1 YOHANES 2:14 - WUKE SUSI WATTI'U AL᷊AL᷊USASSA

¹⁴ I ya'u namoṛṛetu suratta indi si yamiu manga dario'a, ana waugu i yamiu maaillal᷊a Ruata Iamangnga. I ya'u namoṛṛettu suratta indi si yamiu, manga iamangnga, ana waugu i yamiu maaillal᷊a Ṛengetanna apan uddete ro'en al᷊amonane. I ya'u namoṛṛettu suratta indi si yamiu manga umbasanna maṛṛuala, ana waugu i yamiu matohassa. Wisaran Duata uatana'a sulal᷊ummu naungngu, wuṛṛu i yamiu suete nangema'i Al᷊al᷊eo.

1 YOHANES 2:14 Referans Kwoze

DARALO 119:11

Al᷊aṛṛanang-Ngu ta'u sahipunanna sulal᷊ummu naungku, tadea'u i ya'u tawe marosa su saruan-Nu.

1 YOHANES 2:13

I ya'u namoṛṛetu suratta indi si yamiu, manga iamangnga, ana waugu i yamiu maaillal᷊a si Tou apan uddete ro'en al᷊amonane. I ya'u namoṛṛetu suratta indi si yamiu, manga umbasanna maṛṛuala, ana waugu i yamiu suete nangema'i Al᷊al᷊eo.

KOLOSE 3:16

Ṛinone manga al᷊aṛṛa'i Kristus apan napenen al᷊amatta umusippa sulal᷊ummu naungngu. Ṛinone i yamiu uatatantiro wuṛṛu uaaonggolu al᷊aṛṛa'a lembon apianne. Antaria'e Mazmur wuṛṛu manga daralo see manga antarin Saṛṛani; pangantarite hunan Duata ringannu apendamu aadiangkamanna sulal᷊ummu naungngu.

YOHANES 15:7

Amungkangngu i yamiu sidutu uaaukka ringang-Ku wuṛṛu al᷊aṛṛa-U uatatana'a sulal᷊ummu naungngu, padorongke su Iamangnga apa apan ipaapulunu; darorongngu udde sarun suunganna.

EFESUS 6:10

Pangudusanne, ṛinone i yamiu maola'a matohassa ringannu atatohassa apan niasombanganni yamiu wuassu Mawu, ana waugu i yamiu uaaukka ringanni Tou.

YOHANES 8:31

Wua'udde Mawu Yesus nabbisara su manga taumatan Yahudi apan nangimante si Tou, “Amungkangngu i yamiu mabbiakka tuttuṛṛutta al᷊aṛṛa-U, i yamiu atonna-tonna mallal᷊aṛṛenggeng-Ku,

YOHANES 5:38

Manga wisara-Ne tawe maaddo sulal᷊ummu naungngu ana waugu i yamiu tawe mangngimanna si Ya'u apan nirolokki Tou.

SONDAPPA 2:7

Isai-sai apan ma'aringikka, ṛinone manutukka apa apan iapaasingkatu Ghaṛṛahon Ruata su manga jamaatta! I mangitou apan naauntunga, sarun Ta'u iwala umanna wua wuassu punnu pabbawiakka apan tuttuwo su Waillu Ruata.”

3 YOHANES 1:3

I ya'u lulluassa tassul᷊ungnge, su tempo manga pira tuṛṛangnga Saṛṛani na'oma wuṛṛu nabbatti'a si ya'u manungku aroddi atuṛṛune tuṛṛanga su Ruata apan su ṛinone udde, ana waugu atonna tuṛṛangnga wotongnge sidutu mabbiakka tuttuṛṛuta al᷊aṛṛa'u Ruata.

2 YOHANES 1:2

Ana waugu Ruata uatana'a sulal᷊ummu naungngi ite, wuṛṛu sidutu uatana'a ringanni ite saran mal᷊annu-l᷊annu.

IBRANI 8:10

Arawe orassa indi, ete indi paaire apan sarun olaangku su walahannu Israel su miallo-miallo apan sarun dumanta unnu Mawu: I Ya'u sarun mantaṛṛon tita-U sulal᷊ummu ṛingiṛṛanni mangitou wuṛṛu iwoṛṛeta su naungngi mangitou. I Ya'u sarun maola'a Ruata mangitou, wuṛṛu i mangitou sarun maola'a pabbawala-U.

KOLOSE 1:11

Doronganna ringannu taṛṛinon Duata apan mawantuga, i yamiu tohasanna ma'oman sara i yamiu wotongnge matataṛṛanga ringannu sabbare wuṛṛu naungnga mal᷊uassa

2 TIMOTIUS 2:1

Timotius, ana'u! Ṛinone i'o mabbal᷊i matohassa ana waugu al᷊amatta apan nionggolla si ite, ana waugu i ite uaaukka ringanni Kristus Yesus.

FILIPI 4:13

Ringannu taṛṛino apan nionggoli Kristus si ya'u, i ya'u pia atatohassa sumaruanna al᷊awo'u asasusa sarangkanambone.

SONDAPPA 2:3

I yamiu masabare wuṛṛu i yamiu uatataṛṛanga ana waugu i Ya'u, wuṛṛu naungngi yamiu tawe maadio'a.

1 YOHANES 1:10

Arawe amungkangu i ite mabbisara manungku i ite tawe paddarosa, i ite maṛṛangngo manungku Ruata udde taṛṛa awusu wuṛṛu i ite tawe uaraddon wisaran Duata sulal᷊ummu naungngi ite.

YOHANES 8:37

Atonna i Ya'u masingkatta manungku i yamiu indi papapulunni Abraham. Arawe i yamiu maapulu mamate si Ya'u, ana waugu i yamiu maddiri manarimmattu al᷊aṛṛa-U.

1 YOHANES 1:1

Lal᷊oṛṛon suratta indi mannal᷊a'a ola'u Ṛengetanna apan mangngonggolu wiakka, eteudde Ṛengetanna apan piate ro'en wuassu al᷊amonane. I yami suete naaringikka, wuṛṛu suete naasilo matan kami sassane. I yami suete naellega, wuṛṛu suete nangagasu liman kami.