1 TIMOTIUS 5:18 - WUKE SUSI WATTI'U AL᷊AL᷊USASSA

¹⁸ Ana waugu sulal᷊ummu Wuke Susi uawoṛṛetta, “Sapi apan tantal᷊anna maṛṛinda gandumma mapatal᷊ei watun gandumma wuassu raene, arie pa'iitta moṛṛonge,” wuṛṛu lai “Taumata apan mammanara ṛinone manengkamma lal᷊antake.”

1 TIMOTIUS 5:18 Referans Kwoze

TAHIUL᷊E 25:4

Imbaṛṛangnga mangganggumma moṛṛongngu sapi apan tantal᷊anna sussappa gandumma.”

1 KORINTUS 9:14

Aroddi lai Mawu buatte nanantunna manungku taumata apan mabbatti'u Watti'u Al᷊al᷊uassa udde ṛinone maasomba pabbawiakke wuassu manarane udde.

LUKAS 10:7

Atana'e tumba'u su wal᷊e sambau. Sengkamma apa apan iassaru si yamiu isudde, ana waugu taumata apan mammanara wotongnge manengkamma lal᷊antakke. Arie massal᷊iu wuassu wal᷊e sambau watukku wal᷊e waine.

MATIUS 10:10

Arie lai mangapiddu pato'am padaroronganna, ara'e laubba ruam parassa su amatannu, ara'e sapatu, ara'e ta'inna. Ana taumata apan mammanara sarun isuungnga hausanne.

IMAMATTA 19:13

Imbaṛṛangnga mangallangnga sansul᷊ungngu ara'e mangaṛṛo saranapane. Lalantaku sangkatou apan mammanara ringannu arie pattaṛṛange, salaiwe tumba'u saṛṛabbi.

YAKOBUS 4:5

Arie massunna manungku Wuke Susi tawe pinangiananne mabbisara, “Sulal᷊ummu wadangi ite Ruata nangaddon Ghaṛṛaho apan matohassa apulune.”

ROMA 10:11

Sulal᷊ummu Wuke Susi uawoṛṛetta, “Taumata apan mangngimanna tawe iapaasusa.”

ROMA 9:17

Ana waugu sulal᷊ummu Wuke Susi uawoṛṛetta, “Ruata nabbisara su Ratu Mesir, ‘I Ya'u ma'ola'a si'o ratu ana waugu sambau pandumanna indi, eteudde tadea'u ringannu ririnu i Ya'u mapaal᷊iatta'u araratuang-Ku wuṛṛu ma'ola'a arang-Ku asingkatannu lal᷊oṛṛon runia.’ ”

GALATIA 3:8

Wuke Susi buatte na'ellega paarorone manungku Ruata namalanmanga taumata wal᷊ine Yahudi masasangkapia apia ringannu Ruata, amungkangngu i mangitou mangngimanna si Tou. Watti'u Al᷊al᷊uassa udde niapaasingkata paarorone si Abraham sulal᷊ummu paaire indi, “Wuassi'o, Ruata sarun mangal᷊amatta al᷊awo'u walahannu taumata su wowon runia indi.”

ROMA 11:2

Tawe! Ruata tawe nandammen walahan-Ne apan buatte nipile-Ne ro'en paarorone. Manga tuṛṛangnga masingkata apa apan uawoṛṛetta sulal᷊ummu Wuke Susi su ola'i Elia, su tempo i tou nangalaen hatton taumatan Israel su Ruata, Elia nabbisara,

ROMA 4:3

Sulal᷊ummu Wuke Susi uawoṛṛetta, “Abraham mangngimanna Ruata, wuṛṛu ana waugu pangangimanne indi i tou tinarimmattu Ruata maola'a sangkatou taumata apan maal᷊uassa naungngu Ruata.”