2 KORINTUS 10:1 - WUKE SUSI WATTI'U AL᷊AL᷊USASSA

¹ Orassa indi ya'u, Paulus, maapulu mabbal᷊on sambau hatto si yamiu. I ya'u indi, unnu taumata, masaṛṛionto'a amungkangngu uasasaruanna ringanni yamiu, arawe waṛṛani amungkangngu mararau. Ne ana waugu asasaṛṛionto'a wuṛṛu apapia naungngi Kristus,

2 KORINTUS 10:1 Referans Kwoze

2 KORINTUS 10:10

Taumata mabbisara, “Manga suratti Paulus udde maṛṛagissa wuṛṛu maṛṛaubba, arawe amungkangngu i tou sassane udde su pattangnganni ite, naungnge masaṛṛionto'a wuṛṛu manga wisarane tawe atappasanne saran kadio'a!”

MATIUS 11:29

Tuṛṛutte parenta-U wuṛṛu pattannote pallal᷊agu-U. Ana waugu i Ya'u indi masaṛṛionto'a wuṛṛu mawawo naungnge, ne i yamiu sarun maapendamma asasunge atatahul᷊andimma.

GALATIA 5:2

Paanaunge, amungkangngu i yamiu madorongnga maisunatta, udde mangal᷊ene Kristus tawe gunane si yamiu. Nabbisara wisara indi, eteudde i ya'u sassane, Paulus.

ROMA 12:1

Manga tuṛṛangnga! Ruata tumaniten mapia si ite. Ana waugu udde ya'u sumal᷊ande si yamiu ringannu ahewallu naungnga tadea'u i yamiu manantillu wadangngi yamiu maola'a sambau sasamba apan wiakka su Ruata sassane wuṛṛu maal᷊uassa naung-Nge. Patataṛṛamawunu su Ruata ṛinone lai aroddi.

2 KORINTUS 11:30

Ne, amungkangngu i ya'u mammarabungan sambau inolaanna, ne i ya'u mammarabunga manga inolaanna apan mapaal᷊iatta'u al᷊allome'u.

1 KORINTUS 2:3

Su tempo i ya'u suadio'a ringanni yamiu, i ya'u lome wuṛṛu mangngindon atata'utta.

SONDAPPA 1:9

I ya'u Yohanes, tuṛṛangu apan mal᷊uassa wuṛṛu massusa suadio'a ringanni yamiu sulal᷊ummu asasusa apan naṛṛia'a su mallal᷊aṛṛenggenni Kristus. I ite masabare matataṛṛanga ana waugu walahanna pussa'a-Ne. I ya'u niramme su Patmos ana waugu i ya'u mammasingkatu tanatan Ruata, apan tinohassu Mawu Yesus sulal᷊ummu tiala-Ne.

1 PETRUS 2:11

Manga tuṛṛangnga apan arangnguanna! I yamiu uddewe taumata lumal᷊o'a wuṛṛu mattindaho su runia indi. Ana waugu udde i ya'u sumal᷊ande si yamiu tadea'u i yamiu tawe tumuṛṛutta apulun taumata apan sidutu uapapangalo lullawangnga ṛimuudda.

FILEMON 1:9

Arawe ana waugu i ya'u marangngu si'o, i ya'u tumba'u maddorongnga. I ya'u indi sangkatou timmadde wuṛṛu orassa indi ta'e tataṛṛanganna sulal᷊ummu tuttupanna ana waugu Kristus Yesus.

2 TESALONIKA 3:17

Tabea wuassi ya'u, Paulus. I ya'u sassane namoṛṛetu wageangnge indi. Ete indi tiala apan ta'u niwoṛṛeta sulal᷊ummu anambon suratta niwoṛṛe'u.

EFESUS 4:1

Ana waugu udde i ya'u – sangkatou taumatan ṛuumanna, apan nitaṛṛanganna ana waugu mangngimbe Mawu – sussal᷊ande si yamiu: pabbiakke uasulungngu ere io sangkatou taumata apan suete niwagoannu Ruata.

GALATIA 4:13

Asinungka i yamiu ta'e maanaungnga apa apan naa'ola'a si ya'u paarorone namasingkatu Watti'u Al᷊al᷊uassa udde si yamiu. Panattaṛṛanne ana waugu i ya'u nirumadda'a.

2 KORINTUS 12:5

Ete su ola'u taumata udde apan ta'u ipammunga, wal᷊ine su ola'u wadangku sassane. Su ola'u wadangku sassane, tumba'u manga inolaanna apan mapaal᷊iatta'u al᷊allome'u eteudde apan ta'u ipammunga.

2 KORINTUS 11:21

I ya'u massili manga'u manungku i yamiu tumaniten lome ma'ola'a ereudde. Arawe apa apan ilalluassu taumata waine ringannu waṛṛani, ya'u lai waṛṛani! (I ya'u mabbisara ere taumata woddo).

