2 KORINTUS 1:19 - WUKE SUSI WATTI'U AL᷊AL᷊USASSA

¹⁹ Ana waugu Yesus Kristus, Ana'u Ruata, apan nipaasingkati Silas, Timotius; wuṛṛu i ya'u sassane lai, wal᷊inewe taumata “Ore” wuṛṛu “Tawe”. Arawe udde naaola'a sasimbakka “Ore” wuassu Ruata.

2 KORINTUS 1:19 Referans Kwoze

IBRANI 13:8

Yesus Kristus uasul᷊ungnga, mapia rorone, orassa indi, wuṛṛu saran mal᷊annu-l᷊annu.

SONDAPPA 1:17

Su tempo i ya'u naasilo, i ya'u nassumaga su saruan-Ne ere taumata nate. Arawe i Tou namitan lima-Ne aikkatanna si ya'u see nabbisara, “Arie paata'utta! Ete i Ya'u apan paarorone wuṛṛu pangudusanne.

2 YOHANES 1:9

Taumata apan tawe uaaggassa al᷊aṛṛa'i Kristus, arawe sinumewada wuassu apa apan niaṛṛa'i Kristus, taumata udde tawe maatuahanna Ruata. Taumata apan siddutu uatundeeta su al᷊aṛṛa'i Kristus, atappasanne uatahuanna Ruata Iamangnga aroddi lai Ana'a.

SONDAPPA 2:18

“Su mala'ekattu jamaatta su Tiatira, woṛṛetta'a arendi: Ete indi tanata wuassu Ana'u Ruata, apan mata-Ne lukkenggama naal᷊ihida putungnga, wuṛṛu ledda-Ne lukkena naal᷊ihidda witu'a nitambuna.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.

SONDAPPA 1:8

“Ete i Ya'u apan paarorone wuṛṛu pangudusanne,” wisaran Mawu Ruatan, apan nirumanta, apan nirumantate, wuṛṛu nirumanta sarangkal᷊o'engnge, Apan Lembon Taṛṛino.

WATTI'U MANGA RASUL 18:5

Napawe i Silas wuṛṛu i Timotius naranta wuassu Makedonia, i Paulus nappaattu anambon allone mammasingkattu Watti'a wuassu Ruata su manga taumatan Yahudi manungku Mawu Yesus udde Ratum Punnu Sal᷊amatta apan suete pina'iren Ruata.

SONDAPPA 1:11

Tingikka udde nabbisara, “Woṛṛetta'a apa apan niasiloannu, wuṛṛu onggol᷊a'a wuke udde su pitu jamaatta apan isassago indi: Efesus, Smirna, Pergamus, Tiatira, Sardis, Filadelfia, wuṛṛu Laodikia.”

1 YOHANES 1:3

Apa apan suete niasiloanna wuṛṛu niaringiṛṛani yami, eteudde lai apan iappasingkati ami si yamiu, tadea'u i yamiu suadio'a ringanni ami wotongnge maapendamma wiakka uaaukka ringannu Iamangnga wuṛṛu ringannu Anang-Nge Yesus Kristus.

2 PETRUS 1:17

I yami poiaroddi su tempo i Tou niaddatanna wuṛṛu niwantuhannu Ruata Iamangnga. Su tempo udde niaringiṛṛana tingikka wuassu Apan Lembon Mawantuga, nabbisara si Tou, “Ete indi Ana'u arangnguang-Ku. I Tou maal᷊uassa naung-Ku!”

IBRANI 1:11

Sarangkanambone udde sarun mawul᷊i, wuṛṛu mabbal᷊i tabbe ere laubba; arawe I'o sarun tawe mawal᷊i.

