1 YOHANES 3:7 - WUKE SUSI WATTI'U AL᷊AL᷊USASSA

⁷ Manga al᷊aṛṛana'u, arie mamalan taumata mamono'a si yamiu. Taumata apan tuttuṛṛutta apulun Duata, uddewe ana'u Ruata ere lai Kristus Ana'u Ruata.

1 YOHANES 3:7 Referans Kwoze

1 YOHANES 2:29

I yamiu masingkatte manungku Kristus mabbiakka tuttuṛṛuta apulun Duata. Ana waugu udde i yamiu ṛinone masingkatta lai manungku suapan taumata apan mabbiakka tuttuṛṛuta apulun Ruata eteudde lai ana'u Ruata.

ROMA 2:13

Ana waugu taumata mabelengnga apia ringannu Ruata, wal᷊ine ana waugu taumata udde buatte naasingkata titan agama Yahudi, ewe'e ana waugu i tou tuttuṛṛutta apa apan uawoṛṛetta sulal᷊ummu tita udde.

1 YOHANES 3:3

Anambon taumata apan pia antimma indi su saruanni Kristus, mandiagga ririne tadea'u atonna-tonna susi, waresi wuassu rosa ere lai Kristus udde lai susi.

1 YOHANES 2:26

I ya'u namoṛṛetu suratta indi si yamiu su ola'u manga taumata apan tantal᷊anna mangngawusu si yamiu.

1 YOHANES 2:1

Al᷊aṛṛana'u! I ya'u namoṛṛetu indi si yamiu tadea'u yamiu tawe ma'ola'a rosa. Arawe amungkangu piaddu lai ma'ola'a rosa, ne i ite pia sangkatou sumasimbbake, eteudde Yesus Kristus apan matul᷊ida udde; i Tou sarun sumal᷊anden kite su saruannu Iamangnga.

DARALO 45:7

Ruata nangonggola si'o taṛṛino ipamarenta, taṛṛinonu uata'a saran mal᷊annu-l᷊annu; ringannu atatul᷊idda i'o mammarenta tumana'u soanu.

WATTI'U MANGA RASUL 10:35

Taumata apan matta'uttu Ruata wuṛṛu ma'ola'a apapia, taumata udde sengkamannu Ruata, tawe mamile i tou wuassu walahannu apa.

EFESUS 5:9

Ana waugu wuassu asasemakka udde lumapputa al᷊awo'u inolaanna apan mapia, matul᷊idda, wuṛṛu waresi su aellegu Ruata.

DARALO 106:3

Lal᷊umanna'a su taumata apan tuttuṛṛutta manga parenta-Ne, wuṛṛu tawe sal᷊ane sulal᷊ummu inolaanne.

1 PETRUS 2:24

Kristus sassane namasanna manga rosan kite su watangan-Ne roso su alu arussa, tadea'u i ite mapallosa wuassu taṛṛinon dosa, wuṛṛu mabbiakka tuttuṛṛuta apulun Duata. Ete manga lessan Kristus apan nangapia si yamiu.

1 KORINTUS 6:9

Massingkate i yamiu manungku manga taumata apan tawe tumuṛṛutta apulun Duata, tawe maola'a al᷊aṛṛana'u Ruata? Arie aawusuanna! Manga taumata apan sussandaga, manga taumata apan massubba paal᷊uanna, apan mannalangnga wawine, apan ma'ola'a inolaanna apan maasili su sansul᷊ungnge,

LUKAS 1:75

sidutu mattaṛṛamawu si Tou wuṛṛu mapa'al᷊uassu naung-Nge su al᷊o'engngu pabbiaṛṛanni ite.

YAKOBUS 2:19

I yamiu mangngimanna manungku Ruata tumba'u sambau, are? Ne manga ghaṛṛaho lal᷊eo lai mangngimanna wuṛṛu i mangitou mangngindon katata'utta!

FILIPI 1:11

Wiakku sarun lumambalanna ringannu pallal᷊agu apan atonna-tonna mapia apan darantane tumba'u wuassi Yesus Kristus sassane; ne Ruata sarun wantuhanna wuṛṛu raloanna.

MATIUS 5:20

Nariaddi, naunge: I yamiu tawe maola'a al᷊aṛṛana'u Mawu, amungkangngu i yamiu tawe manampal᷊iu manga hurun agama wuṛṛu manga taumatan Farisi sulal᷊ummu ma'ola'a inolaanna ara'e apulun Duata.”

YAKOBUS 1:22

Ṛinone i yamiu tumuṛṛutta apa apan niwisaran Duata, arie tumba'u maddaringikka, na'oman sara i yamiu mangawusu watanganni yamiu sassane.

IBRANI 7:2

Ne i Abraham nangonggola si Melkisedek sambau wuassu mapul᷊o apan niaaṛṛon tou. (Aranna Melkisedek atappasanne, paarorone, “Ratun Atatul᷊idda”; pia atappasanne lai “Ratum Paddarame”.)

IBRANI 1:8

Arawe su Ana'a udde, Ruata nabbisara, “Adderan araratuannu, oh Mawu, sarun ma'oman sara mal᷊annu-l᷊annu! Araratuannu udde araratuanna apan matul᷊ida.

EFESUS 5:6

Iambaṛṛanga i yamiu awusuannu manga hatto awusu. Ana waugu, ete manga hatto indi, apan maasa'u Ruata su saruannu manga taumata apan mal᷊awangnga si Tou.

1 YOHANES 3:18

Al᷊aṛṛana'u! Arie i ite umakkana tumba'u su moṛṛonga ara'e tumba'u ringannu wisara. Ṛinone i ite umakkana ringannu aakkana apan tutune, apan niapaal᷊iatta'a ringannu inolaanni ite.

1 YOHANES 4:17

Darangngu niola'a nasuungnga sulal᷊ummu watanganni ite, tadea'u i ite pia awawaṛṛani su Allo Pamamarikisanna. I ite sarun pia awawaṛṛani, ana waugu wiakki ite sulal᷊ummu runia indi ere lai wiakki Kristus.