1 TIMOTIUS 6:17 - WUKE SUSI WATTI'U AL᷊AL᷊USASSA

¹⁷ Su manga taumata ala su runia indi, ṛinone i'o maddorongnga tadea'u i mangitou arie mamunga wuṛṛu arie mangantimma manga sarannapa apan tawe tantune – ereudde paa'ala. I mangitou ṛinone pia antimma su Ruata apan mangonggolu al᷊awo'a si ite ringannu manambo tadea'u i ite wotongnge maatemma paa'ala udde.

1 TIMOTIUS 6:17 Referans Kwoze

WATTI'U MANGA RASUL 14:17

Arawe i Tou tawe maabul᷊i mangonggolu tatiala-Ne, eteudde ringannu ma'ola'a apapia. i Tou mangngonggolu uranna wuassu langitta wuṛṛu hessin leta'a su tempone. I Tou mangngonggolu anna si yamiu wuṛṛu malluassa naungngu.”

AMSAL 11:28

Isai apan mangngasakku paa'alane sarun manawo ere rongnga naṛṛangute; taumata apan susi sarun mati'akka ere lal᷊uwon rongnga wakku.

1 TIMOTIUS 4:10

Ana waugu udde i ite mammanara maṛṛimadda, ana waugu i ite pia antimma atonna su Ruata apan wiakka; eteudde Punnu Sal᷊amattu anambon taumata, nangillembo taumata apan mangngimanna.

MATIUS 19:23

See Mawu Yesus nabbisara su manga mallal᷊aṛṛenggen-Ne, “I Ya'u mabbisara si yamiu, masahada atonna taumata ala maola'a lal᷊oṛṛon araratuannu Ruata.

AMSAL 27:24

ana waugu paa'ala tawe mattaṛṛangnga mal᷊annu, ewe'e lai taṛṛino ipamarenta lai sidutu saran mal᷊annu-l᷊annu.

TITUS 2:12

Darangngun Duata udde mangngaṛṛa'a si ite tadea'u tate lai mabbiakka uapapaṛṛalan apulun Duata wuṛṛu tate tumuṛṛutta apulun runia. I ite niaṛṛaanna mabbiakka sulal᷊ummu runia indi ringannu masingkata manabare, matul᷊ida wuṛṛu matuṛṛuta Ruata.

KOLOSE 3:16

Ṛinone manga al᷊aṛṛa'i Kristus apan napenen al᷊amatta umusippa sulal᷊ummu naungngu. Ṛinone i yamiu uatatantiro wuṛṛu uaaonggolu al᷊aṛṛa'a lembon apianne. Antaria'e Mazmur wuṛṛu manga daralo see manga antarin Saṛṛani; pangantarite hunan Duata ringannu apendamu aadiangkamanna sulal᷊ummu naungngu.

LUKAS 19:2

Su soa udde pia sangkatou tembonannu madarorongnga wose apan ala. Aranne i Zakheus.

AMSAL 30:9

Ana waugu, amungkangngu i ya'u ala, asinungka i ya'u sarun mabbisara manungku i ya'u tate mappandumma si'o. Wuṛṛu napawe i ya'u asiangnga, asinungka i ya'u sarun manna'o ma'oman sara mandal᷊eote aran-Nu.”

TAHIUL᷊E 8:17

Nariaddi, arie saran paassa i yamiu maṛṛingidda manungku ringannu apulu wuṛṛu atatohannu sassane i yamiu wotongnge mabbal᷊i ala.

ROMA 11:20

Udde mangke atonna. Arawe i mangitou niramme ana waugu i mangitou tawe mangimanna, arawe tuṛṛangnga tinarimmatta ana waugu tuṛṛangnga mangimanna. Nariaddi imbaṛṛangnga tuṛṛangnga mamunga ana waugu udde; arawe ṛinone i'o pia apendamma mata'utta.

HOSEA 13:6

Arawe napawe i yamiu uatane'e su wanua apan mapia, wuṛṛu i yamiu nal᷊aidda see naapendamma mal᷊uassa, i yamiu nabbal᷊i mawunga see naabuli-U.

YEREMIA 2:31

Ei umattu Israel, paddaringikke manga wisara-U indi. Apa i Ya'u buatte na'ola'a Israel ere wadda'u anne su saruanni yamiu ara'e leta'a apan wasa tuudda? Arawe anio i yamiu mabbisara manungku i yamiu mappulu mapallossa, wuṛṛu maddirite mabelengnga ringang-Ku?

