1 TIMOTIUS 6:19 - WUKE SUSI WATTI'U AL᷊AL᷊USASSA

¹⁹ Ringannu aroddi i mangitou mangngammulu paa'ala apan maola'a sambau roitta uaraddo apan mapia su tempo addantane. Wuṛṛu ringannu udde i mangitou sarun maasomba wiakka ma'oman sara mal᷊annu-l᷊annu, eteudde wiakka apan tutune.

1 TIMOTIUS 6:19 Referans Kwoze

1 TIMOTIUS 6:12

Pabbiakke atonna-tonna maola'a sangkatou taumatan Saṛṛani tadea'u i'o wotongnge maapal᷊aṛṛo aonggolu wiakka tutune wuṛṛu mal᷊annu-l᷊annu. Ana waugu eteudde Ruata namaggo si'o su tempo i'o nanga'u su saruannu awadaalla manungku i'o mangngimanna si Kristus.

2 TIMOTIUS 2:19

Arawe pinangiananne matohassa apan niola'u Ruata, tawe ia'io'a. Su wowone uawoṛṛetta arendi, “Mawu masingkattu manga taumata pussa'a-Ne”, wuṛṛu “Taumata apan mabbisara manungku i tou pussa'an Mawu, taumata udde ṛinone tate ma'ola'a inolaanne apan nassal᷊a”.

1 PETRUS 1:4

I ite mangngantimma maatahuanna manga al᷊amatta apan suete nisaddian Duata su al᷊aṛṛanang-Nge, eteudde manga al᷊amatta apan niadone su surga, na'oman sara tawe mal᷊al᷊eo, ara'e mawukku'a ara'e mawulle.

LUKAS 16:9

See Mawu Yesus nabbisara apia, wisara-Ne, “Padaringikka! Paata'e pa'a'alan runia indi ipadea'a hawe, tadea'u napawe darotongngu runia indi tate aregane, i yamiu sarun iapaatana'a su tampan atatanaanna apan tawe pangudusanne.

AMSAL 31:25

I tou masaṛṛaungnga wuṛṛu aaddatanna; wuṛṛu tawe suminggawangngu allo addantane.

FILIPI 3:14

Ana waugu udde i ya'u sidutu tuttal᷊angnga mattuddan tampa panguddusanne ana see maasomba auntunganna, eteudde mabbiakka su surga; ana waugu udde Ruata namaggo si ite sulal᷊ummi Kristus Yesus.

EFESUS 3:17

Doronganna ana waugu i yamiu mangngimanna si Kristus, Kristus matana'a sulal᷊ummu naungngu, wuṛṛu wiakku niwantanna wuṛṛu niparentannu darangngu.

LUKAS 18:22

Naaringikka udde, Mawu Yesus nabbisara, “Ta'e pia lai sambau sarun olaannu: Wal᷊ua'e anambon darotongngu, onggol᷊a'e roinne su taumata asiangnga, ne i'o sarun maasomba darotongnga su surga. Wua'udde rantate wuṛṛu tantalongke si Ya'u.”

LUKAS 12:33

Wal᷊ua'e darotongngu wuṛṛu anggil᷊a'e roinne su taumata asiangnga. Ola'e sulal᷊ummu ririnu tampan doitta apan tawe maṛṛenessa, eteudde darotongnga apan uaraddo su surga. Darotongnga udde tawe mawul᷊i ana waugu taṛṛa ta'o tawe maapanna'o wuṛṛu wiangnga tawe maahohakka.

MATIUS 19:21

Mawu Yesus nabbisara si tou, “Amungkangngu i'o ma'apulu maola'a taumata nasuungnga, roote wal᷊ua'e manga darotongngu. Onggol᷊a'e roinne su taumata asiangnga, wuṛṛu i'o sarun maasomba darotongnga su surga. Wua'udde rantate tantalongke si Ya'u!”

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

LUKAS 18:2

Mawu Yesus nabbisara, “Su sambau soa pia sangkatou mallaṛṛuungnga apan tawe matta'uttu Ruata, wuṛṛu tawe lai mappandumma sisai-sai.

LUKAS 16:25

Arawe i Abraham sinumimbakka, ‘Naungewe ana'u: su alo'engngu pabbiaṛṛannu i'o suete naasomba manambo apianne; arawe i Lazarus naasomba alal᷊eoanne. Orassa indi i tou mal᷊uassa isindi, wuṛṛu i'o uatataṛṛangnga.

AMSAL 10:25

Napawe anginna wahewalla tumumbu'a mawul᷊ite taumata lal᷊eo; arawe taumata matul᷊idda matatana'a matohassa saran mal᷊annu-l᷊annu.

DARALO 17:14

Liuaawe i ya'u wuassu manga taumata apan mangngundu'u darotongngu runia. Ṛuumana'ewe i mangitou ringannu asasilaka apan buatte nissadia-Nu si mangitou. Wala'ewe ana'a papapulunni mangitou iṛṛuumanna lai.

MANNANASE 11:2

Addoa'e roinnu su al᷊awo'u hatin paddaganganna; paddea'e manara ringangu manambo-nambo. Ana waugu taumata ṛinone uaantagga tantal᷊anna asasilaka taambe naṛṛia'a.

FILIPI 3:12

I ya'u tawe mabbisara manungku i ya'u naasombate auntunganna, ara'e nasuungke. Arawe i ya'u sidutu maddea'a maapangaṛṛo aonggola apan suete nissaddian Kristus Yesus. Ana waugu udde i Tou suete nangaṛṛo si ya'u, wuṛṛu niola'a pussa'a-Ne.

2 TIMOTIUS 1:1

Timotius, ana'u apan aranguanna! I ya'u Paulus, namoṛṛetu suratta indi si'o, wuṛṛu mangngantimma doronganna Ruata Iamangnga wuṛṛu Mawun kite Kristus Yesus mangonggolu al᷊amatta, darangngu wuṛṛu paddarame si'o. Wuassu apulun Duata, i ya'u nitenega naola'a rasulli Kristus Yesus wuṛṛu nirolokka mamasingkatu wiakka apan pina'iren Duata. Wiakka udde nisengkammi ite ana waugu i ite uaaukka ringanni Kristus Yesus.