1 TIMOTIUS 5:19 - WUKE SUSI WATTI'U AL᷊AL᷊USASSA

¹⁹ Arie manengkamma aansilla su saruannu sangkatou piaṛṛa'u jamaatta, tabane'e tohasannu ruan katou sakassi ara'e nallebe wua isudde.

1 TIMOTIUS 5:19 Referans Kwoze

MATIUS 18:16

Arawe amungkangngu tawe, apira'e sangkatou ara'e ruang katou lai. Ana waugu sulal᷊ummu Wuke Susi uawoṛṛetta, ‘Mattingkatul᷊ungnga darua ara'e sire tallu sakassi pandumanne mapal᷊iatta'u sangkatou niaṛṛiaannu pasasal᷊a.’

TAHIUL᷊E 19:15

“Tumba'u sangkatou matatiala tawe ipaatta mapal᷊iatta'u sangkatou niansil᷊anna udde nassal᷊a; mattingkatul᷊unga ruan katou pappandumanna su hatto udde.

2 KORINTUS 13:1

Indi atallunete i ya'u rumanta mattembo si yamiu. Sulal᷊ummu Wuke Susi uawoṛṛetta, “Suapan hatto ṛinone pia matatialane darua ara'e sire tallu, wakkute udde hatto udde atonna.”

TITUS 1:6

Sangkatou piaṛṛa'u jamaatta ṛinone sangkatou apan tawe sal᷊ane; i tou ṛinone tumba'u uatahuanna awingnga sangkatou; manga al᷊aṛṛanangnge ṛinone mangngimanna si Kristus wuṛṛu wal᷊inewe ana'a lal᷊eo wuṛṛu tawe iaatokka.

TAHIUL᷊E 17:6

Arawe i tou tumba'u wotongnge iṛṛuumanna amungkangu pia ruan katou mattiala ara'e nilumebbe; sangkatou taumata tawe wotongnge iṛṛuumanna pateanna amungkangngu tumba'u sangkatou matatialane.

IBRANI 10:28

Taumata apan tawe tumuṛṛutta tita apan suete nionggoli Musa, iṛṛuumanna mate ringannu tawe ampungnge, amungkangu pia sakassi darua ara'e sire tallu, i tou niatialante nassal᷊a.

WATTI'U MANGA RASUL 25:16

Arawe i ya'u sinumimbakka manungku taumatan Roma tawe wotongnge manantillu taumata iwala aroddi iapaṛṛuumanna, amungkangngu isai nialae taambe nasasaruannu mangangalaene wuṛṛu massinaukka manahekku ririne.

YOHANES 8:17

Sulal᷊ummu Tita Musa uawoṛṛetta arendi; Tatiala apan atonna eteudde tatiala wuassu ruang katou.

WATTI'U MANGA RASUL 11:30

Pa'aire udde niola'a lai, see i Barnabas wuṛṛu i Saulus nirolokka manguntudu aonggola udde su manga piaṛṛa'u jamaatta.

YOHANES 18:29

Ana waugu udde i Pilatus sinumabangnga ringanni mangitou wuṛṛu naiwal᷊o, “Apa alaenu su ola'u taumata indi?”

1 TIMOTIUS 4:14

Arie i'o maabul᷊i mappaattu apande wuassu Ghaṛṛahon Duata apan nionggolla si'o su tempo manga piaṛṛa'u jamaatta nangaddon lima mangitou su wowon puanu, wuṛṛu manga nabi namasingkatu tanatan Duata su ola'u ririnu.

1 TIMOTIUS 5:17

Piaṛṛa'u jamaatta apan ma'ola'a manarane ringannu mapia, ṛinone onggol᷊annu aaddata paarua anambone, nangillembo wuassi mangitou apan maṛṛimadda mannase wuṛṛu mangaṛṛa'a.