1 TIMOTIUS 6:18 - WUKE SUSI WATTI'U AL᷊AL᷊USASSA

¹⁸ Paddorongke si mangitou mapaal᷊iatta'u apapia, ringannu ma'ola'a al᷊awo'u inolaanna apan mapia, masaṛṛionto'a, wuṛṛu laghune mapia.

1 TIMOTIUS 6:18 Referans Kwoze

IBRANI 13:16

Arie ma'abul᷊i ma'ola'a apapia wuṛṛu uatatul᷊ungnga, ana waugu eteindi manga sasamba apan ma'al᷊uassa naungngu Ruata.

1 YOHANES 3:17

Amungkangu sangkatou apan wiakke natimu naasilo tuṛṛange wiakke tawe natimu, arawe maddiri mantul᷊ungngu tuṛṛangnge udde, ereapa taumata udde wotongnge mabbisara manungku i tou mandangngu Ruata?

ROMA 12:8

Taumata apan pia asingkatta mangngonggolu sasasa su taumata waine, ṛinone atonna-tonna mangonggolu sasasa su taumata waine, taumata apan pia al᷊amatta mantul᷊ungngu taumata waine ringannu darotongnge, ṛinone ma'ola'a udde ringannu naungnga mawawo wuṛṛu mal᷊uassa. Taumata apan pia asingkatta mammiaṛṛa'a, ṛinone atonna-tonna mammiaṛṛa'a. Taumata apan pia al᷊amatta mamasilon darangngune su taumata waine, ṛinone ma'ola'a ringannu naungnga mal᷊uassa.

DARALO 37:3

Pangimante Mawu, wuṛṛu pa'ola'e apapia, pamanuate su wanua udde wuṛṛu paatul᷊idda mabbiakka.

TITUS 3:8

Wisara indi atonna-tonna. I ya'u maapulu i'o mangaṛṛa'u olangnge indi, tadea'u manga taumata apan mangngimanna Ruata atonna-tonna maddea'a ma'ola'a manga manara apan mapia wuṛṛu mahuna su anambon taumata.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

LUKAS 12:21

Aroddi olangnge al᷊awo'u taumata apan maddea'a maala hunan badangnge sassane, arawe tawe maddea'a maala su saruannu Ruata.”

GALATIA 6:10

Nariaddi, tantal᷊anna ta'e pia tempo si ite, ṛinone i ite ma'ola'a apapia su anambon taumata, nipangillembo su manga tuṛṛangngi ite apan sulal᷊ummu pangangimanna sambau.

ROMA 12:13

Patatul᷊ungnga mapaasuungngu hausannu manga taumatan Saṛṛani waine wuṛṛu sal᷊ohoiwe manga tuṛṛangnga su pangangimanna sambau apan ta'e awaganannu, ringannu naungnga mal᷊uassa sulal᷊ummu wal᷊enu.

1 TIMOTIUS 5:10

tinumelennga ere sangkatou wawine apan ma'ola'a apapia, ereindi: i tou suete namadul᷊i manga al᷊aṛṛanangnge ringannu mapia, naungnge mal᷊uassa mangimbe raho matana'a su wal᷊ene, mangimbe manga taumata mangngimanna, massumbala manga taumata susa, wuṛṛu mammanara atonna-tonna al᷊awo'u manara apan mapia.

2 KORINTUS 8:9

Ana waugu i yamiu masingkata atonna manungku i ite lembon arangnguanni Yesus Kristus Mawun kite. I Tou ala, arawe i Tou nattingkaola'a asiangnga ana waugu i ite, tadea'u ringannu paa'asiangnge udde i yamiu maola'a ala.

2 KORINTUS 8:12

Amungkangngu i yamiu maapulu mangonggola, ne Ruata sarun manengkamma aonggolu udde pinangiananne wuassu apa apan pia si yamiu, wal᷊ine pinangiananne wuassu apa apan tawe si yamiu.

1 KORINTUS 16:2

Su allo paarorone suapan allo misa, ṛinone tuṛṛangnga sarangkanambone maṛṛaen roitta, sambau-sambau tumuṛṛuttu asombangi tou. Addoa'e roitta udde ma'oman sara i ya'u rumanta, tadea'u orassa udde lai tate madea'a mangammula.

