2 KORINTUS 1:7 - WUKE SUSI WATTI'U AL᷊AL᷊USASSA

⁷ I yami sidutu mangngimanna wuṛṛu tawe humago'a su ola'i yamiu, ana waugu i yami masingkata manungku i yamiu lai suadio'a uatataṛṛanga ringanni yami. Wuṛṛu ana waugu udde i yamiu lai nitohassa suadio'a ringanni yami.

2 KORINTUS 1:7 Referans Kwoze

YAKOBUS 1:12

Lal᷊umanna'a su taumata apan masabare su tempo i tou naasomba wawono'a. Ana waugu napawe i tou naataṛṛanga wawono'a udde, i tou sarun manengkamma lal᷊antake, eteudde wiakka apan suete pina'iren Duata su manga taumata apan mandangngu Ruata.

2 TIMOTIUS 2:12

Amungkangu i ite sidutu matammuda, i ite sarun mamarenta lai suadio'a ringanni Tou. Amungkangu i ite massinaadi Tou, I Tou lai sarun massinaadi ite.

2 KORINTUS 12:20

I ya'u sussinggawangnga manungku su tempo i ya'u mattembo si yamiu, i ya'u naaratingnga tawe ere apa apan aantimangku. Aṛṛengenne aratinganna piaddu uawawul᷊o, naungnge lal᷊eo, naungnge mal᷊oso, tumba'u madea'a hausannu watanganne, uaaumbilangnga, mappawawul᷊o, mawunga wuṛṛu ma'ola'a patatatiakka.

2 KORINTUS 7:9

Arawe i ya'u orassa indi lulluassa – wal᷊ine ana waugu naungngu nasusa, ewe'e ana waugu asasusanu udde naawal᷊u pallal᷊agunu. Atonna asasusanu udde su lal᷊annu apulun Duata. Nariaddi, yami tawe namoddo si yamiu.

1 KORINTUS 10:13

Al᷊awo'u wawono'a apan niasombanganni yamiu, eteudde wawono'a apan masokkate niapendamannu taumata. Arawe Ruata sidutu uaaggasa paaire-Ne. I tou maddiri mamalanu wono'anna nangillembo wuassu pangangimanni yamiu. Su tempo i yamiu nia'omannu wawono'a, i Tou sarun mamantingiddu lal᷊anna si yamiu tadea'u maola'a matohassa wuṛṛu i yamiu wotongnge maataṛṛangnga.

MATIUS 23:30

Wuṛṛu i yamiu mabbisara, ‘Unnu wisara i yami mabiakka su tempon iupungngu al᷊amonang kami dorone, i yami tawe tinumantalongnga ringanni mangitou namate manga nabi.’

2 TIMOTIUS 3:11

I'o naasilote si ya'u sassansaranna wuṛṛu i ya'u uatataṛṛanga. I'o masingkatu anambon apan nariaddi si ya'u su Antiokhia, su Ikonium, wuṛṛu su Listra; wuṛṛu i'o masingkata lai anambon asasusa'u! Arawe Mawu nanal᷊amatta si ya'u wuassu sarangkanambone udde.

SONDAPPA 1:9

I ya'u Yohanes, tuṛṛangu apan mal᷊uassa wuṛṛu massusa suadio'a ringanni yamiu sulal᷊ummu asasusa apan naṛṛia'a su mallal᷊aṛṛenggenni Kristus. I ite masabare matataṛṛanga ana waugu walahanna pussa'a-Ne. I ya'u niramme su Patmos ana waugu i ya'u mammasingkatu tanatan Ruata, apan tinohassu Mawu Yesus sulal᷊ummu tiala-Ne.