1 TIMOTIUS 4:8 - WUKE SUSI WATTI'U AL᷊AL᷊USASSA

⁸ Mannarammu wadangnga tumba'u addio'a hunane, arawe mannarammu pangangimanna mahuna su al᷊awo'u inolaanna, ana waugu pia paaire su ipabbiakka tempo indi wuṛṛu tempo addantane.

1 TIMOTIUS 4:8 Referans Kwoze

MATIUS 6:33

Nariaddi paddea'e dorone tadea'u Ruata mamarenta sulal᷊ummu wiakku wuṛṛu tuṛṛutte apulu-Ne. Ne al᷊awo'u darotongnga waine lai sarun ionggolu Ruata si yamiu.

1 TIMOTIUS 6:6

Atonna agama mangngonggolu auntunganna apan wahewalla, amungkangu taumata mal᷊uassa ringannu sarannapa apan tatahuananne.

AMSAL 22:4

Taumata apan ma'imanna Mawu wuṛṛu sussallungngu watanganne, sarun su lal᷊umanna'a, mal᷊uassa wuṛṛu aaddatanna.

AMSAL 19:23

Pangaddate Mawu, ne wiakku sarun su lal᷊umanna'a; i'o sarun mawusa wuṛṛu mal᷊iu wuassu silaka.

1 YOHANES 2:25

Wuṛṛu ete indi apan pina'iren Kristus sassane si ite: wiakka tutune wuṛṛu saran mal᷊annu-l᷊annu.

MARKUS 10:30

taumata udde sarun manengkamma lembon anamboanne orassa indi. I tou sarun maasomba paaṛṛasutta pia lebbene anambon bal᷊ene, tuṛṛangnge esakka, tuṛṛangnge wawine, inangnge, al᷊aṛṛanangnge, wawail᷊anne, – wuṛṛu asasusa lai. Wuṛṛu paṛṛangatta su tempo addantane, taumata udde sarun manengkamma pabbawiakka tutune wuṛṛu saran mal᷊annu-l᷊annu.

DARALO 37:29

Taumata susi sarun manahuanna leta'a udde, wuṛṛu mamanua isudde saran mal᷊annu-l᷊annu.

DARALO 37:11

Taumata apan mawawo naungnge sarun mappussa'a leta'a udde, wuṛṛu maapendamma lal᷊umanna'a marasai.

IBRANI 13:9

Imbaṛṛanga mapaawalan al᷊awo'u hatin al᷊aṛṛa'a apan ma'aheranga apan mangal᷊iwung kamiu. Naungngi ite ṛinone tohasannu apapia naungngu Ruata, eteudde apan mapia; imbaṛṛanga ringannu manga atoranna su ola'u anna. Manga taumatan tiwatta apan matuṛṛuta su manga atoranna udde tawe naasomba hunane.

YESAYA 3:10

Mawu nabbisara, “Pasingkata'e su taumata apan matuṛṛutta si Ya'u manungku i mangitou sarun su lal᷊umanna'a wuṛṛu sal᷊amatta. I mangitou sarun maatemma wuan inasaharanni mangitou.

MANNANASE 8:12

Salaiwe maṛṛasutta al᷊al᷊eo a'olaannu sangkatou marosa, i tou sidutu mabbiakka ewe'e lai uukke mal᷊o'engnga. Naudde, isai apan matuṛṛutta Ruata, al᷊awo'u pabbiaṛṛanne mangke mal᷊uassa.

DARALO 145:19

I Tou malluassa naungngu manga taumata ma'imanna; i Tou maddaringikka sasal᷊anden mangitou wuṛṛu nanal᷊amatta si mangitou.

DARALO 84:11

Mappianne allo massallo su Wal᷊en-Nu sul᷊ungnge'e saṛṛiwu su tonnane su tampa waine. I ya'u mamile maola'a mandariaga ngara su Wal᷊en Duata'u sul᷊ungnge'e matana'a su wal᷊en taumata lal᷊eo.

SONDAPPA 3:21

I mangitou apan naauntunga, sarun Ta'u iwala uma'ianna su adderan araratuang-Ku su sambau ringang-Ku, ere i Ya'u sassane lai suete na'auntunga wuṛṛu orassa indi ua'ianna suadio'a ringannu Iamang-Ku su adderan araratuan-Ne.

TITUS 3:8

Wisara indi atonna-tonna. I ya'u maapulu i'o mangaṛṛa'u olangnge indi, tadea'u manga taumata apan mangngimanna Ruata atonna-tonna maddea'a ma'ola'a manga manara apan mapia wuṛṛu mahuna su anambon taumata.

