1 YOHANES 2:21 - WUKE SUSI WATTI'U AL᷊AL᷊USASSA

²¹ Nariaddi ya'u namoṛṛetu suratta indi si yamiu wal᷊inewe ana waugu i yamiu waggan al᷊aṛṛa'a apan naṛṛino, arawe ana waugu i yamiu naaillal᷊ate wuṛṛu i yamiu lai masingkate manungku tawe awusune sulal᷊ummu al᷊aṛṛa'a apan naṛṛino udde.

1 YOHANES 2:21 Referans Kwoze

2 PETRUS 1:12

Ana waugu udde, i ya'u siddutu mapaanaungnga si yamiu su olangnge udde, salaiwe i yamiu masingkatte wuṛṛu mangke mangngimanna al᷊aṛṛa'u Ruata apan suete nisengkammi yamiu udde.

YUDAS 1:5

Sarangkanambone udde i yamiu masingkatte. Arawe i ya'u maapulu mapaanaungngi yamiu su ola'u ereapa Mawu manal᷊amatta walahannu Israel wuassu leta'u Mesir, arawe wua'udde namate manga taumata apan tawe mangngimanna su wallatti mangitou.

AMSAL 1:5

Ringannu manga tatantiro indi taumata pande lai sarun aatambanna asingkanne, wuṛṛu taumata apan pia si'ol᷊ane sarun maasomba aehetta.

YOHANES 8:44

Ete Setanna iamangngu, wuṛṛu i yamiu tuttuṛṛutta apulun iamangngu. Ro'en panataṛṛanne Setanna udde taṛṛa pate. I tou taambe saran paassa manamba'a apapia, ana waugu tawe apapia si tou. Amungkangngu i tou mangawusu, udde naṛṛino ana waugu ete aroddi pallal᷊agune. I tou taṛṛa awusu wuṛṛu punnu al᷊awo'u awusu.

YOHANES 18:37

Ne i Pilatus naiwal᷊o si Tou, “Amungkangngu aroddi, I'o indi ratu?” Mawu Yesus sinumimbakka, “I'o nabal᷊o manungku i Ya'u indi ratu. I Ya'u niasungkangnga wuṛṛu nirumanta su runia indi ringannu sambau pandumma, eteudde mangonggolu tatiala su ola'u atatul᷊idda. Taumata apan wuassu atatul᷊idda udde maddaringikka si Ya'u.”

YAKOBUS 1:19

Panutukke indi paapia-pia, manga tuṛṛangnga apan arangnguanna! Suapan taumata ṛinone mal᷊ihakka maddaringikka, arawe mal᷊iwue mabbisara wuṛṛu mal᷊annu masa'u.

1 YOHANES 3:19

Aroddiwe olangnge i ite maasingkatta manungku i ite nareengnga al᷊aṛṛana'u Ruata apan atonna, wuṛṛu naungngi ite wotongnge matammuda su saruannu Ruata.