1 TIMOTIUS 3:15 - WUKE SUSI WATTI'U AL᷊AL᷊USASSA

¹⁵ tadea'u amungkangu i ya'u mal᷊annu, i'o masingkate ereapa i ite mabbiakka maola'a walahannu Ruata, eteudde jamaattu Ruata apan wiakka. Ete jamaatta indi apan naola'a alu tatungkale wuṛṛu rapappaku al᷊aṛṛa'a apan naṛṛino wuassu Ruata.

1 TIMOTIUS 3:15 Referans Kwoze

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.

1 TESALONIKA 1:9

Anambon taumata udde uahahatto su ola'u ereapa i yamiu nanal᷊oho si yami su tempo i yami dorone nirumanta ringanni yamiu. I mangitou uahahatto su ola'u ereapa i yamiu nanantangu pasasubba paal᷊uanna wuṛṛu nirumanta ringannu Ruata tinggassa apan wiakka wuṛṛu mattaṛṛamawu si Tou.

1 TAWARIKH 22:13

Amungkangu i'o matuṛṛutta su anambon tita apan nionggolu Mawu si Musa su walahannu Israel, i'o sarun maasomba auntunganna. I'o ṛinone pia pangangimanna wuṛṛu waṛṛani. Imbaṛṛangnga mata'utta sumaruanna al᷊awo'u hal᷊ahe.

1 MARARATU 2:4

Amungkangngu i'o matuṛṛutta Mawu, i Tou sarun manipussu pa'aire-Ne manungku papapulungku sarun mamarenta Israel, sawal᷊iate i mangitou ringannu ahewallu naungnga wuṛṛu anambon pangangimanna sidutu tuttuṛṛutta manga parenta-Ne.

GALATIA 2:9

Yakobus, Petrus wuṛṛu Yohanes, apan aellehanna naola'a manga piaṛṛa'u jamaatta, mangnga'u manungku Ruata buatte nangonggolu manara indi si ya'u. Ne i mangitou naa'agassa lima ringanni Barnabas wuṛṛu i ya'u, maola'a sambau tatialan pagahahawe. See i mangitou wuṛṛu i yami sambaidda manungku i yami sarun mammanara su wallatu manga walahanna wal᷊ine Yahudi, wuṛṛu i mangitou su wallatu taumatan Yahudi.

ROMA 3:2

Natantunna manambo auntunganne! Paarorone, ana waugu ete su taumatan Yahudi Ruata nanantillu manga wisaran Duata.

MATIUS 16:16

I Simon Petrus sinumimbakka, “Ete Iamangnga Ratum Punnu Sal᷊amatta, Ana'u Ruata apan biakka.”

1 SAMUEL 17:26

Ana see i Daud nabbisara, “Waṛṛani atonna taumatan Filistin apekka udde mannal᷊u'atta tantaran Duata apan biakka!” Wua'udde ya'u naiwal᷊o su sangkatou tantara, “Apate apan sarun ionggolla su taumata apan naapate taumatan Filistin udde wuṛṛu namappassa aal᷊uandaga wuassu Israel?”

ROMA 9:26

Wuṛṛu su tampa udde iapaasingkata su taumata ‘I yamiu wal᷊ine al᷊aṛṛana-U,’ isudde manga taumata sarun isaggo al᷊aṛṛana'u Ruata apan wiakka.”

WATTI'U MANGA RASUL 1:2

na'oman sara allone i Tou nasengkengnga su surga. Tantal᷊anna i Tou taambe nasengkengnga su surga, ringannu taṛṛinon Ghaṛṛahon Ruata i Tou mannantiro manga rasul apan sueten pinile.

YOHANES 14:6

Mawu Yesus sinumimbakka, “Ete i Ya'u lal᷊anna ipa'illal᷊a Ruata wuṛṛu see maasomba wiakka. Tawe saran sangkatou wotongnge rumanta ringannu Iamangnga, amungkangngu tawe umamatta lumiu si Ya'u.

MATIUS 18:18

“Asingkatawe: Apa apan isassingadi yamiu su runia, udde lai isassingada su surga. Wuṛṛu apa apan iapa'ola'i yamiu su runia, iapa'ola'a lai su surga.

1 MARARATU 2:2

“Nia'omante tempone i ya'u nate. Ṛinone i'o mangngimanna wuṛṛu waṛṛani.

