1 TIMOTIUS 6:11 - WUKE SUSI WATTI'U AL᷊AL᷊USASSA

¹¹ Arawe ete i'o taumata tatahuanannu Ruata, nariaddi i'o ṛinone mangindaun sarangkanambone udde. Padea'a maola'a taumata mapia su aellegu Ruata, apan mattaṛṛamawu Ruata, mangngimanna si Kristus, mandangngu sansul᷊unge, masabare sulal᷊ummu asasusa, wuṛṛu masaṛṛionto'a.

1 TIMOTIUS 6:11 Referans Kwoze

2 TIMOTIUS 2:22

Pangindau manga lal᷊umanna'u taumata dario'a. Pabbiakke tumuṛṛuttu apulun Duata, paatuṛṛutta su al᷊aṛṛang-Nge wuṛṛu paarangngu taumata sansul᷊unga, wuṛṛu pia atatammudu naungnga. Pabbiakke aroddi suadio'a ringanni mangitou apan sussal᷊ande madorongnga tul᷊unganna su Mawu ringannu naungnga waresi.

2 TIMOTIUS 3:17

Ringannu Wuke Susi udde taumata apan mangngimbe Ruata wotongnge peddetannu asasuungnga su al᷊awo'u manara apan mapia.

1 TIMOTIUS 4:12

Arie mamalan sangkatou taumata ma'ellega si'o addio'a ana waugu i'o ta'e umbasanna. Arawe ṛinone i'o maola'a tul᷊adda su manga taumata apan mangngimanna hattonu wuṛṛu pallal᷊agunu, su ola'u darangngunu su sansul᷊ungu wuṛṛu mangngimanna Mawu Yesus Kristus, ringannu naungnga apan waresi.

IBRANI 12:14

Paddea'e ringannu wotongnge mabbiakka su paddarame ringannu anambon taumata. Paddea'e lai see mabbiakka susi, tumba'u ringannu Mawu. Ana waugu tawe saran sangkatou wotongnge maasilo Mawu amungkangu i tou tawe mabbiakka ereudde.

1 KORINTUS 10:14

Ana waugu udde, manga tuṛṛangnga apan arangnguanna, ṛinone i yamiu maddantinu pasassubba paal᷊uanna.

1 PETRUS 3:11

I tou ṛinone mangindaun al᷊al᷊eo wuṛṛu ma'ola'a apapia; ṛinone i tou mattinsahadda atonna-tonna ana see maasomba paddarame.

1 KORINTUS 6:18

Pangindaute manga inolaanna sussandaga. Ana waugu anambon dosa waine apan niola'u taumata, nariaddi su liuddu wadangngu taumata udde. Arawe taumata apan sussandaga, udde mangal᷊ene ma'ola'a rosa lai su wadangnge sassane.

DARALO 34:14

Arie mapasabbangu manga wisara lal᷊eo, wuṛṛu imbaṛṛangnga maapulu mallinga mammahia.

1 TIMOTIUS 5:10

tinumelennga ere sangkatou wawine apan ma'ola'a apapia, ereindi: i tou suete namadul᷊i manga al᷊aṛṛanangnge ringannu mapia, naungnge mal᷊uassa mangimbe raho matana'a su wal᷊ene, mangimbe manga taumata mangngimanna, massumbala manga taumata susa, wuṛṛu mammanara atonna-tonna al᷊awo'u manara apan mapia.

1 KORINTUS 14:1

Ṛinone i yamiu madea'a suapan botongnge mandangngu manga taumata waine. Wuṛṛu padea'a lai manengkamma manga al᷊amatta apan ionggolu Ghaṛṛahon Ruata, lembonete lai apande ipamasingkatu apulun Duata su taumata.

ROMA 14:19

Ana waugu udde pandumanni ite ṛinone sidutu su manga inolaanna apan mandantan paddarame wuṛṛu uatatul᷊ungnga.

YESAYA 51:1

Mawu nabbisara, “Paddaringikke si Ya'u, ei i yamiu apan mappulu iapasal᷊amatta wuṛṛu rantate ringang-Ku paddorongnga aontolla. Naungete wowone watu wuassuapa i yamiu nipaangnga, wuṛṛu ma'al᷊i watu wuassuapa i yamiu nial᷊i.

