1 YOHANES 5:14 - WUKE SUSI WATTI'U AL᷊AL᷊USASSA

¹⁴ Wuṛṛu i ite waṛṛani sumaruanna Ruata, ana waugu i ite mangngimanna manungku i Tou naddaringikka aal᷊iomanni ite, amungkangu i ite maddorongnga apa apan uatuṛṛuta su apulu-Ne.

1 YOHANES 5:14 Referans Kwoze

YOHANES 14:13

Wuṛṛu al᷊awo'u apa apan raddoronganni yamiu sulal᷊ummu arang-Ku, udde sarun olaang-Ku lai si yamiu, tadea'u Iamangnga wantuhanna sulal᷊ummu Ana'a.

YEREMIA 33:3

“Sal᷊andete si Ya'u, ne i Ya'u sarun sumimbakka; sarun Ta'u iapasingkatta si yamiu manga inolaanna apan maṛṛamaga wuṛṛu maatiangnga apan ta'e awaganannu.

YOHANES 15:7

Amungkangngu i yamiu sidutu uaaukka ringang-Ku wuṛṛu al᷊aṛṛa-U uatatana'a sulal᷊ummu naungngu, padorongke su Iamangnga apa apan ipaapulunu; darorongngu udde sarun suunganna.

MATIUS 21:22

Al᷊awo'u apa apan raddoronganni yamiu su aal᷊iomanni yamiu, i yamiu sarun manengkamma, sambal᷊iate i yamiu mangngimanna.”

DARALO 34:17

Arawe taumata apan ma'ola'a al᷊al᷊eo raddo'apan-Ne; amungkangu i mangitou nate, i mangitou mal᷊ihakka timbul᷊iananna.

YAKOBUS 4:3

Wuṛṛu amungkangu lai yamiu suete naddorongnga, i yamiu tawe maasomba lai, ana waugu tuddan darorongngu nassal᷊a; apa apan radoronganni yamiu udde tumba'u al᷊al᷊uassu watangannu sassane.

YOHANES 9:31

I ite masingkatta manungku Ruata tawe madaringikka taumata marosa, ewe'e taumata apan mangngaddatta Ruata, wuṛṛu tuttuṛṛutta apulu-Ne.

EFESUS 3:12

Ringannu mangngimanna si Kristus wuṛṛu ana waugu uaaukka ringanni Tou, i ite niwala wotongnge mangundanin Duata ringannu napenen pangangimanna.

YOHANES 16:24

Na'oman sara orassa indi yamiu taambe nadorongnga manga apa sulal᷊ummu arang-Ku. Padorongke, ne i yamiu sarun manengkamma, tadea'u al᷊al᷊uannu udde masuungnga.”

1 YOHANES 2:28

Nariaddi, al᷊aṛṛana'u, paasidutute mabbiakka uaaukka ringanni Kristus, tadea'u su tempo i Tou rumanta apia, i ite sumaruanna si Tou ringannu napenen kawawaṛṛani, wuṛṛu tawe ma'imbuni ana waugu massili.

AMSAL 15:29

Mawu maddaringikka napawe taumata mapia umal᷊iomanna, arawe i Tou tawe mappandumma taumata marosa.

YAKOBUS 5:16

Ana waugu udde, ṛinone i yamiu uaa'a'u pasasal᷊a wuṛṛu uaa'al᷊iomanna, tadea'u i yamiu iapaapia. Aal᷊iomannu taumata apan tuttuṛṛutta apulun Duata, pia taṛṛino apan wahewalla.

DARALO 69:33

Naasilo udde, taumata niallangnga lulluassa, taumata apan massubba Ruata naungnge wahewalla.

DARALO 31:22

Daralo su Mawu! Tumaniten maatiangnga darangngu-Ne si ya'u, sutempo i ya'u nitalliwunanna wuṛṛu nipangaloanna.

IBRANI 10:35

Ana waugu udde, arie naungnga maadio'a, ana waugu amungkangu i yamiu sidutu mangngimanna, ne pia lal᷊antakke apan bahewalla su inolaannu udde!

IBRANI 3:14

I ite sarangkanambone uddewe sanggaweanna sulal᷊ummu manara ringanni Kristus, sawal᷊iate saran pangudusanne i ite uaaggasa pangangimanna apan tatahuananni ite ro'en paarorone.

YOHANES 11:42

I Ya'u masingkatta I'o sidutu uararingikka si Ya'u, arawe I Ya'u mabbisara indi, hunane su manga taumata isindi; tadea'u i mangitou mangngimanna manungku ete I'o apan nandolo-U.”

AYUB 34:28

Waugu i mangitou taumata asiangnga sussal᷊iomanna lal᷊uain mangitou niaringiṛṛannu Ruata.

IBRANI 3:6

Arawe i Kristus matuṛṛuta ere sangkatou Ana'a apan uariaga Wal᷊en Ruata. Wuṛṛu ete i ite indi Wal᷊en Ruata, amungkangu i ite sidutu maṛṛimadda wuṛṛu sidutu mangngimanna maasomba apa apan aantimanni ite.

1 MARARATU 3:12

ne darorongngu udde sarun Ta'u suunganna. I Ya'u sarun ma'ola'a si'o lembon masingkatta wuṛṛu lembon pia apande wuassu anambon taumata, mawae sutempo nangkal᷊iu ara'e lai sutempo addantane.

DARALO 145:19

I Tou malluassa naungngu manga taumata ma'imanna; i Tou maddaringikka sasal᷊anden mangitou wuṛṛu nanal᷊amatta si mangitou.

AMSAL 10:24

Taumata masaṛṛionto'a maasomba apa apan ipaapulune; taumata lal᷊eo maasomba apa apan lembon iaata'unne.