1 YOHANES 3:16 - WUKE SUSI WATTI'U AL᷊AL᷊USASSA

¹⁶ Ringannu lal᷊anne indi i ite maasingkata ereapa mandangngu sansul᷊ungnga taumata: Kristus suete nanantillu wiakke hunang kite. Ana waugu udde, i ite lai ṛinone manantillu wiakki ite hunan manga tuṛṛangngi ite!

1 YOHANES 3:16 Referans Kwoze

EFESUS 5:2

Wiakku ṛinone aintaṛṛoannu darangngu, ere lai Kristus marangngu si ite. I Tou nanantillu watangan-Ne ana waugu i ite, maola'a sambau sasamba apan mawangngi wuṛṛu maal᷊uassa naungngu Ruata.

YOHANES 13:34

Parenta wakku apan Ta'u ionggolla si yamiu: Padarangngute sangkatou ringannu waine. Ere lai Ya'u mandangngu si yamiu, aroddi lai yamiu ṛinone uararangngu.

YOHANES 3:16

Ana waugu Ruata aroddi arangngune su taumatan runia indi, na'oman sara i Tou nanantillu Anang-Nge tinggassa, tadea'u suapan taumata apan mangngimanna si Tou tawe mate, ewe'e maasomba wiakka tutune wuṛṛu saran mal᷊annu-l᷊annu.

ROMA 5:8

Arawe Ruata napaal᷊iatta'u darangngu-Ne si ite su tempo Mawu Yesus nate ana waugu i ite, su tempo i ite ta'e sulal᷊ummu rosa.

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,

1 PETRUS 3:18

Ana waugu Kristus sassane nate tumba'u paassa, ma'oman sara mal᷊annu-l᷊annu ana waugu rosan taumata – sangkatou apan tawe sal᷊ane, nate hunan taumata apan nassal᷊a. Kristus naola'a udde tadea'u i Tou wotongnge mangehetta si yamiu ringannu Ruata. I Tou nipate su ola'u wadanga arawe niaapawiakka apia su ola'u Ghaṛṛaho.

MATIUS 20:28

Ere lai Ana'u Taumata udde, i Tou nirumanta wal᷊ine tadea'u imbeanna, arawe mangimbe, wuṛṛu manantillu niawa-Ne ipamallossu taumata nambo.”

WATTI'U MANGA RASUL 20:28

Ṛinone i yamiu uariaga watangannu wuṛṛu riagai lai anambon jamaatta apan suete tinantillu Ghaṛṛahon Ruata si yamiu iapariaga; ana waugu i yamiu suete nitenega maola'a mandariaga jamaatta udde. Ṛinone i yamiu uariaga jamaattu Ruata udde naal᷊ihidda ere mallal᷊u'adda uariaga dombane, ana waugu Ruata suete na'ola'a jamaatta udde pussaa-Ne sassane sulal᷊ummu papaten Anang-Nge sassane.

EFESUS 5:25

Esakka, paarangngue awingngu wawine, ere lai Kristus marangngu jamaatta wuṛṛu nate su alu arussa ana waugu jamaatta udde.

TITUS 2:13

Orassa indi i ite tantal᷊anna uaraṛṛaddo Allo apan aantimanni ite udde; su Allo udde runia sarun maasilo awawantugi Yesus Kristus, eteudde Mawu Ahewal᷊anne wuṛṛu Ratun Punnu Sal᷊amatti ite.

ROMA 16:4

I mangitou maraniten mate, ana waugu maapulu manal᷊amatta sia'u. I ya'u maadiangkamanna si mangitou – wuṛṛu wal᷊ine tumba'u i ya'u, arawe anambon jamaatta wuassu walahanna waine apan wal᷊ine Yahudi lai maadiangkamanna si mangitou.

1 YOHANES 2:6

Isai-sai nabbisara manungku i tou mabbiakka uaaukka ringannu Ruata, i tou ṛinone mabbiakka manantuṛṛutta lempangi Kristus.

FILIPI 2:17

Asinungka i ya'u sarun pateanna wuṛṛu ṛaṛṛa'u maola'a ere sambau sasamba manampal᷊iu wuassu sasamban kamiu su Ruata maola'a sambau tatiala manungku i yamiu mangngimanna si Tou. Amungkangu udde atonna ṛinone maola'a aroddi, ya'u maadiangkamanna su olangnge udde wuṛṛu lulluassa suaddio'a ringanni yamiu.

SONDAPPA 5:9

I mangitou mangngantarin sambau antari apan bakku: “I'o wotongnge manganu wuke udde wuṛṛu mamesangnga manga segelene. Ana waugu I'o suete nipate, wuṛṛu ringannu papate-Nu, taumata wuassu al᷊awo'u ṛuanganna wahasa, araratuanna, wuṛṛu walahanna suete niwallian-Nu hunane su Ruata.

1 PETRUS 2:24

Kristus sassane namasanna manga rosan kite su watangan-Ne roso su alu arussa, tadea'u i ite mapallosa wuassu taṛṛinon dosa, wuṛṛu mabbiakka tuttuṛṛuta apulun Duata. Ete manga lessan Kristus apan nangapia si yamiu.

1 PETRUS 1:18

I yamiu masingkata apa apan buatte nipamaekka tadea'u ipamallosi yamiu wuassu pabbiaṛṛanna apan tawe gunane apan tinantillu iupungngu al᷊amonanu. Bawaekke wal᷊inewe saranapa apan wotongnge mawulle ere inai sal᷊a'a ara'e wul᷊awanna,

FILIPI 2:30

Su hunan manaran Kristus, i tou ete addio'a mate; i tou nanantillu niawane ipantul᷊ungku sulal᷊ummu arannu.

YOHANES 10:11

Tumba'u i Ya'u mallal᷊u'adda apan mapia. Mallal᷊u'adda mapia mannantillu niawa-Ne ipanal᷊i manga domba-Ne.

1 TESALONIKA 2:8

Ana waugu darangngung kami, yami uasaddia mangonggolla si yamiu wal᷊ine tumba'u Watti'u Al᷊al᷊uassa wuassu Ruata udde arawe wiakki yami lai. Ana waugu i yami tumaniten marangngu si yamiu!

1 YOHANES 2:9

Taumata apan nabbisara manungku i tou sulal᷊ummu asasemakka arawe taumata udde ta'e maddantinu tuṛṛange, taumata udde ta'e su ararandumma sara orassa indi.

2 KORINTUS 4:12

Indi atappasanne manungku sulal᷊ummu wadangngi yami papate tantal᷊anna mappaamattu taṛṛinone, arawe i yami lulluassa, manungku ete wiakka apan tantal᷊anna mammanara sulal᷊ummu wadangngu.