2 KORINTUS 1:12 - WUKE SUSI WATTI'U AL᷊AL᷊USASSA

¹² I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

2 KORINTUS 1:12 Referans Kwoze

1 KORINTUS 2:13

Ana waugu udde amungkangngu i yami mannal᷊a'a manga inolaannu Ruata su manga taumata apan pia Ghaṛṛahon Duata, i yami maddiri mamasingkata tumuṛṛuttu apapanden taumata, ewe'e tumuṛṛuttu al᷊aṛṛa'u Ghaṛṛahon Duata.

2 KORINTUS 2:17

I yami tawe naal᷊ihida ere taumata nambo apan ma'ola'a Watti'u Ruata ere saranapa wal᷊u'anna. Manga pandumanni yami udde waresi, ana waugu i yami nirolokku Ruata. Wuṛṛu Ruata sassane ua'ellega manungku i yami mammasingkatu watti'a udde naola'a allangngi Kristus.

1 TESALONIKA 2:10

I yami mabbiakka ringannu na'ukkassa, su ṛinone wuṛṛu tawe angngone su saruanni yamiu apan mangngimante si Kristus. Ete i yamiu udde naola'a tialan kami; aroddi lai Ruata.

1 PETRUS 3:21

Ne riadianna udde naola'a sambau sasumandinga wuassu sasaṛṛani apan orassa indi mannal᷊amatta si yamiu. Sasaṛṛani indi wal᷊ine sambau lal᷊agu ipammaresi wadanga wuassu anambon luhuda, ewe'e maola'a sambau paairenu su Ruata wuassu lal᷊ummu naungnga apan mapia. Sasaṛṛani udde mannal᷊amatta si yamiu ana waugu Yesus Kristus suete nabbiakka apia wuassu papate,

IBRANI 13:18

Sidutua'e umal᷊iomanni yami. I yami mangngimanna lal᷊ummu naungngi yami waresi, ana waugu sulal᷊ummu al᷊awo'u manara, i yami sidutu ma'apulu ma'ola'a apa su ṛinone.

2 KORINTUS 8:8

I ya'u tawe nandolokka udde maola'a sambau parenta. Arawe ringannu namasilo aroddi aṛṛimadde taumata waine mantul᷊ungngu taumata sansul᷊ungnge, i ya'u lai maapulu maasingkata na'oman sara suapa, darangngunu.

2 KORINTUS 4:2

I yami tawe mappaattu inolaanna marandumma apan maasili. Yami maddiri mammanara ringannu mangngapande ara'e mammal᷊elongngu wisaran Duata. I yami mangngimbe Ruata ringannu naungnga apan matul᷊ida tumuṛṛuttu apulu-Ne. Ana waugu udde, i yami mangngantimma anambon taumata ma'ellega si yami ringannu mapia sulal᷊ummu naungnge.

1 KORINTUS 15:10

Arawe ana waugu al᷊amattu Ruata, i ya'u naola'a lai ere olangnge i ya'u orassa indi. Wuṛṛu talawe tawe gunane Ruata nangampunga si ya'u. Ewe'e ete i ya'u mammanara maṛṛimadda wuassu anambo manga rasul waine. Arawe udde ṛinone wal᷊ine ya'u mattinsahadda, udde sahaddu Ruata apan marangngu si ya'u wuṛṛu mammanara suadio'a ringangku.

WATTI'U MANGA RASUL 24:16

Ana waugu udde i ya'u sidutu ma'ola'a apapia, tadea'u naungku waresi su saruannu Ruata wuṛṛu waresi su saruannu taumata.

WATTI'U MANGA RASUL 23:1

I Paulus nanutudda manga mallaṛṛuungnga udde see nabbisara, “Manga tuṛṛangku! Na'oman sara allo indi ya'u tawe naapendamma sal᷊a su saruannu Ruata sulal᷊ummu naungku su ola'u i ya'u mabbiakka.”

AYUB 13:15

I ya'u nauutulle ana waugu niasueanten ṛingidda! Amungkangngu Ruata mappulute mamate si ya'u, i ya'u manantilla, arawe i ya'u sarun manahekku pallal᷊agu'u su saruan-Ne.

1 PETRUS 3:16

Arawe olaawe udde ringannu masaṛṛionto'a wuṛṛu aaddata. Wuṛṛu ṛinone lal᷊ummu naungngu waresi, tadea'u amungkangu i yamiu al᷊uandahanna ana waugu i yamiu mabbiakka ringannu mapia ere tumatantalongngi Kristus, ne taumata apan mangngal᷊uandaga udde sarun masili sassane.

1 TIMOTIUS 1:5

Pandumannu tatantiro'u udde tadea'u taumata wotongnge maatahuanna naungnga waresi, wuṛṛu lal᷊ummu naungnga apan susi, ana see atonna-tonna mangngimanna Mawu, wuṛṛu ringannu aroddi, wotongnge uararangngu sansul᷊ungnge.