1 SAMUEL 15:22

Arawe i Samuel nabbisara, “Suapane apan lembon ipaapulu Mawu, atatuṛṛutta ara'e sasamba? Atatuṛṛutta su Mawu mappianne wuassu mangonggollu sasamba. Mararingikka mappianne wuassu tawan domba.

SONDAPPA 3:12

Taumata apan naa'untunga, sarun Ta'u olaanna ere sambau diṛṛi sulal᷊ummu Wal᷊e Susi Ruata-U, wuṛṛu i tou sarun matana'a su tampa udde saran mal᷊annu-l᷊annu. Arannu Ruata-U, wuṛṛu arannu soan Ruata-U – eteudde Yerusalem wakku apan sarun umonto'a wuassu surga, wuassu Ruata-U – sarun Ta'u iwoṛṛeta su wadangu taumata udde. Wuṛṛu lai arang-Ku apan wakku sarun Ta'u iwoṛṛeta su waddange.

1 KORINTUS 8:8

Su ṛinone anna sassane tawe maaola'a paa'aukki ite ringannu Ruata maola'a lembon mapia. Amungkangngu i ite umanna anna udde, i ite tawe maasomba auntunganna apa-apa. Aroddi lai amungkangngu i ite tawe umanna anna udde, i ite lai tawe marugi saran kadio'a.

YEREMIA 6:20

Ipa'ura amania apan iapiddi mangitou si Ya'u wuassu Syeba, ara'e manga rampa-rampa wuassu wanua marau? Tawe maola'a i Ya'u manengkamma sasamba mangitou. I Ya'u maddiri manga sasamba itattambunna wuassi mangitou.

YESAYA 33:16

Ne i yamiu sarun lal᷊u'aranna wuṛṛu amanna, ereola'u sulal᷊ummu tanda batu apan matohassa. Anna wuṛṛu ua'e uddete nasaddiate si yamiu.

DARALO 37:9

Ana waugu taumata apan ma'ola'a al᷊al᷊eo, sarun ṛaddaanna, arawe isai uaantimma Mawu sarun manahuanna leta'a udde.

ROMA 8:28

I ite masingkata manungku Ruata mangngatokku al᷊awo'u inolaanna indi, na'oman sara mabbua mapia hunane su manga taumata apan marangngu si Tou wuṛṛu apan niwagoan-Ne ringannu apulu-Ne sassane.

1 KORINTUS 3:22

Paulus, Apolos, Petrus, runia indi, mabbiakka wuṛṛu mate, tempo indi ara'e tempo apan sarun rumanta, sarangkanambone udde tatahuanannu.

MATIUS 19:29

Wuṛṛu manga taumata apan suete nanantangngu wal᷊ene, ara'e tuṛṛangnge esakka ara'e wawine, ara'e inangnga iamangnga, ara'e manga al᷊aṛṛanangnge ara'e wawail᷊anne ana waugu i Ya'u, taumata udde sarun manengkamma apia paaṛṛasutta su wageangnge. Wuṛṛu i tou sarun manengkamma lai wiakka tutune ma'oman sara mal᷊annu-l᷊annu.

AYUB 36:11

Amungkangngu i mangitou tuttuṛṛutta Ruata wuṛṛu mattaṛṛamawu si Tou, i mangitou mabbiakka su paddarame wuṛṛu ala ma'oman sara panginsueannu pabbiaṛṛanne.

MATIUS 12:32

Amungkangngu taumata mabbisara wisara tatompola su Ana'u Taumata, i tou wotongnge ampunganna, arawe amungkangngu i tou mangngaddio'a Ghaṛṛahon Ruata, i tou tawe aampunganna, mapia orassa indi ara'e lai su panginsueanne!”

1 TIMOTIUS 4:7

Paaraua'a manga watti'a wawahia apan tawe gunane. Ṛinone wadangngu inaramma su pabbiaṛṛanna mattaṛṛamawu.

1 TIMOTIUS 6:3

Isai-sai apan mangngaṛṛa'u al᷊aṛṛa'a uapapaṛṛalan al᷊aṛṛa'a apan naṛṛino wuassu Mawun kite Yesus Kristus, wuṛṛu ringannu al᷊aṛṛa'u agaman kite,

1 TIMOTIUS 6:5

wuṛṛu pasase'etta apan tawe masue. Lal᷊annu ṛingiddu manga taumata udde nial᷊iwunete wuṛṛu nassal᷊ate. I mangitou massunna manungku wotongnge maala wuassu agama.

2 TIMOTIUS 3:5

Salaiwe su ola'u waddangnga, i mangitou matuṛṛutta mappaamattu titan agama, arawe maddiri manengkamma lal᷊oṛṛon watiti'u agama udde sassane. Paarau manga taumata ereudde.

LUKAS 5:38

Anggore apan wakku sarun ilal᷊inna su tampane apan wakku lai.