DARALO 38:20

Manga taumata apan maisasee'u, manambo wuṛṛu matohassa, i mangitou maddantinnu ola'u i ya'u mabbiakka.

2 MARARATU 5:20

I Gehazi allangi Elisa, naṛingidda, “Ah, anio i tou niwala napul᷊e ringannu tawe namaekka? Ṛinone i tuangku manengkamma aonggolu taumatan Siria udde! Ringannu arannu Mawu apan biakka, i ya'u ṛinone inai mangenggena si tou tadea'u maasomba aonggola wuassitou!”

1 TIMOTIUS 6:20

Apa apan suete tinantilla si yamiu, paariagai udde mapia-pia, Timotius! Paarau manga hatto apan tawe gunane wuṛṛu patatatiakka su ola'u inolaanna apan mangngal᷊iwu isassago “Asingkata”.

YEREMIA 35:4

I ya'u nangapiddi mangitou watukku Wal᷊e Mawu sulal᷊ummu wabbo'a manga mal᷊aṛṛenggeni Nabi Hanan ana'i Yigdalya. Wabbo'a udde addone al᷊iurosone wuassu wabbo'a Imam Maaseya ana'i Salum, maranin wabbo'a manga mammamanara waine. Maaseya uddewe pegawe apan atanggaṛṛanne apan uariaga manga ngara su Wal᷊en Mawu.

2 TAWARIKH 8:14

Uasul᷊ungngu lai ere atoranni Daud Iamangnge, Salomo nangatokku manga manara miallo-miallo su manga imam wuṛṛu su taumatan Lewi apan ṛinone mangngantari manga daralo su Mawu wuṛṛu massumbala manga imam sulal᷊ummu mallaghu patataṛṛamawu. See lai manga mandariaga Wal᷊en Mawu nitahia lai piran kawageanganna su al᷊awo'u ngara mal᷊oangnga, ere lai buatte nitantiron Daud allangngu Ruata.

2 MARARATU 23:17

Ne i tou naiwal᷊o, “Labbingi sai indi?” Manga taumatan Betel sinumimbakka, “Udde labbingu nabin Mawu apan su paassa nirumanta isindi wuassu Yehuda, wuṛṛu namatta manga inolaanna apan wakkute niola'i Tuanga su mezbah indi.”

2 MARARATU 1:13

Paassa lai ratu nandolokku sangkatou tembonannu tantara wuṛṛu siri liman pul᷊o tantarane. Tembonanne udde sinumaate su wuidda wuṛṛu napawe na'omate ringanni Elia i tou niumal᷊intudda wuṛṛu nabbisara, “Ampungewe yami, oh allangu Ruata! Akkanaawe i ya'u wuṛṛu mallal᷊aṛenggengku indi. Ariewe mamate siyami!

2 MARARATU 1:9

Ana see i tou nandolokku sangkatou tembonannu tantara wuṛṛu siri liman pul᷊o tantarane inai iapasametta si Elia. Tembonannu tantara udde inaite ana see naaratingnga si Elia tantal᷊anna ua'ianna su sambau wuidda. “Ei, allangu Ruata,” wisaran tembonannu tantara udde, “ratu nandolokka i'o iapasossokka!”

1 MARARATU 20:28

Ana see nirumantate sangkatou nabi ringanni Ratu Ahab wuṛṛu nabbisara, “Eteindi apan niwisaran Mawu: ‘Ana waugu taumatan Siria udde massunna manungku i Ya'u tumba'u uataṛṛino su panenteanna wuṛṛu tawe su leta'a ratakke, ne i Ya'u sarun mangonggollu auntunganna si'o su tantaran mangitou apan tumaniten manambo udde. I'o wuṛṛu tumanangngu sarun maasingkatta manungku ete i Ya'u, Mawu.’ ”

1 MARARATU 17:18

Ana see unnu wawine wal᷊u udde si Elia, “Allangngu Ruata, anio Iamangnga na'ola'a olangnge indi su saruangku? Apa Iamangnga rumanta tadea'u Ruata manaungnga rosa'u, na'oman sara ana'u rinone mate?”

1 SAMUEL 2:27

Su allo sambau nirumantate sangkatou nabi ringanni Eli wuṛṛu namasingkattu tanatan Mawu si tou, wisara-Ne, “Sutempo al᷊amonanu i Harun wuṛṛu amonanne nabbal᷊i allangngu ratun Mesir, i Ya'u buatte napal᷊iatta'u watangang-Ku si Harun.