YESAYA 58:7

Tahiate annu su manga taumata apan mal᷊unussa, tarimmata'e manga taumata lallele su wal᷊enu. Onggol᷊eten laubba su taumata tantol᷊e, wuṛṛu arie mapawelengngu tuṛṛangngu apan ṛinone itul᷊ungnga.

MANNANASE 11:6

Pangasi'en bualanna sutempo marua allo wuṛṛu arie pangillol᷊o sutempo ṛabbi. Ana waugu i ite wagga wualanna suapa apan mapia tatuwone. Asinungka darua udde tinumuwo ringannu mapia.

DARALO 112:9

I Tou mattahia paa'alane, wuṛṛu nangonggolu darotonge su taumata asiangnga; i tou sidutu ma'ola'a apapia, ana waugu i tou uaparenta wuṛṛu aaddatanna.

3 YOHANES 1:11

Tuṛṛanga apan arangnguanna, ariewe mattanno apa apan lal᷊eo udde. Pattannote apa apan mapia. Taumata apan inolaanne mapia uddewe pussa'an Duata. Wuṛṛu taumata inolaanne lal᷊eo taambe naaillal᷊a Ruata.

YAKOBUS 2:5

Paanaunge, manga tuṛṛangnga apan arangnguanna! Taumata asiangnga su runia indi, nipilen Duata maola'a taumata ala sulal᷊ummu pangangimanna. Manga taumata udde sarun maola'a reengannu al᷊aṛṛana'u Ruata ere suete nipa'iren Duata su taumata apan mandangngu si Tou.

WATTI'U MANGA RASUL 9:36

Su Yope pia sangkatou wawine aranne i Tabita. I tou sangkatou apan mangngimanna Mawu Yesus. (Aranne sulal᷊ummu wisaran Yunani eteudde i Dorkas atappasanne rusa.) Inolaanni tou sidutu mapia wuṛṛu mantul᷊ungngu taumata asiangnga.

YESAYA 32:8

Arawe taumata apan mapia buddine manggol᷊agu manga inolaanna apan mapia wuṛṛu pallal᷊agune lai mapia.

MANNANASE 3:12

I ya'u masingkatta manungku si ite taweddu mappianne wuassu lullala'a wuṛṛu mammendamma pabbiaṛṛanna su al᷊o'engngu uukki ite.

2 TAWARIKH 24:16

I tou nilabbinga su labbingu manga ratu su Soan Daud, ipangaregan manga sahadde su Ruata, su Wal᷊en Mawu wuṛṛu su taumatan Israel.

1 PETRUS 3:11

I tou ṛinone mangindaun al᷊al᷊eo wuṛṛu ma'ola'a apapia; ṛinone i tou mattinsahadda atonna-tonna ana see maasomba paddarame.

WATTI'U MANGA RASUL 11:29

Ne anambo mallal᷊aṛṛenggennu Mawu Yesus na'ire mapaapiddu sumbala su manga tuṛṛangnge apan uatana'a su Yudea, sangkatou-sangkatou nangonggolla tumuṛṛuttu asombangnge.

WATTI'U MANGA RASUL 10:38

Yamiu masingkatta manungku Ruata suete namile Mawu Yesus taumata Nazaret udde wuṛṛu nangonggolu Ghaṛṛaho Ruata wuṛṛu taṛṛino si Tou. I yamiu masingkatta lai manungku Mawu Yesus u'amatta su al᷊awo'u tampa ma'ola'a apapia; i Tou mapaapian taumata apan niasuttannu Setanna, ana waugu Ruata uatantalongnga si Tou.

MATIUS 5:42

Amungkangngu manga taumata maddorongnga manga apa si yamiu, anggil᷊a'e si tou. Wuṛṛu arie lai mapaawelengngu taumata apan maapulu mabballassa sarannapa si'o.”

LUKAS 3:11

I Yohanes sinumimbakka, “Taumata apan laungnge darua ṛinone mangonggolu samparassa su taumata tawe laubba, wuṛṛu taumata pia anna, ṛinone mattahia su taumata tawe anna.”

EFESUS 4:28

Taumata apan inanaramanne manna'o ṛinone i tou mangillol᷊o manna'o. Mappianne i tou mammanara tadea'u maasomba anna ringannu su ṛinone wuṛṛu wotongnge mantul᷊ungngu taumata apan pia awunne.