampa i yamiu inai, i yamiu mannantangngu ahaho akka wuṛṛu awawinasa.

YESAYA 2:17

Taumata mawunga sarun iapawawo, wuṛṛu taumata matanggakka iapasuṛṛubbawa. Tumba'u Mawu sassane apan wantuhanna.

TAHIUL᷊E 15:9

Imbaṛṛangnga tawe mapawallasa si tou ringannu wisara manungku tonna pamamaekka awallasa maranite. Arie mamalan ṛingirannu dal᷊eo udde sumutta sulal᷊ummu naungngu. Amungkangngu i yamiu madiri mapawallasa, taumata udde sarun sumal᷊ande Mawu wuṛṛu mangalaen kamiu, ne i yamiu udde sasagoanne nassal᷊a.

2 KORINTUS 9:13

Wuṛṛu wuassu apapian kamiu udde, manambo taumatan Saṛṛani su Yudea sarun maddalo Ruata ana waugu i mangitou naasilo tatuṛṛuti yamiu su Watti'u Al᷊al᷊uassa su ola'i Kristus apan tatantalonganni yamiu udde. I mangitou lai maddalo Ruata, ana waugu i yamiu naungnge mapia mattahia si mangitou wuṛṛu su anambon taumata waine sarannapa apan pia si yamiu.

ROMA 16:26

Arawe orassa indi, wuassu darolokku Ruata sassane, pandumanne udde buatte niapaal᷊iatta'a wuṛṛu niapasingkata su anambon walahanna ere suete niwoṛṛettu manga nabi, tadea'u i mangitou sarangkanambone mangngimanna wuṛṛu tumuṛṛutta Ruata.

2 MARARATU 19:22

Masingkate i'o manungku isai apan lallelanna wuṛṛu lallobbosannu udde? I Ya'u, Ruatan Israel, Ruata apan susi! I'o tumaniten mawunga su saruang-Ku.

ROMA 1:5

Sulal᷊ummi Tou lai Ruata nangonggolu al᷊amatta si ya'u maola'a rasul, tadea'u i ya'u – mangadatta Mawu Yesus – mangngehetta manga taumata wuassu al᷊awo'u walahanna tadea'u mangngimanna wuṛṛu tumuṛṛutta.

YESAYA 60:14

Manga ana'u mangangallangngu rumanta umal᷊intudda, iapa apan buatte nangal᷊uandaga si'o sarun massuṛṛubbawa, i'o sarun isaggo ‘Soa Mawu’, ‘Sion, Soan Duata Susin Israel’.

2 MARARATU 19:28

I Ya'u masingkatta manungku i'o mangke nasa'u si Ya'u, wuṛṛu i Ya'u naaringikke warabunganu udde. Orassa indi Ta'u iwa'issa aiitta su ngirunnu wuṛṛu ipappiaṛṛa'a su moṛṛongu, tadea'u i'o wol᷊enganna mapul᷊e umamatta sulal᷊anna sutempo i'o nirumanta.”

DARALO 18:27

Su saruannu taumata apan susi I'o napal᷊iatta'u watangan-Nu susi, arawe taumata lal᷊eo paisaseetan-Nu.

AYUB 42:6

Ana waugu udde i ya'u massili mannaungnga al᷊awo'u wisara'u wuṛṛu ringannu sussasilla i ya'u niuma'ianna sulal᷊ummu awu wuṛṛu leta'a.”

DARALO 18:44

I'o nalliu'u wuassu ṛuanganna apan mal᷊awangnga, wuṛṛu na'ola'a si ya'u tembonannu manga walahanna; walahanna apan awaganangku maola'a allangku.

SASABANGNGA 5:2

“Isai Mawu udde?” aiwal᷊on datu. “Anio i ya'u mangaddata si Tou wuṛṛu mamalan balahannu Israel mapul᷊e? I Ya'u wagga Mawu udde, wuṛṛu taumatan Israel tawe ta'u iwala mapul᷊e.”

PANDARIADDI 8:21

Hal᷊urun sasamba apan mawangngi udde naal᷊uassa naungngu Mawu, wuṛṛu i Tou nabbisara sulal᷊ummu naungnga, “I ya'u tate lai mamontoga runia indi ana waugu inolaannu taumata; i Ya'u masingkatta manungku ro'en i tou ta'e dario'a, ṛingirannu taumata udde lal᷊eo. I ya'u tate saran paassa mamate alawo'u riadianna wiakka naal᷊ihidda ere buatte Ta'u niola'a indi.

YEREMIA 23:29

Wisara-U naal᷊ihidda putungnga, wuṛṛu ere darupa apan maaṛṛimunsa'a watu!

2 KORINTUS 11:20

I yamiu mangke mammalan taumata mapataṛṛuallangngi yamiu, ara'e mangngapande manaranu wuṛṛu mangnganu auntunganna wuassi yamiu, ara'e mammendama ririne mattanggaṛṛanna wuassi yamiu wuṛṛu waṛṛani mamero si yamiu.

FILIPI 4:7

Ne paddarame wuassu Ruata apan tawe asunnannu taumata, sarun mallu'adda naungngu wuṛṛu ṛingiṛṛannu apan suete naaukka ringanni Kristus Yesus.