1 MARARATU 13:26

Sutempo nabi timmade udde naaringikka olangnge udde, i tou nabbisara, “Asinungka udde nabi apan tawe naddaringikka parentan Mawu! Ana waugu udde Mawu nandolokku singa udde niapatambo wuṛṛu niapapate si tou ere buatte niwal᷊on Mawu paarorone.”

1 MARARATU 13:1

Sutempo udde pia sangkatou nabi su Yehuda. I tou nirolokku Mawu inai watukku Betel. Nabi udde na'omate poiaroddi sutempo i Yerobeam tantanl᷊anna uarisikka su saruannu mezbah mangngonggollu sasamba.

1 SAMUEL 9:6

Allangnga udde sinumimbakka, “Paasabbare asuene! Su soa indi pia sangkatou allangngu Ruata. I tou lembon a'adatannu taumata ana waugu anambon wisarane sidutu atonna-tonna mariaddi. Wette iaddua inaite ringanni tou, asinungka i tou wotongnge mamasingkatta suapa manga keledai udde.”

TAHIUL᷊E 33:1

Tantal᷊anna taambe nate, i Musa daroloṛṛannu Ruata, nangal᷊amatte walahannu Israel ringannu manga wisara indi:

TAHIUL᷊E 16:20

I yamiu ṛinone sidutu su atatul᷊idda, tadea'u wotongnge mamanua wuṛṛu mabbiakka su lal᷊umanna'a su leta'a apan nionggolu Mawu Ruatanu si yamiu.

NEHEMIA 12:36

Su liudde u'amatta manga taumata wuassu wawosoanne, eteudde: Semaya, Azareel, Milalai, Gilalai, Maai, Netaneel, Yehuda wuṛṛu Hanani. I mangitou sarangkanambone uaapiddu alattu musikka, uasul᷊ungngu apan nannalanganni Ratu Daud, allangngu Ruata udde. Imam Ezra, mapapanden Titan Duata udde, u'amatta su puan barisanna udde.

NEHEMIA 12:24

Su al᷊ungngu piaṛṛa'u Hasabya, Serebya, Yesua, Binui wuṛṛu Kadmiel, manga taumatan Lewi nitahia sulal᷊ummu manga wageangnge. Suapan paassa pia darua wageangnge apan mammanara maddalo Mawu wuṛṛu mangngonggollu aadiangkamanna si Tou uawawal᷊issa, uasul᷊ungngu atoranni Ratu Daud, allangngu Ruata udde.

1 TAWARIKH 23:14

Al᷊aṛṛana'i Musa allangngu Ruata nireengnga lai sulal᷊ummu ṛuanganni Lewi.)

1 MARARATU 17:24

Wawine wal᷊u udde sinumimbakka, “Orassa indi ya'u masingkatte Iamangnga uddewe allangngu Ruatta wuṛṛu wisaran Iamangnga udde atonna wuassu Mawu!”

AMSAL 15:9

Mawu maddantinnu ola'u wiakku taumata marosa, arawe i Tou u'akkannu taumata apan mattinsahadda tuttuṛṛutta apulu-Ne.

1 TIMOTIUS 1:14

Wuṛṛu i ya'u nial᷊amatannu Mawun kite. I Tou nangonggolu atatohassa si ya'u ipangimanna si Tou wuṛṛu mandangngu taumata sansul᷊ungnga. Apande udde nionggolla si ite sarangkanambone apan uaaukke ringanni Kristus Yesus.

2 TIMOTIUS 2:21

Taumata apan mammaresi watanganne wuassu anambon al᷊al᷊eo, taumata udde sarun ipaatta su pandumma apan apianne. I tou maola'a pussa'a apianne wuṛṛu mahuna su mawune. I tou sasaddianna ipaatta su al᷊awo'u manara apan mapia.

2 TIMOTIUS 3:10

Arawe i'o suete tinumuṛṛuta manga al᷊aṛṛa'u, pallal᷊agu'u, wuṛṛu tuddan pabbiaṛṛangku. I'o suete naasilo sassane ereapa i ya'u atonna-tonna mangngimanna si Yesus Kristus wuṛṛu marangngu su sansul᷊ungngu taumata. I'o lai masingkatu asasabare'u wuṛṛu atatammu'u.