1 TIMOTIUS 3:11 - WUKE SUSI WATTI'U AL᷊AL᷊USASSA

¹¹ Awingngi mangitou lai ṛinone taumata mapia, wal᷊ine taumata apan taṛṛa watti'u wahia. I mangitou ṛinone masingkata mattuṛṛadana, wuṛṛu tawe mamahia su al᷊awo'u inolaanna.

1 TIMOTIUS 3:11 Referans Kwoze

TITUS 2:3

Aroddi lai ṛinone i'o mangaṛṛa'a manga wawine apan timmaddete tadea'u pallal᷊agu mangitou matataṛṛino su taumata apan mabbiakka tumuṛṛuttu apulun Duata sassane. Tawe wotongnge i mangitou mangal᷊uandaga taumata waine, wuṛṛu tawe wotongnge taṛṛa inumma ua'e maawu'anna. Ṛinone i mangitou mangaṛṛa'u manga al᷊aṛṛa'a apan mapia,

TITUS 3:2

Wal᷊oa'a si mangitou tadea'u tawe mangal᷊uandaga ara'e matatiakku manga taumata, ewe'e mabbiakka masaṛṛionto'a. Ṛinone i mangitou sidutu masambiolo su saruannu anambon taumata.

1 TIMOTIUS 3:2

Sangkatou mallal᷊u'adda jamaatta ṛinone taumata tawe sal᷊ane, tumba'u sangkatou awingnge, masabare, pande, wuṛṛu maaduna; i tou maapulu manol᷊oho raho su wal᷊ene, wuṛṛu wotongnge mangaṛṛa'a taumata;

1 PETRUS 5:8

Ṛinone i yamiu paatehamma wuṛṛu paariagga! Ana waugu Setanna udde seetti yamiu. I tou ere singa u'amatta mammal᷊intadu runia lapiddu mannuntingikka maddea'a pabbawiakke.

2 TIMOTIUS 3:3

I mangitou maddiri mandangngu taumata sansul᷊unge, tawe mangonggolu ampunga, i mangitou apulune mandal᷊eo arannu taumata waine, taṛṛa wata'a, i mangitou maṛṛaggisa, wuṛṛu maddirin apapia.

AMSAL 10:18

Taumata apan mammunin asasa'u i tou udde taṛṛa awusu. Taumata apan mannal᷊iawukku aumbilangnga i tou longonna.

2 TIMOTIUS 4:5

Salaiwe aroddi, i'o ṛinone uaparenta watangannu sulal᷊ummu al᷊awo'a apan mariaddi. Paasabare sulal᷊ummu asasusa, ola'e manaranu mabatti'u Watti'u Al᷊aluassa udde wuṛṛu amata'e ringannu mapia-pia manaranu ere sangkatou mangangimbe Ruata.

1 TIMOTIUS 6:2

Manga allangnga apan mawune taumatan Saṛṛani, tawe wotongnge mangngaddio'a mawune ana waugu i mangitou labbisa taumatan Saṛṛani. Ewe'e ṛinone i mangitou mangimbe mawu mangitou udde ringannu lembon apiane lai, ana waugu mawu apan a'imbeanna ringannu mapia, eteudde sambau taumata mangngimanna apan arangnguanna. Sarangkanambone indi ṛinone iaṛṛa'a wuṛṛu itantironu.

1 TIMOTIUS 1:12

I ya'u maadiangkamanna si Kristus Yesus Mawun kite. I Tou suete nangonggolu atatohassa si'u ipangimbe si Tou, wuṛṛu i Tou mammendama manungku i ya'u wotongnge su manara udde,

YOHANES 6:70

Mawu Yesus sinumimbakka, “Wal᷊inewe i Ya'u apan namile si yamiu mapul᷊o dua indi? Arawe sangkatou wuassu wallatti yamiu eteudde ghaṛṛaho lal᷊eo!”

MATIUS 4:1

Wua'udde Mawu Yesus niehettu Ghaṛṛahon Ruata watukku wadda'a, ana see iapawono'a su Setanna.

YEHEZKIEL 44:22

Manga imam tumba'u wotongnge maawingngu maṛṛualan Israel apan ta'e perawanna ara'e sangkatou inawal᷊uannu imam. I mangitou tawe wotongnge maawingngu wawine apan nisindoanna.

YEREMIA 9:4

Su saruannu hawe, suapan taumata ṛinone paatehamma wuṛṛu tuṛṛangnga sidutu lai tawe apangimananna. Ana waugu, ere i Yakub aroddi lai i mangitou, sambau-sambau mammahia tuṛṛangnge. Suapan taumata u'amatta suapa-suapa tadea'u mannal᷊iawukku oddatta wuṛṛu awusu.

AMSAL 25:13

Daroloṛṛanna apan matuṛṛutta, maal᷊uassa mandarolokke, naal᷊ihidda ua'e masunge su mangangitingnga wailla.

DARALO 101:5

Taumata apan mangngal᷊uandaga ringannu mal᷊annabba, sarun ta'u pateanna. Taumata apan mawunga wuṛṛu naungnge matanggakka tawe ta'u iwala aroddi.

DARALO 50:20

I'o sidutu mangngadio'a tuṛṛangngu, wuṛṛu mangngarasa tuṛṛangngu tutune.

DARALO 15:3

apan tawe manggal᷊usa'a sansul᷊ungnge, wuṛṛu tawe ma'ola'a al᷊al᷊eo su hawene, wuṛṛu mandal᷊eo arannu al᷊indonganne;

IMAMATTA 21:7

Sangkatou imam tawe wotongnge ma'awingngu sangkatou wawine apan buatte sinumandaga ara'e sangkatou wawine apan tate lai susi ara'e buatte nasasindo, ana waugu imam udde tatahuanang-Ku.

ROMA 1:29

Naungngi mangitou napenen al᷊awo'u al᷊al᷊eo, al᷊awo'u awusu; napenen awawal᷊iu, awawukku'a, wuṛṛu mannihikka taumata waine, napenen apulu mamate, uawawul᷊o, mallinga wuṛṛu mangngune. I mangitou apulune ma'umbilangngu taumata waine,