1 TIMOTIUS 5:17 - WUKE SUSI WATTI'U AL᷊AL᷊USASSA

¹⁷ Piaṛṛa'u jamaatta apan ma'ola'a manarane ringannu mapia, ṛinone onggol᷊annu aaddata paarua anambone, nangillembo wuassi mangitou apan maṛṛimadda mannase wuṛṛu mangaṛṛa'a.

1 TIMOTIUS 5:17 Referans Kwoze

IBRANI 13:17

Paatuṛṛute parenta manga piaṛṛangu, wuṛṛu paasallunga si mangitou. Ana waugu i mangitou sidutu maṛṛingiddu niawanu, wuṛṛu i mangitou ṛinone sumimbakka ola'i yamiu su Ruata. Amungkangu i yamiu matuṛṛuta si mangitou, i mangitou wotongnge mammanara ringannu naungnga mal᷊uassa; amungkangu tawe, ne i mangitou sarun mammanara ringannu naungnga susa, wuṛṛu udde tawe maauntunga si yamiu.

GALATIA 6:6

Taumata apan mannengkama al᷊aṛṛa'i Kristus, ṛinone mattahia ringannu hurune anambon apa apan mapia apan tatahuannanni tou.

LUKAS 10:7

Atana'e tumba'u su wal᷊e sambau. Sengkamma apa apan iassaru si yamiu isudde, ana waugu taumata apan mammanara wotongnge manengkamma lal᷊antakke. Arie massal᷊iu wuassu wal᷊e sambau watukku wal᷊e waine.

IBRANI 13:7

Imbaṛṛanga maabul᷊i manga piaṛṛangu apan namasingkatu tanatan Ruata si yamiu. Paaellehe ereapa i mangitou mabbiakka wuṛṛu ereapa i mangitou mate, wuṛṛu tannoite pangangimanni mangitou.

2 TIMOTIUS 2:6

Mabbawailla apan suete nammanara maṛṛimada, ete i tou apan paarorone maasomba hessin sinuananne.

FILIPI 2:29

Nariaddi, sal᷊ohoite i tou ringannu ahewallu al᷊al᷊uassu naungnga ere sangkatou tuṛṛanga sulal᷊ummu pangangimanna sambau. Addate anambon taumata ere i tou.

ROMA 12:8

Taumata apan pia asingkatta mangngonggolu sasasa su taumata waine, ṛinone atonna-tonna mangonggolu sasasa su taumata waine, taumata apan pia al᷊amatta mantul᷊ungngu taumata waine ringannu darotongnge, ṛinone ma'ola'a udde ringannu naungnga mawawo wuṛṛu mal᷊uassa. Taumata apan pia asingkatta mammiaṛṛa'a, ṛinone atonna-tonna mammiaṛṛa'a. Taumata apan pia al᷊amatta mamasilon darangngune su taumata waine, ṛinone ma'ola'a ringannu naungnga mal᷊uassa.

WATTI'U MANGA RASUL 28:10

Manambo aonggolli mangitou si yami, wuṛṛu napawe i yami inaite nassenggotta apia, i mangitou nanguntudu wal᷊unni yami su apalla.

2 KORINTUS 6:1

Ana waugu i yami mammanara suadio'a ringannu Ruata, ne i yami sumal᷊ande arie i yamiu ma'ola'a tawe gunane apapia naungngu Ruata udde.

ROMA 16:12

Tabea'u si Trifena wuṛṛu si Trifosa apan mammanara maṛṛimadda mangngimbe Mawu, wuṛṛu si Persis apan arangnguangku. I tou lai suete nammanara maṛṛimadda manara Mawu.

ROMA 15:27

Ringannu naungnga mal᷊uassa i mangitou nakkawessa ma'ola'a udde. Atonna ṛinone i mangitou mantul᷊ungngu manga tuṛṛangnga apan asiangnga su Yerusalem; ana waugu wuassu manga taumatan Yahudi udde, manga taumata wal᷊ine Yahudi buatte nanengkamma al᷊amatta wuassu Ruata. Nariaddi manga taumata wal᷊ine Yahudi ṛinone lai mantul᷊ungngu taumatan Yahudi ringannu manga al᷊amatta ere manga darotongnga.

