2 KORINTUS 10:14 - WUKE SUSI WATTI'U AL᷊AL᷊USASSA

¹⁴ Nariaddi, su tempo i yami nattembo si yamiu wuṛṛu nangapiddu Watti'u Al᷊al᷊uassa su ola'i Kristus si yamiu, i yami tawe nallinga passarannu leta'a pammanaranni yami.

2 KORINTUS 10:14 Referans Kwoze

1 TIMOTIUS 1:11

Al᷊aṛṛa'a udde niasombanganna sulal᷊ummu Watti'u Al᷊al᷊uassa apan pananal᷊iawukke tinantilla si ya'u, eteudde Watti'u Al᷊al᷊uassa wuassu Ruata apan mawantuga wuṛṛu ṛinone raloanna.

1 KORINTUS 4:15

Ana waugu ete i ya'u naola'a iamangngi yamiu, salaiwe asinungka ere taumatan Saṛṛani, yamiu uatahuante mapul᷊o ṛiwu su atoune huru. Sulal᷊ummu wiakku ere manga taumata apan uaaukka ringanni Kristus, i ya'u naola'a iamangngi yamiu, ana waugu ete i ya'u nangapiddu Watti'u Al᷊al᷊uassa si yamiu su ola'i Kristus.

ROMA 1:16

I ya'u mangngimanna atonna Watti'u Al᷊al᷊uassa udde, ana waugu Watti'a udde atatohassu Ruata ipanal᷊amatta anambon taumata apan mangngimanna; paarorone taumatan Yahudi, wuṛṛu walahanna waine lai.

KOLOSE 1:5

I yamiu mangngimanna wuṛṛu i yamiu marangngu, ana waugu mangngantimma apa apan suete nissaddian Duata su surga hunan kamiu. I yamiu suete naaringikka su olangnge udde, su tempo Watti'u Al᷊al᷊uassa udde niapaasingkata si yamiu.

2 KORINTUS 4:4

Monganna lal᷊eo apan uaparenta runia indi nakkapingnga ṛingirannu manga taumata apan tawe mangimanna udde. Monganna apan sidutu mannal᷊are si mangitou tadea'u i mangitou tawe maasilo semakka wuassu Watti'u Al᷊al᷊uassa udde, su ola'u awawantugi Kristus, apan naola'a lihiddu Ruata.

2 KORINTUS 2:12

Su tempo i ya'u na'omate su Troas ringannu pandumanna mabbatti'u Watti'u Al᷊al᷊uassa su ola'i Kristus, Mawu buatte namu'a lal᷊anna si ya'u ipammanara su tampa udde.

1 KORINTUS 2:10

Arawe Ruata buatte napaal᷊iatta'a si ite sulal᷊ummu Ghaṛṛaho-Ne. Ghaṛṛahon Duata udde mammarikissa sarangkanambone, na'oman sara manga pandumannu Ruata apan uawuni.

ROMA 2:16

Ete aroddi sarun mariaddi su allo apan suete tinantunna udde. Su allo udde – tumuṛṛuttu Watti'u Al᷊al᷊uassa apan ta'u niwatti'a – Ruata sulal᷊ummi Yesus Kristus, sarun mamarikissa al᷊awo'u addapingngu naungnga wuṛṛu ṛingiddu anambon taumata.

WATTI'U MANGA RASUL 20:24

Arawe i ya'u ma'ielem bagga ringannu wia'u indi, sambal᷊iate i ya'u napanginsue manara apan tinantillu Mawu Yesus si ya'u wuṛṛu sambal᷊iate i ya'u maatuṛṛutta na'oman sara pangudusannu wia'u ipammasingkattu Watti'u Al᷊al᷊uassa udde su ola'u darangngun Ruata.

MARKUS 1:1

Ete indi Watti'u Al᷊al᷊uassa su ola'u Mawu Yesus Kristus, Ana'u Ruata.

1 KORINTUS 3:10

Ringannu apapande apan nionggolu Ruata, i ya'u ere sangkatou taṛṛa ola'a wal᷊e buatte nangaddon rapappaku wal᷊e udde, wuṛṛu taumata waine mapararisikku wal᷊e so wowon rapappake udde. Suapan taumata ṛinone manutukka mapia-pia ereapa i tou mapararisikka su rapappake udde.

ROMA 16:25

Daralo su Ruata! I Tou uataṛṛino mannohassa pangangimannu tuṛṛangnga nassul᷊ungngu Watti'u Al᷊al᷊uassa wuassu Ruata apan ta'u iapaasingkatta su ola'u Yesus Kristus. I ya'u namasingkatu watti'a udde nassul᷊ungngu ere apa apan niapaal᷊iatta'u Ruata; eteudde su ola'u paa'apulun Ruata apan mal᷊annute awaganannu taumata.