WATTI'U MANGA RASUL 15:22

Manga rasul wuṛṛu manga piaṛṛangnge, su sampunna ringannu jamaatta udde naṛṛawessa mamile manga pirang katou taumata wuassu wallatti mangitou apan sarun irolokka watukku Antiokhia suadio'a ringanni Paulus wuṛṛu i Barnabas. I mangitou namile si Silas wuṛṛu si Yudas apan isassago lai i Barsabas. Taumata darua indi paarorone su wallattu manga taumata mangngimanna su Yerusalem.

WATTI'U MANGA RASUL 9:20

I tou lapiddu rudanta su manga wal᷊em pattataṛṛamawuanna wuṛṛu mannattake mabatti'a manungku ete Mawu Yesus udde Ana'u Ruata.

WATTI'U MANGA RASUL 8:36

Su pattangngannu amatanne, itarua na'omate su sambau tampa pia ua'e. Tembonanne udde nabbisara, “Pa'ellega udde pia ua'e! apa lai auranganne tadea'u i ya'u saṛṛanianna?” [

YOHANES 20:31

Arawe sarangkanambone indi niwoṛṛetta, tadea'u i yamiu mangngimanna manungku Mawu Yesus eteudde Ratu Punnu Sal᷊amatta, Ana'u Ruata, wuṛṛu ana waugu mangngimanna si Tou, i yamiu naasomba wiakka.

YOHANES 19:7

Manga taumatan Yahudi udde sinumimbakka, “Tumuṛṛuttu titan kami, i Tou ṛinone pateanna ana waugu i Tou mangnga'u watangan-Ne Ana'u Ruata.”

YOHANES 8:58

Mawu Yesus sinumimbakka, “Atonna i Ya'u mabbisara si yamiu: Tantal᷊anna i Abraham taambe niasungkangnga, i Ya'u nariaddite.”

YOHANES 6:69

I yami mangngimante wuṛṛu naatutukke manungku ete Mawu darol᷊oṛṛanna apan naukkassa wuassu Ruata.”

YOHANES 3:16

Ana waugu Ruata aroddi arangngune su taumatan runia indi, na'oman sara i Tou nanantillu Anang-Nge tinggassa, tadea'u suapan taumata apan mangngimanna si Tou tawe mate, ewe'e maasomba wiakka tutune wuṛṛu saran mal᷊annu-l᷊annu.

YOHANES 1:49

“Iamangnga Huru,” unni Natanael, “Iamangnga eteudde Ana'u Ruata! Ete Iamangnga Ratum walahannu Israel!”

YOHANES 1:34

I ya'u suete naasilo sassane,” unni Yohanes, “wuṛṛu ya'u mangonggolu tatiala manungku ete i Tou Ana'u Ruata.”

LUKAS 1:35

Mala'ekatta udde sinumimbakka, “Ghaṛṛahon Ruata sarun rumanta si'o, wuṛṛu taṛṛinon Ruata sarun mangintaṛṛo si'o. Ana waugu udde ana'a apan sarun iunsiwenu udde sarun isago Naukkassa, Ana'u Ruata.

MARKUS 1:1

Ete indi Watti'u Al᷊al᷊uassa su ola'u Mawu Yesus Kristus, Ana'u Ruata.

MATIUS 27:54

Tembonannu tantara wuṛṛu manga tantara apan tantal᷊anna uariaga Mawu Yesus, mangke matta'utta su tempo naapendamma linukka wuṛṛu al᷊awo'u apa apan suete nariaddi udde. I mangitou nabbisara, “Atonna, i Tou indi Ana'u Ruata!”

MATIUS 27:40

I mangitou mabbisara, “I'o apan manggohakku Wal᷊e Mawu, wuṛṛu mapararisikka apia sulal᷊ummu tallu allo! Amungkangngu I'o Ana'u Ruata, lintukke wuassu alu arussa udde, wuṛṛu panal᷊amatte riri-Nu!”

MATIUS 24:35

Langitta wuṛṛu runia sarun mawul᷊i, arawe wisara-U ma'oman sara mal᷊annu-l᷊annu.”