YOSUA 3:10

Amungkangu i yamiu inaite umamatta, Mawu sarun mallimbuakka taumatan Kanaan, Het, Hewi, Feris, Girgasi, Amori wuṛṛu Yebus. Wuṛṛu su tempo Wantalu Pa'aire Mawu ul᷊ilim pati'uppa tinumumbete Yordan malliu ṛoro si mangitou, i yamiu sarun maasilo manungku Mawu Ruata apan biakka, udde su pattangnganni yamiu.

TAHIUL᷊E 31:23

Wua'udde Mawu nabbisara si Yosua, ana'i Nun, wisara-Ne, “Ṛinone naungngu matohassa wuṛṛu waṛṛani, Yosua! I'o sarun mamiaṛṛa'u walahannu Israel sumutta su wanua apan Ta'u pina'ire si mangitou, wuṛṛu i Ya'u sarun mantul᷊ungngu.”

TAHIUL᷊E 5:26

Apa piate taumata apan sidutu wiakka napawe naaringikka Mawu Ruata apan biakka udde mabbisara wuassu putungnga?

SONDAPPA 7:2

See i ya'u naasilo sangkatou mala'ekatta waine nilumapputa wuassu samba'an ra'i. I tou uaapiddu segele wuassu Ruata apan biakka. Ringannu tingikka ma'ikkatta mala'ekatta udde namaggo sire appata mala'ekatta apan suete naasomba taṛṛino Ruata ipanggohakku ammaranne wuṛṛu tahal᷊oangnga.

IBRANI 12:22

Arawe, i yamiu suete nirumanta watukku Wuiddu Sion wuṛṛu soan Ruata apan biakka, eteudde Yerusalem apan su surga ringannu mala'ekan-Ne su ṛiwune.

IBRANI 3:12

Manga tuṛṛangnga, paatehamma arie ma'oman sara piaddu sangkatou wuassu wallatti yamiu apan pia naungnge aroddi alal᷊eone wuṛṛu tawe pangangimanne, na'oman sara i tou mabelengnga wuṛṛu mangindaun Ruata apan biakka!

1 TIMOTIUS 6:16

Ete i Tou apan tawe aṛṛinoannu papate; i Tou mabbiakka sulal᷊ummu asasemakka apan tawe wotongnge aundanianni sai-sai. Tawe saran sangkatou taumata apan suete naasilo, ara'e wotongnge ma'ellega si Tou. Ete si Tou addata wuṛṛu taṛṛino ma'oman sara mal᷊annu-l᷊annu! Amin.

1 TIMOTIUS 4:10

Ana waugu udde i ite mammanara maṛṛimadda, ana waugu i ite pia antimma atonna su Ruata apan wiakka; eteudde Punnu Sal᷊amattu anambon taumata, nangillembo taumata apan mangngimanna.

1 TIMOTIUS 3:16

Taweddu saran sangkatou wotongnge massinaada, aroddi ahewalle addapingu agaman kite: I tou namasilon batanganne sulal᷊ummu lihiddu taumata, wuṛṛu niapaal᷊iatta'u Ghaṛṛahon Duata, see aellehannu manga mala'ekatta. Wattinge niapararingikka su wallatu manga walahanna, wuṛṛu i Tou apangimananna su ahewallu runia wuṛṛu niapaasengkenga su surga.

1 TIMOTIUS 3:2

Sangkatou mallal᷊u'adda jamaatta ṛinone taumata tawe sal᷊ane, tumba'u sangkatou awingnge, masabare, pande, wuṛṛu maaduna; i tou maapulu manol᷊oho raho su wal᷊ene, wuṛṛu wotongnge mangaṛṛa'a taumata;

KOLOSE 1:5

I yamiu mangngimanna wuṛṛu i yamiu marangngu, ana waugu mangngantimma apa apan suete nissaddian Duata su surga hunan kamiu. I yamiu suete naaringikka su olangnge udde, su tempo Watti'u Al᷊al᷊uassa udde niapaasingkata si yamiu.

EFESUS 4:21

Yamiu suete naaringikka su ola'i Tou! Wuṛṛu naola'a sangkatou mallal᷊aṛṛenggen-Ne, i yamiu suete niaṛṛaanna lai su ola'u pallal᷊agu Duata apan tatahuannanni Tou!

GALATIA 3:1

Manga tuṛṛangnga taumatan Galatia! I yamiu woddo atonna. Tanne i yamiu niaṛṛinoanten wawono'i sai? Papaten Kristus su alu arussa suete ta'u tinal᷊a'a ringannu masema-semakka si yamiu!

