1 TIMOTIUS 6:12 - WUKE SUSI WATTI'U AL᷊AL᷊USASSA

¹² Pabbiakke atonna-tonna maola'a sangkatou taumatan Saṛṛani tadea'u i'o wotongnge maapal᷊aṛṛo aonggolu wiakka tutune wuṛṛu mal᷊annu-l᷊annu. Ana waugu eteudde Ruata namaggo si'o su tempo i'o nanga'u su saruannu awadaalla manungku i'o mangngimanna si Kristus.

1 TIMOTIUS 6:12 Referans Kwoze

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.

1 TIMOTIUS 1:18

Timotius, ana'u, Manara indi ta'u itantilla si'o, mannaungnga tanatan Duata apan niapaasingkatu manga nabi sulal᷊ummu jamaatta su ola'u ririnu. Ṛinone tanata udde maola'a wal᷊unna si'o sulal᷊ummu manaranu apan mapia.

2 TIMOTIUS 4:7

I ya'u suete nattalumma ringannu mapia-pia, wuṛṛu na'omate su akkitta panginsueanne. I ya'u sidutu tuttuṛṛuta Mawu Yesus saran pangudusanne.

SONDAPPA 3:3

Nariaddi, naungete apia-apa apan suete niaṛṛa'a si yamiu rorone wuṛṛu apa apan suete niaringiṛṛani yamiu. Ola'e udde wuṛṛu awal᷊ute wuassu manga rosanu. Amungkangu i yamiu tawe maatimpu'o, i Ya'u sarun rumanta ringanni yamiu ere sangkatou taṛṛa ta'o; wuṛṛu i yamiu wagga tingngerate tempone i Ya'u rumanta.

1 TIMOTIUS 6:13

Wuṛṛu orassa indi su saruannu Ruata apan nangonggolu niawa su al᷊awo'u sarannapa, wuṛṛu su saruanni Kristus Yesus apan nangonggolu tatiala atonna si Pontius Pilatus, i ya'u madorongnga indi wuassi'o:

1 YOHANES 2:25

Wuṛṛu ete indi apan pina'iren Kristus sassane si ite: wiakka tutune wuṛṛu saran mal᷊annu-l᷊annu.

IBRANI 6:18

Darua inolaanna udde apan tawe wotonge mawal᷊u: Ruata tawe mangawusu su ola'u pa'aire wuṛṛu sasalu-Ne. Ana waugu udde, i ite apan uasirungke ringannu Ruata, nionggol᷊annu sasasa apan matohassa ipangagassa antimma apan uawilatta su saruanni ite.

2 TIMOTIUS 1:9

Ruata mannal᷊amatta si ite wuṛṛu namago si ite, tadea'u maola'a al᷊aṛṛanang-Nge. I Tou na'ola'a udde wal᷊ine ana waugu apa apan suete nimmanaran kite, ewe'e ana waugu panduman-Ne sassane wuṛṛu darangngu-Ne. I Tou nandangngu si ite sulal᷊ummi Kristus Yesus ro'en runia indi taambe niriaddi.

KOLOSE 3:15

Ṛinone manga pangudusannu hatto udde insueannu paddarame apan nionggoli Kristus sulal᷊ummu naungngu. Ana waugu Ruata namaggo si yamiu maola'a sambau waddanga, tadea'u i yamiu mabbiakka sulal᷊ummu paddarame wuassi Kristus udde. Ṛinone i yamiu maadiangkamanna.

1 TIMOTIUS 6:19

Ringannu aroddi i mangitou mangngammulu paa'ala apan maola'a sambau roitta uaraddo apan mapia su tempo addantane. Wuṛṛu ringannu udde i mangitou sarun maasomba wiakka ma'oman sara mal᷊annu-l᷊annu, eteudde wiakka apan tutune.

ZAKARIA 10:5

Tumana'u Yehuda sarun maauntungnga ere manga atumannaṛṛane apan maṛṛinda seetta ere labbo su lal᷊anna. I mangitou mattinsahadda ana waugu i Ya'u, Mawu massumbala si mangitou, wuṛṛu tantaran seetta apan uasa'e awal᷊o sarangkanambone sarun iawaddon mangitou.

IBRANI 3:14

I ite sarangkanambone uddewe sanggaweanna sulal᷊ummu manara ringanni Kristus, sawal᷊iate saran pangudusanne i ite uaaggasa pangangimanna apan tatahuananni ite ro'en paarorone.

1 TESALONIKA 2:12

I yami mannantiro si yamiu, i yami mangngonggolu sasasa si yamiu wuṛṛu i yami mammata'a tadea'u i yamiu mabbiakka aroddi olangnge ma'oman sara maal᷊uassa naungngu Ruata. Ana waugu Ruata suete namaggo si yamiu maola'a lal᷊oṛṛon Dunia Wakkun Duata wuṛṛu mamendamma awawantu-Ge.

AMSAL 3:18

Taumata apan uaagassa matohassa su asingkatta sarun mabbiakka tutune wuṛṛu su lal᷊umanna'a.