FILIPI 4:3

Su hawe'u apan matuṛṛuta, i ya'u madorongnga lai tadea'u tuṛṛanga massumbala wawine darua udde. I mangitou suete nammanara maṛṛimadda ringangku mabatti'u Watti'u Al᷊al᷊uassa wuassu Ruata; ere lai Klemen wuṛṛu anambon taumata waine apan mammanara suadio'a ringangku. Manga aranni mangitou uawoṛṛetta sulal᷊ummu Wuken Taumata Wiakka.

1 KORINTUS 16:16

I ya'u maddorongnga ringannu atonna-tonna tadea'u i yamiu tumuṛṛutta papiaṛṛa'u manga taumata ereudde, wuṛṛu manga taumata waine apan mammanara suadio'a wuṛṛu mangngimbe suadio'a ringanni mangitou.

WATTI'U MANGA RASUL 11:30

Pa'aire udde niola'a lai, see i Barnabas wuṛṛu i Saulus nirolokka manguntudu aonggola udde su manga piaṛṛa'u jamaatta.

2 MARARATU 2:9

Napawe na'omate su sambaane, i Elia nabbisara si Elisa, “Paddorongke apa ipaapulunu wuassia'u tantal᷊anna i ya'u taambe niapaasengkengu Mawu wuṛṛu manatangngu!” I Elisa sinumimbakka, “Tantil᷊a'e taṛṛinon Papa si ya'u, tadea'u i ya'u wotongnge mallol᷊ossa si Papa.”

2 TIMOTIUS 4:2

Ṛinone i'o mamasingkatu watti'a wuassu Ruata udde, wuṛṛu sidutu mammata'a tadea'u taumata maddaringikka, apa i mangitou maapulu ara'e maddiri. Ṛinone i'o mapaangimannu taumata, manta'en pasasal᷊a, wuṛṛu mangonggolu sasasa si mangitou. Aṛṛa'ete taumata ringannu anambon asasabbare.

1 TIMOTIUS 4:16

Paariagai ririnu wuṛṛu paariagai lai al᷊aṛṛangngu. Ṛinone i'o matuṛṛuta ma'ola'a sarangkanambone udde, ana waugu ringannu aroddi i'o sarun manal᷊amatta mawae su ririnu sassane aroddi lai manga taumata apan maddaringikka si'o.

1 TIMOTIUS 3:5

Ana waugu amungkangu taumata wagga mangatokku lal᷊oṛṛon bal᷊ene sassane, ereapa i tou wotongnge mangatokku jamaattu Ruata?

MATIUS 24:25

Nariaddi, paanaunge! I Ya'u suete namasingkatta si yamiu paarorone tantal᷊anna olangnge udde taambe nariaddi.

IBRANI 13:24

Wal᷊oa tabeang kami su anambon piaṛṛangu wuṛṛu su anambon walahannu Ruata. Sengkama lai tabea wuassu manga tuṛṛanga su Italia.

1 TIMOTIUS 4:10

Ana waugu udde i ite mammanara maṛṛimadda, ana waugu i ite pia antimma atonna su Ruata apan wiakka; eteudde Punnu Sal᷊amattu anambon taumata, nangillembo taumata apan mangngimanna.

1 KORINTUS 15:10

Arawe ana waugu al᷊amattu Ruata, i ya'u naola'a lai ere olangnge i ya'u orassa indi. Wuṛṛu talawe tawe gunane Ruata nangampunga si ya'u. Ewe'e ete i ya'u mammanara maṛṛimadda wuassu anambo manga rasul waine. Arawe udde ṛinone wal᷊ine ya'u mattinsahadda, udde sahaddu Ruata apan marangngu si ya'u wuṛṛu mammanara suadio'a ringangku.

