2 KORINTUS 1:15 - WUKE SUSI WATTI'U AL᷊AL᷊USASSA

¹⁵ Ana waugu ete pangangimanna udde i ya'u paarorone maapulu mattembo si yamiu tadea'u i yamiu maasomba al᷊amatta paarua anambone.

2 KORINTUS 1:15 Referans Kwoze

1 KORINTUS 4:19

Arawe amungkangngu Mawu mamala'u, tate mal᷊annu lai ya'u rumanta ringanni yamiu. Su tempo udde lai ya'u sarun maasilo apa apan a'olaannu taumata mawunga udde; wal᷊ine tumba'u wisara mangitou sassane.

ROMA 1:11

Ana waugu i ya'u mangke maapulu atonna maisasomban kamiu tadea'u i ya'u wotongnge mattahia darangngu wuassu Ghaṛṛahon Duata ipannohassa si yamiu.

ROMA 15:29

Amungkangngu i ya'u rumanta ringannu, sulal᷊ummete i ya'u rumanta mangapiddu manambo al᷊amatta wuassi Kristus si yamiu.

2 KORINTUS 6:1

Ana waugu i yami mammanara suadio'a ringannu Ruata, ne i yami sumal᷊ande arie i yamiu ma'ola'a tawe gunane apapia naungngu Ruata udde.

1 KORINTUS 11:34

Amungkangngu piaddu mal᷊unussa, i tou ṛinone umanna asuene su wal᷊e. Amungkangngu i yamiu maddaringikka al᷊aṛṛa'a indi, ammul᷊annu pamamisanu tawe mapaarantan ṛuumanna wuassu Ruata su wadangngi yamiu sassane. Su ola'u manga hatto apan waine, sarun ital᷊aa'u si yamiu, amungkangngu i ya'u rumanta isindi.

MATIUS 1:19

I Yusuf, tunangane udde, eteudde sangkatou apan sidutu tuttuṛṛutta titan agama. Nariaddi i tou mappulute mamassutta patatunangan tarua, arawe ringannu mal᷊anna-l᷊annaba, tadea'u i Maria tawe masili su saruannu awadaalla.

1 KORINTUS 16:7

I ya'u maddiri mattembo si yamiu amungkangngu tumba'u umotongnga tal᷊ang kadio'a. Amungkangngu Mawu mamala'u, i ya'u maapulu matana'a mal᷊annu ringanni yamiu.

2 KORINTUS 12:14

Orassa indi paatallute i ya'u nasaddiate inai mattembo si yamiu. Wuṛṛu i ya'u maddiri mapaasusan kamiu, ana waugu apulu'u wal᷊inewe apa apan tatahuananni yamiu, ewe'e ririnu. Ana waugu wal᷊ine al᷊aṛṛana'a apan maddea'a wiakka iapaanna su hagurangnge, ewe'e ete hagurangnga udde mappadul᷊i al᷊aṛṛanangnge.