MATIUS 17:5

Tantal᷊anna i Petrus ta'e mabbisara, winabbawa apan masemakka atonna nangooppa si mangitou wuṛṛu wuassu winabbawa udde niaringiṛṛanna tingikka apan nabbisara, “Ete indi Ana'a arangnguang-Ku, i Tou ma'al᷊uassa naung-Ku. Daringiṛṛe i Tou!”

MATIUS 3:17

Wua'udde niaringikka tingikku Ruata nabbisara, “Ete indi Ana'u apan arangnguanna, i Tou ma'al᷊uassa naung-Ku.”

DARALO 2:7

Unnu ratu, “I ya'u maapulu mamasingkattu apa apan buatte nitantunu Mawu. wisara-Ne si ya'u, ‘I'o ana-U esakka, allo indi i Ya'u maola'a Iamangu.

SASABANGNGA 3:14

Unnu Ruata, “I Ya'u eteudde I YA'U INDI. Eteindi apan iwisaranu su balahannu Israel, i Tou apan isassaggo I YA'U INDI, buatte nandolo'u ringanni yamiu.

YOHANES 20:28

I Tomas nabbisara Mawu Yesus, “Mawu'u wuṛṛu Ruata'u!”

MATIUS 4:3

Setanna nirumanta wuṛṛu nabbisara, “I'o Ana'u Ruata? Ana waugu udde doloṛṛa'e manga watu indi maola'a roti.”

WATTI'U MANGA RASUL 16:1

Paulus nanassute amatanne watukku Derbe, wua'udde watukku Listra. Isudde pia sangkatou mallal᷊aṛṛenggennu Mawu Yesus aranne i Timotius. Inangnge sangkatou Yahudi, apan mangngimante Mawu Yesus; arawe iamangnge taumatan Yunani.

2 KORINTUS 1:1

Manga tuṛṛangnga jamaattu Ruata su Korintus wuṛṛu al᷊aṛṛana'u Ruata sarangkanambone su ahewallu leta'u Akhaya. I Ya'u Paulus, rasulli Kristus Yesus, apan nitenega wuassu apulun Duata, suadio'a ringannu tuṛṛangngi ite Timotius,

1 TESALONIKA 1:1

Manga tuṛṛangnga jamaatta su Tesalonika apan naola'a al᷊aṛṛana'u Ruata Iamangnga wuṛṛu Mawu Yesus Kristus: I yami, eteudde Paulus, Silas wuṛṛu Timotius mangngantimma doronganna Ruata mangonggolu al᷊amatta wuṛṛu paddarame si yamiu.

2 TESALONIKA 1:1

Manga tuṛṛangnga jamaatta su Tesalonika, apan naola'a walahannu Ruata Iamangngi ite wuṛṛu Mawu Yesus Kristus! Yami eteudde Paulus, Silas wuṛṛu Timotius

1 TIMOTIUS 3:16

Taweddu saran sangkatou wotongnge massinaada, aroddi ahewalle addapingu agaman kite: I tou namasilon batanganne sulal᷊ummu lihiddu taumata, wuṛṛu niapaal᷊iatta'u Ghaṛṛahon Duata, see aellehannu manga mala'ekatta. Wattinge niapararingikka su wallatu manga walahanna, wuṛṛu i Tou apangimananna su ahewallu runia wuṛṛu niapaasengkenga su surga.

1 PETRUS 5:12

Sura'u apan maautta indi ta'u niwoṛṛeta si yamiu ringannu sasumbalan Silas, apan aantimangku sangkatou tuṛṛangnga Saṛṛani apan matuṛṛuta. I ya'u maapulu mangonggolu sasasa si yamiu, wuṛṛu manohassa pangangimanni yamiu manungku apa apan ta'u niwoṛṛeta indi watti'a atonna su ola'u darangngun Duata. Ṛinone i yamiu mangke uaantimma su darangngu udde.