2 KORINTUS 10:7

Ṛinone i yamiu maatutukka inolaanna apan atonna. Amungkangngu sangkatou mangngimanna manungku i tou tatahuananni Kristus, ṛinone i tou managu watanganne sassane wuṛṛu manualaga manungku i yami lai tatahuananni Kristus ere lai i tou.

2 KORINTUS 10:2

i ya'u sumal᷊ande arie mamata'u ma'ola'a tumaniten maṛṛagissa si yamiu napawe manga taumata apan mabbisara manungku i yami mammanara ana waugu apulun runia indi.

2 KORINTUS 7:4

I ya'u mangngimanna atonna si yamiu. Wuṛṛu lai ya'u mal᷊uassa atonna si yamiu! Salaiwe i yami naasomba manambo asasusa, naungku nal᷊uassa ana waugu i yamiu. Naungku lembon lulluassa!

2 KORINTUS 6:1

Ana waugu i yami mammanara suadio'a ringannu Ruata, ne i yami sumal᷊ande arie i yamiu ma'ola'a tawe gunane apapia naungngu Ruata udde.

2 KORINTUS 5:20

Nariaddi ete i yami udde daroloṛṛanni Kristus. Sulal᷊ummi yami Ruata nabbal᷊on tanata-Ne. Sulal᷊ummu aranni Kristus i yami sumal᷊ande, sengkamawe liman Duata apan namalan kamiu uaaukka apia ringanni Tou.

2 KORINTUS 3:12

Ana waugu i yami uatahuanna antimma ereudde, ne i yami waṛṛani mabbisara aroddi.

1 KORINTUS 4:10

Ana waugu Kristus, ete i yami indi taumata woddo, wuṛṛu i yamiu taumatan Saṛṛani apan pande! I yami lome, i yamiu matohassa, i yami aal᷊uandahanna, wuṛṛu i yamiu raddaloanna!

ROMA 15:15

Arawe su ola'u manga inolaanna apan suete nitantunna, i ya'u mapaanaungnga si yamiu ringannu atonna sulal᷊ummu suratta indi, ana waugu Ruata buatte nangonggolu manara udde si ya'u.

ROMA 10:20

Yesaya lembon waṛṛani lai. I tou nabbisara, “Arendi lai unnu Ruata, ‘Manga taumata tawe madea'a si Ya'u, buatte nassomba-U; wuṛṛu i Ya'u nattingkapasilon riri-U si mangitou apan tawe maiwal᷊o-U.’ ”

WATTI'U MANGA RASUL 8:32

Ete indi tatialane apan iwabbasan Tou, “I Tou naal᷊ihida ere domba apan aehetanna inai pototanna, naal᷊ihida ere ana'u domba apan tawe ṛumeo'a amungkangngu wambul᷊une huntinganna, ete aroddi i Tou tawe nabbisara saran sangka paddi.

MATIUS 21:5

“Wal᷊oa'a su Sion, Ratunu tantal᷊anna rudanta ringanni yamiu I tou masaṛṛionto'a wuṛṛu uasa'e sambau keledai, sambau ana'u keledai saṛṛen tumuwo.”

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

DARALO 45:4

Peta'e hal᷊elenu su lawassa, ei ratu apan matohassa, i'o tumaniten mawantuga wuṛṛu nilumiatta'a!

1 KORINTUS 4:21

Nariaddi pamilete apa ipaapulun kamiu! Apa i yamiu maapulu i ya'u rumanta mangaṛṛa'a ringannu maṛṛagissa ara'e i ya'u rumanta mangaṛṛa'a ringannu masi'ome wuṛṛu marangngu?

EFESUS 3:1

Ana waugu udde i ya'u Paulus, nitaṛṛo su tuttupanna ana waugu Kristus Yesus maola'a hunan kamiu taumata wal᷊ine Yahudi.

FILIPI 4:5

Ṛinone anambon taumata wotongnge maasilo pallal᷊agu naungngu apan mapia. Ana waugu tate mal᷊annu lai Mawu sarun dumanta.

KOLOSE 1:23

Arawe i yamiu ṛinone sidutu matuṛṛutta mangngimanna wuṛṛu matohassa uarisikka su pangangimannu. Imbaṛṛanga i yamiu mamallosu antimma apan suete nionggolla si yamiu su tempo i yamiu nanengkamma Watti'u Al᷊al᷊uassa wuassu Ruata. Watti'a udde suete niapaasingkata su anambon taumata su ahewallu runia. Wuṛṛu ana waugu udde lai ya'u, Paulus, naola'e darol᷊oṛṛan-Ne.

FILEMON 1:19

Ne, mappianne i ya'u mamoṛṛeta sassane isindi: I ya'u Paulus, sarun mamaekka sarangkanambone. (Salaiwe tate ta'u iapaanaungnga manungku i'o sassane lai nabbalassa si'u, eteudde wiakku apan wakku ere sangkatou taumatan Saṛṛani.)