2 KORINTUS 6:16

Apa sul᷊ungnge Wal᷊e Mawu wuṛṛu wal᷊em paal᷊uanna? I ite indi Wal᷊en Mawu, eteudde Ruata apan wiakka. Ruata sassane nabbisara, “I Ya'u sarun matana'a su pattangnganni mangitou, wuṛṛu mabbiakka suadio'a ringanni mangitou. I Ya'u sarun maola'a Ruata mangitou wuṛṛu i mangitou sarun maola'a al᷊aṛṛana-U.

WATTI'U MANGA RASUL 14:15

“Ei, anio i yamiu ma'ola'a arendi? I yami indi taumata ere lai yamiu! I yami rudanta mamasingkattu Watti'u Al᷊al᷊uassa si yamiu tadea'u i yamiu manantangngu inolaanna lal᷊eo indi wuṛṛu rumanta ringannu Ruata apan biakka, nandiadi langitta wuṛṛu runia wuṛṛu tahal᷊oangnga wuṛṛu anambon lal᷊oṛṛone.

YOHANES 6:69

I yami mangngimante wuṛṛu naatutukke manungku ete Mawu darol᷊oṛṛanna apan naukkassa wuassu Ruata.”

YOHANES 1:17

Tita Mawu, nisengkammi ite wuassi Musa. Arawe darangngu wuṛṛu tatal᷊antupu Ruata niapaal᷊iatta'a sulal᷊ummi Yesus Kristus.

DANIEL 6:26

Wua'udde Ratu Darius nangirimmu suratta su manga taumata suassu al᷊awo'u walahanna, ṛuangannu walahanna wuṛṛu wahasa su ahewallu runia, “Tabbean paddarame!

YEREMIA 23:36

I mangitou tate wotongnge lai mappaattu wisara ‘winabbawa Mawu’. Amungkangngu ta'e piaddu mappaattu wisara udde, ne i Ya'u na'ola'a tanata-U atonna-tonna winabbawa si tou. Taumata apan mabbisara ‘winabbawa Mawu’ tumba'u mammal᷊elongngu wisara-U, Ruata mangitou, Ruata apan biakka, Mawu Apan Lembontaṛṛino.

YEREMIA 1:18

Paddaringikka! I'o sarun tompol᷊annu manga tumana'u wanua indi, eteudde manga ratun Yehuda, manga mangangumbele parenta, manga imam, wuṛṛu tumanangnge. Arawe allo indi Ya'u mangonggolla si'o atatohassa ipando'appa si mangitou. I'o sarun mabbal᷊i ere soa pia tanda batune, naal᷊ihidda diṛṛi atta'a wuṛṛu darandungnga witu'a. I mangitou sarun tawe mapamaddonu, ana waugu i Ya'u sarun uarundinganna wuṛṛu ual᷊u'adda si'o. I Ya'u, Mawu, buatte nabbisara.”

DARALO 84:2

Tumaniten maal᷊uassa tampa atatanaan-Nu, oh Ruata Apan Lembontaṛṛino!

DARALO 42:2

Naal᷊ihidda rusa maapulun ua'en sal᷊ukka, aroddi lai niawa'u maapulu-Nu, oh Ruata.

1 SAMUEL 17:36

Allangngu buatte namate singa wuṛṛu beruangnga, wuṛṛu taumatan Filistin apekka udde lai sarun ta'u pateanna ere manga winatangnga udde, ana waugu i tou waṛṛani mangal᷊uandaga tantaran Duata apan biakka.

IBRANI 9:14

nangilembote lai ṛaṛṛan Kristus! Sulal᷊ummu Ghaṛṛaho awasa, i Kristus nanantillu watangan-Ne sassane su Ruata maola'a sambau sassamba apan nasuungnga. Ṛaṛṛa-Ne mammaresi lal᷊ummu naungngi ite wuassu lal᷊aghun agama apan tawe gunane, tadea'u i ite wotongnge maapangimbe Ruata apan biakka.

2 TIMOTIUS 2:20

Sulal᷊ummu wal᷊e apan wahewalla pia al᷊awo'u saranapa. Piaddu niola'a wuassu sal᷊a'a ara'e, wul᷊awanna, arawe piaddu lai wuassu alu ara'e leta'a. Pia ipappaatta su pandumanna apan mawantuga, wuṛṛu pia lai ipappaatta su tudda inanaramanna.