1 PETRUS 3:9

Arie mabbal᷊issu al᷊al᷊eo ringannu al᷊al᷊eo, ara'e lal᷊ela wal᷊isannu lai lal᷊ela; arawe wal᷊isete ringannu maddorongnga al᷊amatta wuassu Ruata. Ana waugu Ruata namaggo si yamiu tadea'u i yamiu manengkamma al᷊amatta wuassi Tou.

2 TESALONIKA 2:14

Ana waugu udde Ruata namaggo si yamiu sulal᷊ummu Watti'u Al᷊al᷊uassa apan niapaasingkati yami si yamiu. Ruata namaggo si yamiu, ana waugu i Tou maapulu tadea'u i yamiu lai maapendama awawantugu Mawun kite Yesus Kristus.

DARALO 63:8

ana waugu ete I'o niumontolla si ya'u; sual᷊ungngu papaiddu Mawu i ya'u mangngantarin al᷊al᷊uassa.

TAHIUL᷊E 26:3

Roote ringannu imam apan mammanara orassa udde wuṛṛu wal᷊oa'a si tou, ‘I ya'u mamasingkatta Mawu Ruatanu manungku i ya'u na'omate su wanua apan buatte nipa'ire-Ne su iupungngu al᷊amonan kite apan ionggola si ite.’

YESAYA 44:5

Sangkatou-sangkatou sarun manga'u watanganne pussa'a-U, wuṛṛu rumanta maammulla ringannu papapulunni Yakub. Sangkatou-sangkatou mammoṛṛetta su limane: Pussa'a Mawu, wuṛṛu mannaggon batanganne umattu Ruata.”

2 KORINTUS 9:13

Wuṛṛu wuassu apapian kamiu udde, manambo taumatan Saṛṛani su Yudea sarun maddalo Ruata ana waugu i mangitou naasilo tatuṛṛuti yamiu su Watti'u Al᷊al᷊uassa su ola'i Kristus apan tatantalonganni yamiu udde. I mangitou lai maddalo Ruata, ana waugu i yamiu naungnge mapia mattahia si mangitou wuṛṛu su anambon taumata waine sarannapa apan pia si yamiu.

IBRANI 13:23

Ṛinone i yamiu masingkata manungku tuṛṛangi ite i Timotius nipallose wuassu tuttupanna. Amungkangu i tou na'omate su tampa'u indi, ya'u sarun mangapiddi tou su tempo i ya'u mattembo si yamiu.

2 KORINTUS 6:7

wuṛṛu ringannu mabbatti'a watti'u Ruata wuṛṛu ringannu taṛṛinon Duata, i yami mapaal᷊iatta'a manungku i yami indi allangngu Ruata. I yami uaagassa apulu Ruata maola'a ahiddi ami ipamangalo ara'e ipannohassa wadangngi yami.

ANTARI MAWANTUGA 3:4

Wakkute ta'u nitantangnga i mangitou, i ya'u massomba tatuno naungku. Aagasangku i tou, wuṛṛu tawe ta'u ipallossa na'oman sara ta'u niapidda su wal᷊en mama'u, su wabbo'an taumata apan nanungkangku.

FILIPI 1:30

Orassa indi yamiu suaddio'a ringangku sulal᷊ummu manara apan uasul᷊ungnga; eteudde apan suete niasiloanni yamiu, mammanarangku rorone, wuṛṛu apan ta'e mammanarangku sara orassa indi, ere lai suete niaringiṛṛani yamiu su orassa indi.

1 TIMOTIUS 1:19

Pammanarate ringannu pangangimanna apan atonna wuṛṛu ringannu lal᷊ummu naungnga apan waresi. Pia manga taumata apan tawe maddaringikka tingikku lal᷊ummu naungnge, na'oman sara naṛṛimunsa'e pangangimanni mangitou.

1 TIMOTIUS 4:14

Arie i'o maabul᷊i mappaattu apande wuassu Ghaṛṛahon Duata apan nionggolla si'o su tempo manga piaṛṛa'u jamaatta nangaddon lima mangitou su wowon puanu, wuṛṛu manga nabi namasingkatu tanatan Duata su ola'u ririnu.

2 TIMOTIUS 2:2

Al᷊aṛṛa'a paarorone suete niaringiṛṛanu wuassia'u su saruannu awadaalla, ṛinone itantillu su manga taumata apan wotongnge apangimananna wuṛṛu pande mangaṛṛa'a taumata waine.

YUDAS 1:3

Manga tuṛṛangnga apan arangnguanna! I ya'u atonna-tonna pia pandumanna mamoṛṛettu suratta si yamiu su ola'u asasal᷊amatta apan suete niapendamanni ite suaddio'a. Arawe orassa indi ya'u pia pandumma mangaṛṛa'a si yamiu ringannu suratta indi tadea'u i yamiu siddutu mammanara maddea'a pangangimanna apan paassate nionggolu Ruata ma'oman sara mal᷊annu-l᷊annu su al᷊aṛṛanang-Nge.

MAL᷊AṚṚUUNGNGA 3:2

Mawu na'ola'a udde tumba'u ringannu pandumma ipanantiro al᷊awo'u taumatan Israel mapapangalo, nipangillembote lai si mangitou apan tawe naatemma napapangalo.