AMSAL 23:5

Ana waugu tumba'u sulal᷊ummu sangkaṛṛondappa darotongngu sarun mawul᷊i, ereola'u i tou pia papaidde wuṛṛu tumalla'a su winabbawa ere manu'a rajawali.

DARALO 104:28

I'o mangngonggola, wuṛṛu i mangitou mangangammulle, I'o mananaddiane, wuṛṛu i mangitou niumanna na'oman sara nal᷊aidda.

DARALO 62:10

Taumata tumba'u ere singangu paassa isangngo, wahewalla addio'a uasul᷊ungnga tawe aregane. Amungkangu itimbanga, i mangitou maṛṛanna, maṛṛannanna wuassu singangu paassa isangngo.

DARALO 52:7

Arawe i'o sarun pateannu Ruata sarangkal᷊o'engnge; i'o sametanna wuṛṛu wol᷊enganna wuassu wal᷊enu, wuṛṛu iapawul᷊i wuassu runian taumata wiakka.

2 TAWARIKH 26:16

Napawe i Ratu Uzia matohasse, i tou nabbal᷊i mawunga, wuṛṛu udde panattaṛṛannu nanawon araratuanne. I tou nilumawangnga parentan Mawu Ruatane ana waugu sinumutta su Wal᷊en Mawu manambunnu amania su wowon mezbah amania.

TAHIUL᷊E 33:15

Antimanna manga wuidda wuassu tempon al᷊amona mapenen hessin leta'a apan apianne.

PANDARIADDI 13:2

I Abram alate atonna, i tou uatahuanna domba, ambingnga, sapi, see lai sal᷊a'a wuṛṛu wul᷊awanna.

2 TIMOTIUS 4:10

ana waugu Demas suete nanantangku ana waugu nandangute runia indi. I tou nanute watukku Tesalonika. Kreskes nabatukken Galatia, wuṛṛu Titus watukku Dalmatia.

1 TIMOTIUS 6:13

Wuṛṛu orassa indi su saruannu Ruata apan nangonggolu niawa su al᷊awo'u sarannapa, wuṛṛu su saruanni Kristus Yesus apan nangonggolu tatiala atonna si Pontius Pilatus, i ya'u madorongnga indi wuassi'o:

1 TIMOTIUS 1:3

I ya'u maapulu tadea'u i'o sidutu uatana'a su Efesus ere lai suete ta'u niwal᷊o si'o su tempo i ya'u inai watukku Makedonia. Ana waugu su Efesus pia sire pira taumata apan mannal᷊iawukku al᷊aṛṛa'a nassal᷊a, wuṛṛu i'o ṛinone maningaddi mangitou.

1 TESALONIKA 1:9

Anambon taumata udde uahahatto su ola'u ereapa i yamiu nanal᷊oho si yami su tempo i yami dorone nirumanta ringanni yamiu. I mangitou uahahatto su ola'u ereapa i yamiu nanantangu pasasubba paal᷊uanna wuṛṛu nirumanta ringannu Ruata tinggassa apan wiakka wuṛṛu mattaṛṛamawu si Tou.

EFESUS 5:5

Panutukka paapia-pia: taumata apan pallal᷊agune sussandaga, ara'e tawe matataṛṛino, ara'e wal᷊iu (pallal᷊agu ereudde nassul᷊ungngu lai massubba paal᷊uanna), taumata udde tawe masutta su walahanna apan paparentanni Kristus wuṛṛu Ruata.

WATTI'U MANGA RASUL 17:25

I Tou lai tawe madorongnga tul᷊unganna su taumata, ana waugu ete i Tou apan mangngonggolu wiakka wuṛṛu sasangngo wuṛṛu manga al᷊awo'a su taumata.

WATTI'U MANGA RASUL 14:27

Napawe na'omate su Antiokhia, i mangitou nangammullu manga taumata wuassu jamaatta udde, see nabatti'u sarangkanambone apan suete niola'u Ruata sulal᷊ummi mangitou. I mangitou nabbati'a lai su ola'u ereapa Ruata suete namantingidu lal᷊anna tadea'u manga taumata apan bal᷊ine Yahudi mangngimanna Mawu Yesus.