FILIPI 1:10

Ringannu aroddi yamiu masingkatta mamile apa apan apianne, wuṛṛu wiakku na'ukkassa wuassu angngo ara'e al᷊awo'u aansilla su allo Kristus rumanta apia.

EFESUS 6:14

Ṛinone i yamiu mangke uatehamma. Paata'e tatuṛṛuta su Ruata maola'a aiitta lawassa, wuṛṛu atatul᷊idda maola'a laungngu wuassu atta'a.

GALATIA 6:4

Suapan taumata, ṛinone mamarikissa sassane apa pallal᷊agune mapia ara'e lal᷊eo. Amungkangu mapia, i tou wotongnge mamarabungan inolaanne udde. Arawe arie i tou manumandingi tou ringannu apa apan a'olaannu taumata waine.

2 KORINTUS 11:3

Arawe i ya'u sussinggawangnga ṛingiṛṛannu, sarun awono'anna tawe tumuṛṛutta si Kristus, ere Hawa paarorone lai inawono'annu atoanna.

2 KORINTUS 1:17

Arawe i ya'u buatte namal᷊u ṛiinna udde; ei, apa udde mapaal᷊iatta'a manungku naungku tawe matatana'a? Su tempo naṛṛiinna, apa i ya'u naṛṛiinna tumuṛṛuttu apulu'u sassane, tanal᷊anna'a addio'a mabbisara, “Ore”, wuṛṛu tanal᷊anna'a adio'a mabbisara “Tawe”?

1 KORINTUS 5:8

Nariaddi, wette i ite mapaawantugu andeangngi ite udde ringannu roti apan tawe ragine, eteudde roti apan naola'a sasumandingngu awawaresi, wuṛṛu al᷊awo'u apulun Duata. Arie i ite mallaghu andeangngu Paskah udde ringannu roti apan pia ragine tabbe, eteudde ragin paddarosa wuṛṛu al᷊al᷊eo.

1 KORINTUS 4:4

I ya'u tawe maapendama nassal᷊a sulal᷊ummu manga hatto, arawe udde wal᷊ine tatialane manungku i ya'u naṛṛinote. Mawu sassane manantungku i ya'u nassal᷊a ara'e tawe.

ROMA 9:1

Apa apan sarun iwisara'u indi atonna ana waugu i ya'u tatahuananni Kristus. I ya'u tawe mamahia. Naungku apan aehetannu Ghaṛṛahon Duata mannohassa si ya'u lai manungku wisara'u indi atonna.

YESAYA 38:3

“Mawu, naungewe manungku i ya'u indi buatte nattaṛṛamawu Si'o ringannu satia wuṛṛu naungnga matul᷊idda. I ya'u sidutu mattinsahadda tuttuṛṛutta apulu-Nu.” Wua'udde i Hizkia nilumuai ringannu massusa.

YOSUA 24:14

“Nariaddi, orassa indi,” unni Yosua nanassukku wisarane, “pangaddate Mawu. Pattaṛṛamawute si Tou ringannu naungnga mal᷊uassa wuṛṛu matammuda. Paaraua'a manga passasubba Mawu waine apan sassubannu iunpungngu al᷊amonanu tiwatta su Mesopotamia wuṛṛu su Mesir. Pattaṛṛamawute tumba'u su Mawu sassane.

YAKOBUS 4:6

Salaiwe aroddi, al᷊amattu Ruata apan nionggolla si ite mattohasanna wuassu apulun ghaṛṛahon kite udde. Ana waugu udde sulal᷊ummu Wuke Susi niwoṛṛeta lai, “Ruata mandooppa taumata mawunga, arawe inul᷊eanne i Tou mandangngu taumata apan naungnge mawawo.”

TITUS 2:7

Su al᷊awo'u inolaanna ṛinone i'o maola'a tul᷊adan pallal᷊agu apan mapia. Amungkangu i'o mangaṛṛa'a, ṛinone i'o tawe mamahia wuṛṛu atonna-tonna.

1 KORINTUS 1:17

Kristus nandolo'u wal᷊ine iapasaṛṛani taumata, ewe'e iapapasingkatu Watti'u Al᷊al᷊uassa wuassu Ruata; wuṛṛu udde lai sarun ta'u olaanna ringannu tawe mappaattu apande mabbisara ere ola'u taumata, tadea'u taṛṛino wuassu papateng Kristus su alu arussa maola'a pia gunane.

1 KORINTUS 12:8

Su sangkatou taumata, Ghaṛṛaho udde mangngonggolu apande ipabbisara ringannu saṛṛaungnga. Su taumata waine Ghaṛṛaho apan uasul᷊ungnga udde mangngonggolu apande ipanal᷊a'a su ola'u Ruata.

2 SAMUEL 22:22

I ya'u tuttuṛṛutta parentan Mawu, wuṛṛu tawe tumal᷊iudda Ruata'u.