1 YOHANES 2:17 - WUKE SUSI WATTI'U AL᷊AL᷊USASSA

¹⁷ Runia wuṛṛu al᷊awo'u sarannapa sulal᷊umme apan ipaapulun taumata, tantal᷊anna mabbul᷊i. Arawe taumata apan tuttuṛṛutta apulun Duata, sidutu mabbiakka saran mal᷊annu-l᷊annu.

1 YOHANES 2:17 Referans Kwoze

MATIUS 24:35

Langitta wuṛṛu runia sarun mawul᷊i, arawe wisara-U ma'oman sara mal᷊annu-l᷊annu.”

ROMA 12:2

Imbaṛṛangnga mattanno apulun dunia indi. Wala'e Ruata mandiaddi ririnu maola'a wakku, tadea'u i yamiu pia awawal᷊u. Ringannu aroddi yamiu wotongnge maasingkata apulun Duata – eteudde apa apan mapia wuṛṛu apan maal᷊uassa naung-Nge wuṛṛu apan nasuungnga.

1 KORINTUS 7:31

wuṛṛu manga taumata uamanara sulal᷊ummu manaran runia, ṛinone mabbiakka pailal᷊ihidda ere i tou tawe limbatannu manara udde. Ana waugu tate mal᷊annu lai runia indi, sulal᷊ummu olangnge ere orassa indi sarun mawul᷊i!

1 PETRUS 4:2

Ana waugu udde, ṛinone i yamiu sidutu mabbiakka su runia indi tuttuṛṛuta apulun Duata, wuṛṛu wal᷊ine tuttuṛṛuta apulun taumata.

IBRANI 10:36

I yamiu ṛinone masabare, tadea'u i yamiu wotongnge mapa'ola'a apulun Ruata wuṛṛu ringannu aroddi yamiu manengkamma apa apan suete nipa'iren Tou.

MARKUS 3:35

Taumata apan tuttuṛṛutta apulun Ruata, ete i tou tuṛṛang-Ku esakka, tuṛṛang-Ku wawine, wuṛṛu inang-Ku.”

1 PETRUS 1:5

Sarangkanambone udde ionggola si yamiu, ana waugu i yamiu mangngimanna Ruata. Ne i yamiu rariagannu taṛṛinon Duata tadea'u i yamiu manengkamma asasal᷊amatta apan nasaddiate iapaal᷊iatta'a su allo pangudusanne.

1 TESALONIKA 4:3

Ete indi ipaapulun Duata tadea'u i yamiu tumba'u mabbiakka ringanni Tou, susi, mangngindaun al᷊awo'u pallal᷊agu apan lal᷊eo.

YOHANES 4:14

“arawe taumata apan ma'inumma ua'e apan Ta'u ionggolla, i tou tawe marou saran mal᷊annu-l᷊annu. Ana waugu ua'e apan sarun Ta'u ionggolla udde maola'a al᷊imatang kua'e sulal᷊ummu wadangnge apan sumabangnga su liudde wuṛṛu mangonggolla si tou wiakka tutune wuṛṛu sara mal᷊annu-l᷊annu.”

DARALO 143:10

Tantiroiwe i ya'u tumuṛṛutta apulu-Nu, ana waugu ete I'o Ruata'u. I'o masaṛṛionto'a, wuṛṛu sarun mangehetta si ya'u su lal᷊anna apan mal᷊aukka.

MATIUS 7:21

“Tawe anambon taumata apan mammaggo si Ya'u, ‘Mawu, Mawu,’ sarun maola'a lal᷊oṛṛon araratuannu Ruata, arawe tumba'u manga taumata apan tuttuṛṛutta apulun Iamangku su surga.

YAKOBUS 4:14

Apa apan sarun mariaddi su wiakku tiṛṛabbi, yamiu sassane lai wagga! I yamiu tumba'u ere timbulla apan aellehanna tal᷊an kadio'a, wua'udde mawul᷊i.

YOHANES 6:58

Ete indi roti apan niumonto'a wuassu surga: wal᷊ine ere roti apan niannu iupungngu al᷊amonanu. Ana waugu napawe niumanna roti udde, i mangitou nate lai. Arawe taumata apan umanna roti indi sarun mabbiakka sarangkal᷊o'engnge.”

MATIUS 21:31

Ne su wallattu ana'a darua indi, suapane apan tinumuṛṛutta apulun iamangnge?” “Iapa pahul᷊une,” sinimbakku manga imam tembonanne wuṛṛu piaṛṛa'u Yahudi udde. Ne Mawu Yesus nabbisarate si mangitou, “Pangimante: Maddarorongnga wose wuṛṛu manga wawine masandaga sarun maola'a lal᷊oṛṛon araratuannu Ruata rorone wuassi yamiu.

1 TESALONIKA 5:18

Sulal᷊ummu alawo'u inolaanna ṛinone i yamiu maadiangkamanna, ana waugu eteudde ipaapulun Duata wuassi yamiu taumata apan mabbiakka uaaukka ringanni Kristus Yesus.

KOLOSE 4:12

Tabea wuassi Epafras. I tou lai wuassu walahannu. I tou allangngi Kristus Yesus, apan sidutu u'al᷊iomanni yamiu ringannu maṛṛimadda. I tou sussal᷊ande Ruata tadea'u pangangimannu mabal᷊i matohassa wuṛṛu i yamiu atonna-tonna natimmaddete, tadea'u i yamiu lai nasuungnga tuttuṛṛuta apulun Duata.

AMSAL 10:25

Napawe anginna wahewalla tumumbu'a mawul᷊ite taumata lal᷊eo; arawe taumata matul᷊idda matatana'a matohassa saran mal᷊annu-l᷊annu.

KOLOSE 1:9

Ana waugu udde i yami sidutu u'al᷊iomanni yamiu ro'en i yami naaringikka su ola'i yamiu. I yami naddorongnga su Ruata tadea'u Ghaṛṛahon Duata mangonggolu apande wuṛṛu asingkata si yamiu, na'oman sara i yamiu maasunna apa ipaapulun Duata.

YOHANES 7:17

Taumata apan matuṛṛutta apulun Ruata, sarun maasingkatta tanne al᷊aṛṛa-U indi darantane wuassu Ruata ara'e wuassia-U sassane.

DARALO 90:9

Wiakki yami maautta ana waugu asasa'u-Nu, manga tonna pabbiaṛṛanni yami nasue ere sasangngo.

DARALO 39:6

Aroddi al᷊ihakke I'o nanantunnu auuṛṛangku! Ete Si'o al᷊o'engngu pabbiaṛṛangku tawe gunane. Atonna, taumata naal᷊ihidda sasabbangu singangu,

DARALO 102:26

dorone I'o nandiaddi runia; langitta lai lanna'u lima-Nu.