MARKUS 10:24

Manga mallal᷊aṛṛenggen-Ne naherangnga naaringikka wisara Mawu Yesus. Arawe Mawu Yesus nabbisara apia, “Al᷊aṛṛana'u, masahadda atonna maola'a lal᷊oṛṛon araratuannu Ruata!

MATIUS 27:57

Ṛabbi udde nirumantate sangkatou taumata ala wuassu Arimatea, aranne i Yusuf. I tou lai sangkatou mallal᷊aṛṛenggennu Mawu Yesus.

MATIUS 6:32

Sarangkanambone udde sidutu raddeaannu taumata apan tawe maaillal᷊a Ruata. Arawe Iamangngu su surga, masingkatta manungku i yamiu maapulun sarangkanambone udde.

DANIEL 4:30

i ya'u nabbisara, “Pa'ellege, apiawe eteapa soa Babel! Eta i ya'u apan na'ola'a nabbal᷊i inangngu araratuanna ipammasingkattu taṛṛino wuṛṛu atatoha'u, awawantuga wuṛṛu atatelengku!”

YEHEZKIEL 16:56

Wal᷊inewe i'o buatte nilumagen Sodom sutempo i'o ta'e mawunga

DARALO 62:8

Ete i Tou Ruata apan nangonggolu asasal᷊amatta wuṛṛu aaddata si ya'u, ete i Tou pattillumangku wuṛṛu mananahe'u apan matohassa.

TITUS 3:6

Ruata namobbokku Ghaṛṛaho-Ne si ite sulal᷊ummu Anang-Nge Yesus Kristus, Ratum Punnu Sal᷊amatti ite,

1 TIMOTIUS 5:21

Su saruannu Ruata, Kristus Yesus wuṛṛu manga mala'ekatta apan napile, i ya'u sumal᷊ande tadea'u i'o tumuṛṛutta manga tatantiro indi ringannu tawe massunna lal᷊eo su saruanni sai-sai ringannu tawe masasamba'a.

1 TIMOTIUS 3:15

tadea'u amungkangu i ya'u mal᷊annu, i'o masingkate ereapa i ite mabbiakka maola'a walahannu Ruata, eteudde jamaattu Ruata apan wiakka. Ete jamaatta indi apan naola'a alu tatungkale wuṛṛu rapappaku al᷊aṛṛa'a apan naṛṛino wuassu Ruata.

MANNANASE 2:24

Taweddu mappianne su taumata wuassu anna, ua'e wuṛṛu mappaattu hessin inasaharanne. I ya'u natutukka manungku udde lai aonggollu Ruata.

YEREMIA 49:4

Ei i yamiu apan mal᷊awangnga! Anio i yamiu mangngunsandakku manga wawal᷊annu apan masuwukka? Anio i yamiu mangngasakku paa'alanu? Ereapa wotongnge i yamiu mabbisara manungku tawe saran sangkatou apan waṛṛani mamangalo si'o?

MATIUS 12:32

Amungkangngu taumata mabbisara wisara tatompola su Ana'u Taumata, i tou wotongnge ampunganna, arawe amungkangngu i tou mangngaddio'a Ghaṛṛahon Ruata, i tou tawe aampunganna, mapia orassa indi ara'e lai su panginsueanne!”

LUKAS 3:11

I Yohanes sinumimbakka, “Taumata apan laungnge darua ṛinone mangonggolu samparassa su taumata tawe laubba, wuṛṛu taumata pia anna, ṛinone mattahia su taumata tawe anna.”

1 TIMOTIUS 6:9

Arawe taumata apan maapulu maola'a ala, inawono'anna wuṛṛu niasamettu al᷊awo'u aapulu apan woddo wuṛṛu mandal᷊eo. Manga aapulu udde ma'ola'a taumata maṛṛimunsa'a wuṛṛu masilaka.

2 PETRUS 1:11

Ringanni aroddi yamiu sarun onggol᷊annu taṛṛino sumutta su Araratuanna apan saran mal᷊annu-l᷊annu wuassu Mawu wuṛṛu Ratun Punnu Sal᷊amatti ite Yesus Kristus.

MATIUS 25:16

Mangangimbe apan nanengkamma lima ṛiwu roitta wul᷊awanna udde nal᷊iha-l᷊ihakka inai nabbal᷊u'a, see naasomba auntunganne lima ṛiwu roitta wul᷊awanna.