1 YOHANES 2:29 - WUKE SUSI WATTI'U AL᷊AL᷊USASSA

²⁹ I yamiu masingkatte manungku Kristus mabbiakka tuttuṛṛuta apulun Duata. Ana waugu udde i yamiu ṛinone masingkatta lai manungku suapan taumata apan mabbiakka tuttuṛṛuta apulun Ruata eteudde lai ana'u Ruata.

1 YOHANES 2:29 Referans Kwoze

1 YOHANES 3:7

Manga al᷊aṛṛana'u, arie mamalan taumata mamono'a si yamiu. Taumata apan tuttuṛṛutta apulun Duata, uddewe ana'u Ruata ere lai Kristus Ana'u Ruata.

1 YOHANES 5:1

Taumata apan mangngimanna manungku Yesus udde Ratun Punnu Sal᷊amatta apan pina'iren Duata, taumata udde ana'u Ruata. Taumata apan mandangngu sangkatou Iamangnga, marangngu lai anangnge.

YOHANES 1:13

apan niasungkangnga wal᷊ine wuassu taumata, ana waugu wiakka wakku udde punnene wuassu Ruata.

1 YOHANES 4:7

Manga tuṛṛangnga apan arangnguanna! Wette i ite maa'akkana sangkatou ringannu sangkatou, ana waugu aakkana darantane wuassu Ruata. Taumata apan u'akkana, eteudde ana'u Ruata wuṛṛu i tou maaillal᷊a Ruata.

1 PETRUS 3:18

Ana waugu Kristus sassane nate tumba'u paassa, ma'oman sara mal᷊annu-l᷊annu ana waugu rosan taumata – sangkatou apan tawe sal᷊ane, nate hunan taumata apan nassal᷊a. Kristus naola'a udde tadea'u i Tou wotongnge mangehetta si yamiu ringannu Ruata. I Tou nipate su ola'u wadanga arawe niaapawiakka apia su ola'u Ghaṛṛaho.

YAKOBUS 1:18

Wuassu apulu-Ne sassane i Tou nandiaddi si ite al᷊aṛṛanang-Nge wuassu ṛengetan-Ne apan atonna. I Tou nandiaddi udde tadea'u i ite maasomba tampa apan apianne su wallatu anambon riadian-Ne.

1 YOHANES 5:4

ana waugu suapan al᷊aṛṛana'u Ruata wotongnge maaroappa runia apan lal᷊eo indi. Wuṛṛu i ite mandoappa runia ringanu pangangimanni ite.

WATTI'U MANGA RASUL 10:35

Taumata apan matta'uttu Ruata wuṛṛu ma'ola'a apapia, taumata udde sengkamannu Ruata, tawe mamile i tou wuassu walahannu apa.

2 PETRUS 1:4

Ringannu olangnge udde Ruata nangonggolu manga al᷊amatta apan wahewalla wuṛṛu maarega si ite apan suete pina'iren Tou. Ringannu manga al᷊amatta udde i yamiu wotongnge mal᷊iu wuassu manga apulu lal᷊eo apan manggohakku runia indi, wuṛṛu i yamiu manengkamma pallal᷊agun Duata.

1 PETRUS 1:3

Wette i ite maadiangkamanna su Ruata, Iamangngu Mawun kite Yesus Kristus! I Tou lembon marangngu si ite, ana waugu udde i Tou nangonggolu wiakka wakku si ite, ringannu napaawiakku Mawu Yesus Kristus apia wuassu papate. Indi nangonggolu antimma apan matohassa si ite.

IBRANI 7:26

Nariaddi, Mawu Yesus eteudde Imam Bahewa apan pappandumanni ite. I Tou susi; si Tou tawe niasombanganna pasasal᷊a ara'e rosa sarang kadio'a. I Tou niṛṛae wuassu manga taumata marosa, wuṛṛu niruitta su tampa lembon atanggaṛṛanne wuassu al᷊awo'u langitta.

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

WATTI'U MANGA RASUL 22:14

Wua'udde i tou nabbisara si ya'u, ‘Ruata iupungngu al᷊amonang kite suete namile si'o, tadea'u i'o maasingkatta pandumme wuṛṛu maasilo Mawu Yesus, Allangngu Ruata apan nanipussa apulun Ruata see madaringikka tingikku Mawu Yesus sassane.

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

3 YOHANES 1:11

Tuṛṛanga apan arangnguanna, ariewe mattanno apa apan lal᷊eo udde. Pattannote apa apan mapia. Taumata apan inolaanne mapia uddewe pussa'an Duata. Wuṛṛu taumata inolaanne lal᷊eo taambe naaillal᷊a Ruata.

1 YOHANES 5:18

I ite masingkatta manungku anambon taumata apan suete naola'a al᷊aṛṛana'u Ruata, tawe sidutu ma'ola'a rosa, ana waugu Ana'u Ruata uasirugngnga si tou, wuṛṛu i Lal᷊eo tawe mapa'ola'a apa-apa si tou.

1 YOHANES 3:5

I yamiu masingkatta manungku Kristus nirumanta ana waugu mamappasa manga rosan taumata, wuṛṛu paddarosa tawe sulal᷊ummu watangan-Ne.

1 YOHANES 2:1

Al᷊aṛṛana'u! I ya'u namoṛṛetu indi si yamiu tadea'u yamiu tawe ma'ola'a rosa. Arawe amungkangu piaddu lai ma'ola'a rosa, ne i ite pia sangkatou sumasimbbake, eteudde Yesus Kristus apan matul᷊ida udde; i Tou sarun sumal᷊anden kite su saruannu Iamangnga.

1 PETRUS 1:23

Ana waugu wuassu ṛengetannu Ruata apan wiakka wuṛṛu awasa udde, i yamiu suete niola'a taumata wakku apan wal᷊ine inariadianne wuassu taumata, ewe'e wuassu Mawu Iamangnga apan awasa.

IBRANI 7:2

Ne i Abraham nangonggola si Melkisedek sambau wuassu mapul᷊o apan niaaṛṛon tou. (Aranna Melkisedek atappasanne, paarorone, “Ratun Atatul᷊idda”; pia atappasanne lai “Ratum Paddarame”.)

YEREMIA 13:23

Wotongnge taumata maitumma mamal᷊u kaluren pisine, ara'e harimau mamul᷊in woṛṛentenge? Udde tawe mariaddi! Aroddi lai i yamiu apan ninumarampe ma'ola'a al᷊al᷊eo tawe mariaddi ma'ola'a apapia.

WATTI'U MANGA RASUL 3:14

I tou na'ukkassa wuṛṛu mapia, arawe i yamiu mannal᷊are wuṛṛu mammata'a tadea'u i Pilatus mamallossu sangkatou taṛṛa pate si yamiu.

YOHANES 7:18

Taumata apan mangngonggolu al᷊aṛṛangnge sassane maddea'a awawantugu ririne sassane. Arawe taumata apan maddea'a awawantugi Tou apan nandolokki Tou, taumata udde matul᷊ida, i tou tawe awusune.