WATTI'U MANGA RASUL 20:35

Sulal᷊ummu al᷊awo'u hatto, i ya'u suete nanul᷊adda si yamiu manungku ringannu mammanara maṛṛimadda ereindi, i ite ṛinone mantul᷊ungngu manga taumata lome. Ana waugu i ite ṛinone mannaungnga apa apan suete niwal᷊o Mawu Yesus, ‘Lembon su lal᷊umanna'a i ite mangonggolla, wuassu i ite manengkamma.’ ”

YOHANES 4:38

I Ya'u nandolokki yamiu inai mangitingnga su wailla apan tawe nirusahaddi yamiu; taumata waine suete nammanara poiaroddi, wuṛṛu i yamiu nanengkamma auntunganne wuassu manara mangitou.”

LUKAS 12:42

Mawu Yesus sinumimbakka, “Isai mangangimbe apan matuṛṛutta wuṛṛu pande ma'oman sara pileannu mawune maola'a tembonannu mangangimbe waine tadea'u i tou mappaanni mangitou su tempone?

ZAKARIA 9:12

Pabbelengke ei manga taumata apan niwuangnga, orassa indi i yamiu uatahuanna antimma. Pabbelengke watukku tampa passirungannu, i Ya'u sidutu mangal᷊amatta si yamiu. Paddaringikke: Paarua lipanne i Ya'u mangal᷊amatta si yamiu ana waugu al᷊awo'u asasusa apan buatte niapendamanni yamiu.

YEREMIA 17:18

Doronganna iapa mangngenggenna wuṛṛu mangngallangnga si ya'u, pansilian-Nu wuṛṛu penean-Nu ringannu atata'utta. Arawe ariewe ma'ola'a aroddi si ya'u, oh Mawu. Rantate asasilaka si mangitou ma'oman sara i mangitou masue mawinasa.

YEREMIA 16:18

Rosa wuṛṛu al᷊al᷊eo mangitou sarun Ta'u iwal᷊issa ringannu ṛuumanna paarua anambone, ana waugu i mangitou buatte nandal᷊eo wanua-U ringannu manambo paal᷊uanna. Manga paal᷊uanna udde tawe niawane ere asuangnga.”

YESAYA 40:2

Paatammudde naungngu taumatan Yerusalem, pasingkata'e manungku patataṛṛualange nasuete. Pasasal᷊a mangitou buatte Ta'u niampunganna, manga rosa mangitou buatte Ta'u niṛṛuumanna paarua.”

1 TIMOTIUS 5:3

Addate manga wawine wal᷊u apan atonna-tonna mabbiakka sassane.

1 TIMOTIUS 4:6

Amungkangu i'o mangaṛṛa'u sarangkanambone udde su manga tuṛṛanga su pangangimanna sambau, i'o sarun maola'a mamamanaran Kristus Yesus apan mammanara ringannu mapia. Wuṛṛu i'o sidutu mappadul᷊i niawanu ringannu wisaran Duata apan pangngimananni ite, wuṛṛu ringannu manga al᷊aṛṛa'a apan atonna apan suete nipangimanannu al᷊annunete indi.

1 KORINTUS 3:9

Ete i yami udde manga taumata apan mammanara suadio'a manaran Duata; wuṛṛu eteudde i yamiu waillu Ruata. Manga tuṛṛangnga naola'a lai Wal᷊e Ruata.

1 TIMOTIUS 4:14

Arie i'o maabul᷊i mappaattu apande wuassu Ghaṛṛahon Duata apan nionggolla si'o su tempo manga piaṛṛa'u jamaatta nangaddon lima mangitou su wowon puanu, wuṛṛu manga nabi namasingkatu tanatan Duata su ola'u ririnu.

1 TIMOTIUS 5:19

Arie manengkamma aansilla su saruannu sangkatou piaṛṛa'u jamaatta, tabane'e tohasannu ruan katou sakassi ara'e nallebe wua isudde.

REENGANNA 18:31

Lambene udde wotongnge annananni yamiu su al᷊awo'u tampa suadio'a ringannu lal᷊oṛṛon amonannu, maola'a lal᷊antakku manaranu su Rasannu Mawu.

TAHIUL᷊E 18:8

I tou lai ṛinone manengkamma anna apan uasul᷊ungnga anambone ere lai manga imam bal᷊ine, apan niasombanganne wuassu amonanne, udde lai wageangngi tou.”