1 TIMOTIUS 5:25 - WUKE SUSI WATTI'U AL᷊AL᷊USASSA

²⁵ Aroddi lai manga inolaanna mapia lapiddu asiloanna. Wuṛṛu apan masahadda asiloanna, tawe sidutu mangke uawuni.

1 TIMOTIUS 5:25 Referans Kwoze

AMSAL 10:9

Taumata matul᷊idda, mabbiakka mal᷊angnganna; taumata apan mallinga sarun asingkatanna.

LUKAS 11:33

“Tawe taumata mande'omma sol᷊o see iwuni ara'e luuwannu wensada. I tou sarun mangadon sol᷊o udde su tampane, tadea'u taumata apan sumutta wotongnge maasilo semakka.

1 TIMOTIUS 3:7

Ṛinone i tou taumata apan pia aranne mapia sulal᷊ummu soa; ana waugu amungkangu tawe aroddi, ne i tou sarun al᷊uandahannu taumata, na'oman sara manawo su liman Setanna.

WATTI'U MANGA RASUL 22:12

Isudde pia sangkatou aranne i Ananias. I tou sangkatou apan susi wuṛṛu matuṛṛutta mappaamattu Titan Musa. Anambon taumatan Yahudi apan uatana'a su Damsyik mangngaddatta si tou.

WATTI'U MANGA RASUL 10:22

I mangitou sinumimbakka, “Apitenna Kornelius nandolokki yami isindi. I tou sangkatou taumata mapia wuṛṛu matta'uttu Ruata, wuṛṛu lembon aaddatannu anambon taumatan Yahudi. Sangkatou mala'ekattu Ruata nandolokki tou madorongnga i Tuangnga rumanta su wal᷊ene, ana waugu maola'a ere sambau sasimbakku aal᷊iomanne, i tou nirolokka madaringikka apa apan iapaasingkatti Tuangnga si tou.”

WATTI'U MANGA RASUL 9:36

Su Yope pia sangkatou wawine aranne i Tabita. I tou sangkatou apan mangngimanna Mawu Yesus. (Aranne sulal᷊ummu wisaran Yunani eteudde i Dorkas atappasanne rusa.) Inolaanni tou sidutu mapia wuṛṛu mantul᷊ungngu taumata asiangnga.

MATIUS 5:16

Aroddi lai asasemakku ṛinone lai lumansiangnga su saruannu taumata, tadea'u i mangitou maasilo al᷊awo'u pallal᷊agunu apan mapia, wua'udde padalote Ruata su surga.”

FILIPI 1:11

Wiakku sarun lumambalanna ringannu pallal᷊agu apan atonna-tonna mapia apan darantane tumba'u wuassi Yesus Kristus sassane; ne Ruata sarun wantuhanna wuṛṛu raloanna.

SONDAPPA 14:13

See i ya'u naaringikka tingikka wuassu surga mabbisara, “Woṛṛetta'a indi: Manattaka orassa indi, al᷊al᷊uassa su manga taumata apan nate tantal᷊anna mangngimbe Mawu!” “Atonna!” sasimbaku Ghaṛṛahon Ruata. “I mangitou sarun mangillol᷊o mammanara masahadda, ana waugu hessim pangangimbe mangitou sidutu uatantalongnga si mangitou.”