1 TIMOTIUS 3:5

Ana waugu amungkangu taumata wagga mangatokku lal᷊oṛṛon bal᷊ene sassane, ereapa i tou wotongnge mangatokku jamaattu Ruata?

2 KORINTUS 6:7

wuṛṛu ringannu mabbatti'a watti'u Ruata wuṛṛu ringannu taṛṛinon Duata, i yami mapaal᷊iatta'a manungku i yami indi allangngu Ruata. I yami uaagassa apulu Ruata maola'a ahiddi ami ipamangalo ara'e ipannohassa wadangngi yami.

2 KORINTUS 3:3

I mangitou sassane wotongnge maasilo manungku tuṛṛangnga naola'a suratta apan niwoṛṛetti Kristus, wuṛṛu niapaapidda si yami. Suratta udde wal᷊ine niwoṛṛettu tinta, arawe ringannu Ghaṛṛahon Duata apan wiakka; wal᷊ine lai su wowon batu pamamoṛṛetanna, arawe sulal᷊ummu naungngu taumata.

YOHANES 18:37

Ne i Pilatus naiwal᷊o si Tou, “Amungkangngu aroddi, I'o indi ratu?” Mawu Yesus sinumimbakka, “I'o nabal᷊o manungku i Ya'u indi ratu. I Ya'u niasungkangnga wuṛṛu nirumanta su runia indi ringannu sambau pandumma, eteudde mangonggolu tatiala su ola'u atatul᷊idda. Taumata apan wuassu atatul᷊idda udde maddaringikka si Ya'u.”

HOSEA 1:10

Walahannu Israel sarun maola'a anambone ere anne su tahal᷊oangnga, na'oman sara i tou tawe iauukka ara'e iareengnga. Orassa indi Ruata nabbisara si mangitou, “I yamiu wal᷊ine uma-U,” arawe sarun a'omanna tempone i Tou sarun mabbisara si mangitou, “Ete i Ya'u Ruata apan wiakka wuṛṛu i yamiu al᷊aṛṛana-U!”

YEREMIA 10:10

Arawe I'o, Mawu, Ruata apan naṛṛino, Ruata mangangonggllu wiakka, ratu sarangkal᷊o'enge. Amungkangngu I'o masa'u, runia umio'a, amungkangngu I'o mamansagga manga walahanna tawe maataṛṛanga. (

2 MARARATU 19:4

Ratun Asyur buatte nandolokku sangkatou tembonannu tantara atanggaṛṛanne niapal᷊obbosa Ruata apan biakka. Isai masingkata Mawu Ruatanu naaringikke lal᷊obbosa udde, wuṛṛu sarun makkuumanni mangitou apan nabbisara! Ana waugu udde a'al᷊iomante su Ruata hunan manga taumatan kite apan ta'e wiakka.”

1 KORINTUS 3:16

Masingkatawe tuṛṛangnga manungku eteudde i yamiu Wal᷊en Duata? Wuṛṛu manungku Ghaṛṛahon Duata uatana'a sulal᷊ummi yamiu?

1 KORINTUS 10:32

Pabbiakke aroddi olangnge ma'oman sara tuṛṛangnga tawe ma'ola'a taumata waine ma'ola'a rosa; apa i mangitou taumatan Yahudi ara'e taumata wal᷊ine Yahudi, ara'e lai jamaattu Ruata.

1 TIMOTIUS 3:14

I ya'u mangantimma tate mal᷊anu lai ya'u sarun mattembo si'o. Salaiwe aroddi, ya'u namoṛṛetu suratta indi lai si'o,

2 TIMOTIUS 2:19

Arawe pinangiananne matohassa apan niola'u Ruata, tawe ia'io'a. Su wowone uawoṛṛetta arendi, “Mawu masingkattu manga taumata pussa'a-Ne”, wuṛṛu “Taumata apan mabbisara manungku i tou pussa'an Mawu, taumata udde ṛinone tate ma'ola'a inolaanne apan nassal᷊a”.

IBRANI 10:21

Wuṛṛu i ite orassa indi uatahuanna sangkatou imam bahewalla, apan uariagga Wal᷊e Ruata.

1 PETRUS 4:17

Nia'omante tempone Ruata mamarikissa runia. Wuṛṛu ete walahannu Ruata sassane apan sarun parikisanna paarorone. Ne, amungkangu Ruata manattakke mamarikissa si ite, ereapate manga taumata apan tawe mangngimanna Watti'u Al᷊al᷊uassa wuassu Ruata udde?