2 KORINTUS 10:4 - WUKE SUSI WATTI'U AL᷊AL᷊USASSA

⁴ Manga ahidda apan ipappaatti yami sulal᷊ummu manaran kami wal᷊inewe ahidda wuassu runia indi, arawe ahidda wuassu Ruata uataṛṛino. Ringannu manga ahidda udde i yami maṛṛimunsa'a manga tampa mangitou; i yami manniko'u manga patatatiakka

2 KORINTUS 10:4 Referans Kwoze

2 KORINTUS 6:7

wuṛṛu ringannu mabbatti'a watti'u Ruata wuṛṛu ringannu taṛṛinon Duata, i yami mapaal᷊iatta'a manungku i yami indi allangngu Ruata. I yami uaagassa apulu Ruata maola'a ahiddi ami ipamangalo ara'e ipannohassa wadangngi yami.

YEREMIA 1:10

Allo indi i Ya'u mangonggolla si'o taṛṛino su manga walahanna wuṛṛu manga araratuanna – taṛṛino ipanuwangnga wuṛṛu ipangema'a, tadea'u ipamaddo wuṛṛu ipamate, iapararisikka wuṛṛu ipassuanna.”

1 KORINTUS 2:5

I ya'u na'ola'a aroddi, tadea'u pangangimannu si Kristus tawe pinangiananne wuassu apanden taumata, ewe'e pinangiananne wuassu taṛṛinon Duata.

1 TIMOTIUS 1:18

Timotius, ana'u, Manara indi ta'u itantilla si'o, mannaungnga tanatan Duata apan niapaasingkatu manga nabi sulal᷊ummu jamaatta su ola'u ririnu. Ṛinone tanata udde maola'a wal᷊unna si'o sulal᷊ummu manaranu apan mapia.

ROMA 13:12

Ṛabbi maranite mal᷊iudda; wuṛṛu ete lai adio'a allote. Nariaddi mappianne i ite mangillol᷊o ma'ola'a inolaanna apan marandumma. I ite ṛinone mapaasuungngu watanganni ite ringannu ahiddu asasemakka.

1 TESALONIKA 5:8

Arawe i ite indi manga taumata apan nasutta su allo apan masemakka; ana waugu ṛingiṛṛanni ite ṛinone masemakka. I ite ṛinone sidutu mangngimanna Mawu wuṛṛu mandangngu manga taumata waine wuṛṛu mangngantimma ringannu atonna manungku Ruata sarun manal᷊amatta si ite. Eteudde ahidda apan ual᷊indumma si ite sulal᷊ummu manara lumawangnga araranduma.

2 KORINTUS 4:7

Arawe darotongngu surga apan maṛṛamaga udde iaapiddi yami su wadangngi yami apan tawe aregane indi apan niola'a wuassu leta'a. Ringannu aroddi nilumiatta'e manungku awawantugu taṛṛino udde su Ruata wal᷊ine si yami.

ROMA 6:13

Arie lai i'o manantillu wageangngu wadangngu su taṛṛinon dosa ana waugu ipaatta su manga pandumanna apan lal᷊eo. Arawe tantila'e ririnu su Ruata ere taumata apan buatte niingkata wuassu papate watukku pabbiaṛṛanna. Tantila'e ahewallu ririnu su Ruata tadea'u ipaatta ma'ola'a apulu Duata.

2 KORINTUS 3:5

I yami tawe sambau pinangiananne mapaal᷊iatta'a manungku i yami wotongnge mammanara manara indi, arawe Ruata nangonggolu apande udde si yami.

DARALO 110:2

Wuassu Sion Mawu sarun manggewalla araratuannu; pamarentate manga seennu!

IBRANI 11:30

Ana waugu mangngimanna, manga taumatan Israel napaaṛṛa'a manga darandungu Yerikho napawe i mangitou namal᷊iwutta sulal᷊ummu pitu allo al᷊annune.

2 TIMOTIUS 2:3

I'o ṛinone sarun matataṛṛangnga lai ere tantaran Kristus Yesus apan matuṛṛutta.

WATTI'U MANGA RASUL 7:22

Al᷊awo'u apanden taumata Mesir niaṛṛa'a si tou wuṛṛu i tou naola'a taumata apan lembon taṛṛino sulal᷊ummu wisara wuṛṛu inolaanne.

YESAYA 30:25

Su allo manga tanda batu seennu nipangaloanna wuṛṛu manga taumatane nipate, suapan bowone wuṛṛu wuidda sarun mapa'elekku eṛṛesannu sal᷊ukka.

YOSUA 6:20

Ana see manga imam nattiuppa trompene. Wuṛṛu aroddi manga taumatan Israel naaringikka tingikku trompeta udde, i mangitou hinumio ma'ikka-ikkata, ana see darandungu soan Yerikho naṛṛa'a. Anambon tantaran Israel lapiddu niumawitta, wuṛṛu sinumutta su soa udde ana see nangaṛṛote.

2 KORINTUS 13:10

Ana waugu udde, i ya'u namoṛṛettu suratta indi su tempo i ya'u taambe uatana'a su pattangnganni yamiu. Ringannu aroddi, amungkangngu i ya'u rumantate, i ya'u tawe mamarenta ringannu maṛṛagissa su saruanni yamiu ringannu taṛṛino apan nionggolu Mawu si ya'u. Taṛṛino udde nionggola ipannohassa pangangimanni yamiu, wal᷊inewe ipandal᷊eo si yamiu.

1 KORINTUS 9:7

Taweddu sangkatou tantara apan ṛinone madea'a pabbawiakke sassane sulal᷊ummu amul᷊annu tantara udde! Tawe mabbawailla apan massuannu anggore su waille see tawe umanna wuan anggore wuassu waille udde! Tawe mandariaga apan mappadul᷊i domba, see tawe ma'inumma susu wuassu manga dombane udde!

YEREMIA 23:29

Wisara-U naal᷊ihidda putungnga, wuṛṛu ere darupa apan maaṛṛimunsa'a watu!

2 KORINTUS 10:8

I ya'u tawe masili amungkangngu i ya'u mannamboanna mamarabungan taṛṛino apan buatte nionggolu Mawu si yami, ana waugu taṛṛino udde nionggola ipangapia si yamiu, wal᷊inewe ipandal᷊eo.