1 YOHANES 4:4 - WUKE SUSI WATTI'U AL᷊AL᷊USASSA

⁴ Arawe Al᷊aṛṛana'u, i yamiu pussa'a Ruata. I yamiu suete napaaema'u manga nabi awusu, ana waugu Ghaṛṛaho apan tatahuananni yamiu lembon mataṛṛino wuassu ghaṛṛaho apan su taumata tatahuanannu runia indi.

1 YOHANES 4:4 Referans Kwoze

ROMA 8:31

Apa apan wotongnge iwisara orassa indi su ola'u sarangkanambone udde? Amungkangngu Ruata uasamba'a si ite, isai wotongnge lumawangnga si ite?

1 YOHANES 5:4

ana waugu suapan al᷊aṛṛana'u Ruata wotongnge maaroappa runia apan lal᷊eo indi. Wuṛṛu i ite mandoappa runia ringanu pangangimanni ite.

ROMA 8:37

Tawe! Ewe'e sulal᷊ummu sarangkanambone udde i ite naasomba auntunganna apan nasuungnga ana waugu i Tou apan niumakkani ite!

1 YOHANES 4:16

I ite sassane masingkata wuṛṛu mangngimanna darangngun Duata si ite. Ruata udde marangngu. Taumata apan wiakke paparentannu darangngu, taumata udde uaaukka ringannu Ruata, wuṛṛu Ruata uaaukka ringanni tou.

1 KORINTUS 2:12

Wuṛṛu i ite tawe nionggol᷊annu ghaṛṛahon dunia indi, ewe'e Ghaṛṛaho wuassu Ruata, tadea'u i ite masingkattu sarangkanambone apan buatte nionggolu Ruata si ite.

1 YOHANES 5:19

I ite masingkatta manungku i ite pussa'an Duata, salaiwe ahewallu runia indi su al᷊ungngu taṛṛinon Al᷊al᷊eo.

1 YOHANES 4:13

Ana waugu Ruata suete nangonggolu Ghaṛṛaho-Ne si ite, ne i ite masingkatte manungku i ite suete nabbiakka uaaukka ringannu Ruata, wuṛṛu Ruata mabbiakka uaaukka ringanni ite.

EFESUS 6:10

Pangudusanne, ṛinone i yamiu maola'a matohassa ringannu atatohassa apan niasombanganni yamiu wuassu Mawu, ana waugu i yamiu uaaukka ringanni Tou.

EFESUS 3:17

Doronganna ana waugu i yamiu mangngimanna si Kristus, Kristus matana'a sulal᷊ummu naungngu, wuṛṛu wiakku niwantanna wuṛṛu niparentannu darangngu.

SONDAPPA 12:11

Manga tuṛṛangi ite suete napaarugin tou ringannu ṛaṛṛan Ana'u Domba udde, wuṛṛu ringannu watti'a apan atonna wuassu Ruata apan niwatti'i mangitou. I mangitou mal᷊uassa nanantillu niawa mangitou ma'oman sara mate.

1 YOHANES 3:24

Anambon taumata apan tuttuṛṛutta manga parentan Duata, mabbiakka uaaukka ringannu Ruata, wuṛṛu Ruata uaaukka ringanni mangitou. Wuṛṛu i ite masingkata manungku Ruata mabbiakka uaaukka ringanni ite, ana waugu i Tou suete nangonggolu Ghaṛṛaho-Ne si ite.

YOHANES 12:31

Tempone nia'omante runia parikisanna; orassa indi tembonannu runia tate ipaatta.

YOHANES 17:23

I Ya'u ringanni mangitou, wuṛṛu Iamangnga ringang-Ku; tadea'u i mangitou atonna-tonna sambau. Ne runia indi sarun maasingkatta manungku ete Iamangnga apan nandolo-U, wuṛṛu manungku Iamangnga mandangngu si mangitou ere lai Iamangnga mandangngu si Ya'u.

1 YOHANES 4:6

Arawe ete i ite indi al᷊aṛṛana'u Ruata; wuṛṛu taumata apan maaillal᷊a Ruata, madaringikka wisaran kite. Taumata wal᷊ine pussa'an Duata maddiri maddaringikka wisaran kite. Aroddiwe olangnge i ite maasingkattu paṛṛalanne Ghaṛṛaho apan mangngonggolu al᷊aṛṛa'a apan atonna, wuṛṛu ghaṛṛaho apan mangngal᷊iwu.

2 KORINTUS 6:16

Apa sul᷊ungnge Wal᷊e Mawu wuṛṛu wal᷊em paal᷊uanna? I ite indi Wal᷊en Mawu, eteudde Ruata apan wiakka. Ruata sassane nabbisara, “I Ya'u sarun matana'a su pattangnganni mangitou, wuṛṛu mabbiakka suadio'a ringanni mangitou. I Ya'u sarun maola'a Ruata mangitou wuṛṛu i mangitou sarun maola'a al᷊aṛṛana-U.

1 YOHANES 2:13

I ya'u namoṛṛetu suratta indi si yamiu, manga iamangnga, ana waugu i yamiu maaillal᷊a si Tou apan uddete ro'en al᷊amonane. I ya'u namoṛṛetu suratta indi si yamiu, manga umbasanna maṛṛuala, ana waugu i yamiu suete nangema'i Al᷊al᷊eo.

1 KORINTUS 6:13

Piaddu lai mabbisara manungku anna tumba'u hunane su tianna, wuṛṛu tianna nissaddia pangadoannu anna. Arawe itarua udde tawe ipaattu Ruata. Wadangngu taumata tawe wotongnge ipaatta ipa'ola'a sandaga, ewe'e tumba'u hunane ipamantuga Ruata. Wuṛṛu Mawu sarun mappadul᷊i wadangnga udde.

EFESUS 2:2

Su tempo udde yamiu tuttuṛṛuta al᷊awo'u apulun dunia indi; eteudde i yamiu matuṛṛutta su tembonannu winalanganna, eteudde ghaṛṛaho apan marosa indi uaintaṛṛo sulal᷊ummu naungngu manga taumata apan maddiri tumuṛṛutta Ruata.

YOHANES 16:11

wuṛṛu manungku Ruata mannattake maṛṛuumanna, ana waugu tembonannu runia indi suete niṛṛuumanna.

2 KORINTUS 4:4

Monganna lal᷊eo apan uaparenta runia indi nakkapingnga ṛingirannu manga taumata apan tawe mangimanna udde. Monganna apan sidutu mannal᷊are si mangitou tadea'u i mangitou tawe maasilo semakka wuassu Watti'u Al᷊al᷊uassa udde, su ola'u awawantugi Kristus, apan naola'a lihiddu Ruata.

YOHANES 14:30

I Ya'u tate mabbisara manambo lai ringanni yamiu, ana waugu nia'omante tempone tembonannu runia indi rumanta. Arawe i tou tawe uataṛṛino su riri-U.

1 YOHANES 2:1

Al᷊aṛṛana'u! I ya'u namoṛṛetu indi si yamiu tadea'u yamiu tawe ma'ola'a rosa. Arawe amungkangu piaddu lai ma'ola'a rosa, ne i ite pia sangkatou sumasimbbake, eteudde Yesus Kristus apan matul᷊ida udde; i Tou sarun sumal᷊anden kite su saruannu Iamangnga.

1 YOHANES 3:20

I ite masingkata, manungku amungkangu i ite iapaasal᷊an naungngi ite, asingkatu Ruata maggewal᷊anne wuassu asingkattu naungngi ite, wuṛṛu i Tou masingkatu sarangkanambone.