1 TIMOTIUS 6:15 - WUKE SUSI WATTI'U AL᷊AL᷊USASSA

¹⁵ Daranta-Ne sarun itantunnu Ruata sassane su tempone apan naṛṛino. Tumba'u i Tou sassane uatahuanna; i Tou mawantuga, Ratu wuassu al᷊awo'u ratu, wuṛṛu Mawu wuassu al᷊awo'u mawu.

1 TIMOTIUS 6:15 Referans Kwoze

SONDAPPA 19:16

Su jubah-Ne wuṛṛu su palang-Nge uawoṛṛetta aranna indi, “Ratun al᷊awo'u ratu, wuṛṛu Mawun al᷊awo'u mawu.”

SONDAPPA 17:14

I mangitou sarun mamangalo lumawanna Ana'u Domba udde. Arawe Ana'u Domba udde wuṛṛu mallal᷊aṛṛenggen-Ne apan matuṛṛuta apan suete niwagoan-Ne wuṛṛu nipile-Ne udde sarun mapaarugi manga ratu udde, ana waugu ete i Tou Mawun al᷊awo'u tuangnga, wuṛṛu Ratun al᷊awo'u ratu.”

1 TIMOTIUS 1:17

Ruata, Ratu su al᷊o'engngu tempo, ṛinone addatanna wuṛṛu siddutu raloanna, ana waugu ete i Tou punnu sal᷊amatta sarangkal᷊o'engnge, apan tawe iasilo wuṛṛu tinggassa! Amin.

YEREMIA 10:10

Arawe I'o, Mawu, Ruata apan naṛṛino, Ruata mangangonggllu wiakka, ratu sarangkal᷊o'enge. Amungkangngu I'o masa'u, runia umio'a, amungkangngu I'o mamansagga manga walahanna tawe maataṛṛanga. (

DARALO 47:2

Pattal᷊o'ape ringannu lulluassa, ei anambon walahanna! Paddalote Ruata ringannu huggio!

1 TIMOTIUS 1:11

Al᷊aṛṛa'a udde niasombanganna sulal᷊ummu Watti'u Al᷊al᷊uassa apan pananal᷊iawukke tinantilla si ya'u, eteudde Watti'u Al᷊al᷊uassa wuassu Ruata apan mawantuga wuṛṛu ṛinone raloanna.

YEREMIA 46:18

I Ya'u Ruata apan biakka, i Ya'u ratu, Mawu Apan Lembontaṛṛino. Ere Wowon Tabor nanampal᷊iu manga wowone waine, wuṛṛu Wowon Karmel ual᷊iatta'a su wowon tahal᷊oangnga, etearoddi atohanne i tou rumanta mamangalo si'o.

DARALO 83:18

Wala'ewe i mangitou sarangkal᷊o'engnge pansilianna wuṛṛu matta'utta, wala'ewe i mangitou mate sulal᷊ummu asasili.

DANIEL 4:34

Napawe pitu tonna udde nal᷊iudde, i ya'u tinumingngara langitta, wua'udde nawelengke apia ringirangku. Ne i ya'u naddalote Ruata Apan Atanggaṛṛanne. Ta'u niraloanna wuṛṛu ta'u niwantuhanna i Tou apan mabbiakka saran mal᷊annu-l᷊annu udde. “Ruata sarun maola'a ratu saran mal᷊annu-l᷊annu. I Tou ataṛṛino su al᷊o'engngu tempo.

AMSAL 8:15

Manga ratu ta'u nisumbalanna mappaamattu manarane, manga tembonanne ta'u nitul᷊ungnga manohassa atatul᷊idda.

1 TIMOTIUS 2:6

I Tou sangkatou taumata apan suete nanantillu watangan-Ne ipamallosu anambon taumata wuassu manga rosa mangitou. Ringannu udde Ruata napaal᷊iatta'a su tempo apan na'etta'a, manungku i Tou maapulu tadea'u anambon taumata masal᷊amatta.

MATIUS 6:13

Ariewe mamalang kami awul᷊iannu pangangimanna su tempo i yami wabal᷊intongnganna ewe'e liua'a i yami wuassu taṛṛinon Al᷊al᷊eo. [Ete I'o Ratu apan uataṛṛino wuṛṛu mawantuga ma'oman sara mal᷊annu-l᷊annu. Amin.]’

EZRA 7:12

“Wuassi Ratu Artahsasta iwuna'a si Ezra, sangkatou imam wuṛṛu panden Titan Duata uataṛṛino su surga.

TAHIUL᷊E 10:17

Mawu Ruatanu roso su wowon al᷊awo'u Mawu wuṛṛu nilumebbe wuassu al᷊awo'u taṛṛino. I Tou Mawu Ruata mawantuga wuṛṛu mataṛṛino apan ṛinone subbanna. I Tou tawe mangempe wuṛṛu tawe lai manengkamma aonggola sasal᷊o'a.

DARALO 136:3

Paadiangkamante su Mawu Apan Ahewal᷊anne; darangngu-Ne tawe panguddusanne.