1 YOHANES 2:22 - WUKE SUSI WATTI'U AL᷊AL᷊USASSA

²² Isai nangawusu eteudde taumata apan nabbisara manungku Mawu Yesus wal᷊inewe Ratun Punnu Sal᷊amatta apan pina'iren Duata. Taumata udde Seetti Kristus; i tou tawe manga'u Iamangnga ara'e Ana'a.

1 YOHANES 2:22 Referans Kwoze

2 YOHANES 1:7

Manambo taṛṛa wahia nassal᷊iawukke su ahewallu runia. I mangitou eteudde manga taumata apan tawe manga'u manungku Yesus Kristus nirumanta su runia indi naola'a sangkatou taumata. Taumata ereudde uddewe taṛṛa wahia, wuṛṛu Seetti Kristus.

1 YOHANES 4:3

Arawe taumata apan tawe manga'u olangnge indi su ola'u Mawu Yesus, tawe uatahuanna Ghaṛṛahon Duata. Taumata udde pia ghaṛṛaho wuassu Seetti Kristus. Tuṛṛanga suete naaringikka manungku Ghaṛṛaho udde sarun rumanta, wuṛṛu orassa indi i tou uddete sulal᷊ummu runia indi.

1 YOHANES 2:18

Al᷊aṛṛana'u panginsueannu tempo maranite! Suete niapaasingkata si yamiu paarorone, manungku Seetti Kristus sarun rumanta; wuṛṛu orassa indi nirumantate anambon taumata apan masseetti Kristus. Udde tatialane manungku panginsueannu runia maranite.

YUDAS 1:4

Ana waugu ringannu niawagananni ite, pia manga taumata waine apan sinumutta nail᷊al᷊o'a su pattangnganni ite. I mangitou manga taumata lal᷊eo, apan mammal᷊elongngu watti'a su ola'u darangngun Duatan kite, tadea'u i mangitou pia tempo mapaasabangngu apulun naungngi mangitou lal᷊eo. Wuṛṛu i mangitou mannol᷊a'u Mawu Yesus Kristus, eteudde sangkatou Tembonanne wuṛṛu Mawun kite. Roen al᷊amonane ṛuumanni mangitou suete niapaasingkata sulal᷊ummu Wuke Susi.

1 YOHANES 4:20

Amungkangu pia sangkatou mabbisara, “I ya'u marangngu Ruata,” arawe i tou tawe mandangngu tuṛṛangnge, taumata udde taṛṛa wahia. Ana waugu taumata apan tawe mandangngu tuṛṛange apan aasiloanne, tawe mariaddi wotongnge mandangngu Ruata apan tawe asiloanne.

1 YOHANES 2:23

Taumata apan tawe manga'u Ana'a, atappasanne tawe manengkamma Iamangnga lai. Wuṛṛu taumata apan mangnga'u Ana'a, atappasanne mannengkama lai Iamangnga.

1 YOHANES 1:6

Amungkangu i ite mabbisara manungku i ite mabbiakka uaaukka ringanni Tou, arawe i ite mabbiakka su araranduma, ne i ite nangawusu mawae ringannu wisara ara'e lai ringannu pallal᷊agu.

1 YOHANES 2:4

Taumata apan mabbisara, “I ya'u maaillal᷊a Ruata,” arawe maddiri tumuṛṛutta manga parenta-Ne, taumata udde taṛṛa wahia, wuṛṛu Ruata tawe sulal᷊ummu naungnge.

YOHANES 8:44

Ete Setanna iamangngu, wuṛṛu i yamiu tuttuṛṛutta apulun iamangngu. Ro'en panataṛṛanne Setanna udde taṛṛa pate. I tou taambe saran paassa manamba'a apapia, ana waugu tawe apapia si tou. Amungkangngu i tou mangawusu, udde naṛṛino ana waugu ete aroddi pallal᷊agune. I tou taṛṛa awusu wuṛṛu punnu al᷊awo'u awusu.

SONDAPPA 3:9

Naungete indi: Manga taumata apan naola'a walahannu Setanna udde, manga taṛṛa awusu apan mangnga'u watanganne Yahudi wutte'e wal᷊ine, sarun Ta'u olaanna ma'oman sara i mangitou rumanta umal᷊intudda su saruannu. Wuṛṛu i mangitou sarun maasingkata manungku i Ya'u marangngu si yamiu.

MATIUS 24:5

Ana waugu manambo taumata apan rumanta ringannu arang-Ku see mabbisara, ‘I Ya'u Ratum Punnu Sal᷊amatta!’ I mangitou sarun mamahia taumata nambo.

MATIUS 24:24

Ana waugu sarun dumanta manga mananal᷊amatta awusu wuṛṛu manga nabi awusu. I mangitou sarun ma'ola'a al᷊awo'u inolaanna apan bahewalla, wuṛṛu manga al᷊aṛṛindu'a ipangawusu, amungkangngu wotongnge, al᷊aṛṛana'u Ruata lai.

1 YOHANES 5:1

Taumata apan mangngimanna manungku Yesus udde Ratun Punnu Sal᷊amatta apan pina'iren Duata, taumata udde ana'u Ruata. Taumata apan mandangngu sangkatou Iamangnga, marangngu lai anangnge.